عشق الأدم ( الثلاث أجزاء معا ) مكتمله

أدم العشق / الفصل الثامن عشر

اسفة على التأخير ، بس اليوم كان عندي جامعة وشغل واخدت وقت لكتبت الفصل ..
بجد كنت بكتب وقت الراحه بس علشان متزعلوش علشان شايفه حبكم للرواية وده طبعا بيسعدني جدااااا 😍

قراءة ممتعة❤

&&&&&&&&&&&&&&&&&&&
وكأن الطيور قد حطت على رأسهم ..
هدوء قاتل أحتل كيان كل من كان بالمكان بعد كلمات الطبيب تلك التي كانت بمثابة صفعه قوية أخترقت وجوههم بشدة !!
بينما هي لا زالت تجلس على الأرضية تطالع الطبيب بعينين يكادان يخرجان من محجرهما !
إذا هل ستكون نهايتها هي و زوجها هنا ؟ هل سيموت أيهم ويتركها وحيدة ؟ هل سيرحل ؟
يا الله كم شعرت بأن قلبها يتمزق الأن !شعرت بألم لم تشعر به من قبل ، قفزت أمامها ذكرياتهم معا
حبه لها وخوفه عليها ، احتوائه ، غيرته
يا الله كم اشتاقته ! ماذا عساها تفعل بدونه
كيف ستعيش ؟ وبأي قلب ستستمر بحياتها من بعده ؟! أغمضت عينيها تتمنى أن تكون بكابوس وتنهض تجد نفسها بداخل أحضانه !!
ولكن ضربتها الحقيقة الموجعه عندما سمعت الطبيب يكمل كلامه قائلا بعد أن وجد الصدمه قد أخذت حيزا كبيرا منهم قائلا :
- الحمدلله الورم لسه بالبداية يا جماعة ، خلو ايمانكم قوي بربنا ، حالة المريض النفسيه دلوقتي هي الأهم ، وانتو كمان لازم تكونو قويين علشان يستمد قوته منكم !

هتف أدم بحزم :
- ايه الحل دلوقتي يا دكتور ؟

أجاب الطبيب بهدوء وهو يحول عينيه بين الموجودين :
- حاليا لازم نعمله عملية أستئصال الورم ، العملية صعبه بس نسبة الشفاء كويسه لدلوقتي علشان زي ما قولتلكم الورم لسه بالبداية !!

أنشقت ابتسامة صغيرة على ثغر السيد جلال عندنا سمع بأن هناك نسبة شفاء ستعيد إليه إبنه من جديد ، هتف للطبيب قائلا :
- الحمدلله يا دكتور على كل حاجة ، حاليا في نسبة شفاء و ده كويس طبعا ، ياريت تعمله العمليه بأسرع وقت ..

تقدم الطبيب ناحيته يقف أمامه يهتف له بهدوء :
- أيوه كده انا عايز نفسيتكم تكون كويسه وايجابيه علشان المريض يرجعلكم بأسرع وقت

بينما تقدمت عشق من صديقتها فرح تجلس بجانبها على الأرضية تهتف لها بحزم :
- كفاية عياط بقى يا فرح ، دلوقتي جه دورك علشان تكوني قوية علشانه ، أيهم هيتقوى فيكي يا فرح وبينا كلنا !!

كلام صديقتها وكلام الطبيب صحيح
ستكون قوية لأجله ، ستناضل لأجل أن يعود لها من جديد كما كان في السابق !!

نهضت عشق لتمسك بيدها يتجهان ناحية الطبيب
بينما هتف أدم متسائلا :
- العمليه هتكون امتى يا دكتور ؟

أجابه الطبيب بحزم :
- في أسرع وقت ممكن طبعا !

بينما تقدمت كلارا تقف أمام فرح تهتف لها بحزن :
- سامحيني يا فرح على كل حاجة ، أيهم أغلى من أخويا والله ، بس إلي حصل ان قلبي تحكم بعقلي !