عشق الأدم ( الثلاث أجزاء معا ) مكتمله

الفصل السابع

#عشق -من - نار
الجزء الثالث من عشق الأدم
الفصل السابع 

اللهم صل وسلم وبارك على سيدنا محمد ❤
قراءة ممتعة 🌹🌹
 
      ***************************
هنا دخل السيد جلال يتكأ على عصاه لينهض أدم بدوره يرحب به أشد ترحيب ومن ثم جلس بجانبه على تلك الأريكة الكبيرة التي تتوسط المكتب !

هتف السيد جلال متسائلا :
- دلوقت هتقولي هتروح فلسطين ليه يا أدم  ولا لا ؟؟

زفر أدم بهدوء مجيبا :
- هقولك يا عمي ، بس خلي الموضوع ده سر بيني وبينك لحتى أرجع واشوف انا هعمل ايه مع أمي وأحمد ؟؟؟؟ !

طالعه السيد جلال بأنتباه كبير مجيبا :
- طبعا يبني السر هيكون بقلبي ان شاء الله ، اتكلم !

نهض أدم يضع يديه بجيب بنطاله يسير ناحية النافذة الكبيرة التي تطل على المدينة الساحرة من أمام ، تنهد بهدوء ليغمض عينيه ويبدأ كلامه قائلا :
- بعد فرح جورج بيومين جاتلي مكالمة من رقم دولي وبالتحديد فلسطيني ! واحد مجهول قالي ( تعال يا أدم شوف أختك هنا بفلسطين مبقالهاش حد بعد موت أمها ) !!! الصراحة يا عمي أنا فكرت واحد بيتسلى بيا وقصده يشوه سمعة أبويا الله يرحمه ! قفلت السكه بوشه وقعدت أحاول أنسى المكالمة دي!  بعد يوم رجع اتصل بيا لكن أنا قفلت بوشه برضه ! رحت على السفارة الفلسطينية هنا علشان أعرف مين ده إلي بيحاول يلعب معايا ده وعلشان اسمي كبير دخلوني بسرعة ، طلع واحد اسمه ( الحاج محمد ) راجل كبير بالسن عنده 60 سنة أمام جامع بمدينة حيفا المحتلة ! راجل سمعته زي الفل وبخاف ربنا !
وقتها الشك بدأ يكبر بقلبي وبدأت أصدق ان كلام الراجل ده صح وان انا ليا أخت بفلسطين من أبويا !!! رجعت اتصلت بالحاج محمد مرة تانية وطلبت منه تقارير وتحاليل وصور للبنت إلي بيقول عنها ( أختي ) !! بعتلي تحاليل ( DNA ) و زي ما الراجل قال البنت طلعت أختي وأبويا طلع متجوز فلسطينية بالسر وقت ما كان بفلسطين قبل عشرين سنة ، امها توفت من جديد ومبقالهاش حد ومفيش حد يعرف بالقصة دي غير الحاج محمد بس حتى البنت متعرفش ان ليها إخوان هنا بمصر !!! دلوقت لازم أروح فلسطين وادخل إسرائيل علشان زي ما انت عارف يا عمي حيفا المحتلة بقت تحت السيطرة الأسرائيلة بعد حرب 48 !! و مرام دي هتساعدني جدا علشان تعرف حد قريب من والدها بالسفارة الإسرائيلية !!

أنهى أدم كلامه وهو يجلس على مقعد قريب يضع يديه حول رأسه بعد أن بدأ يشعر بصداع يحتل كيانه بأكمله !!
بينما بقي السيد جلال يحاول أن يستوعب هذه الأخبار الصاعقة التي جعلته عاجزا عن الكلام !
والد أدم يعتبر صديقه المقرب ف لماذا لم يخبره بذلك مطلقا ؟؟!
والآن كيف سيكون وقع الخبر على عائلة الزهراوي بأكملها .. !!

نهض من مكانه يتجه ناحية أدم ليجلس بجانبه ويضع يده حول كتفه يهتف له بحنيه كبيرة :
- عارف الموضوع صعب يا أدم بس أنت أدم الزهراوي إلي محدش يقدر يكسره ! خليك قوي علشان تعرف تحل الموضوع !