حب وإجرام 3

الحلقة 54

الحلقة 54 :
عدا عليا الطبيب .. و غزرلي
الطبيب؛ مدموزال لازم تعمل ليزاناليز باش نفهموا شفما
باقية نغزرلوا .. تي ماو نعرف شبيني راهو ..
أيلول؛ باهي نقدر نخرج ؟
الطبيب؛ وي اما متنسايش ليزاناليز دوموزال
أيلول؛ أوك مرسي
جيست ماخرج دخل أذاكا .. اللي كي فقت لقيتوا..
أرمان؛ صافا توا ؟
أيلول؛ مليحة عيشك .. انتا اللي جبتني هوني ؟
أرمان؛ امم انا
قمت من بلاصتي مديتلوا يدي باش نصافحوا
أيلول؛ يعيشك مرسي
أرمان؛ بلا مزية
جيست تبسمتلوا .. و خرجت .. لحقني بالوقت ..
أرمان؛ دوموزال تحب نوصلك ؟! ميجيش تروحي وحدك و انتي مريضة و زيد ليل ..
تلفتت غزرتلوا ..
أيلول؛ لا مرسي .. اللي عملتوا يكفي باي
تلفتت عطيتوا بالظهر... جيست مع خرجت نسمة خفيفة.. ضربت فيا .. تنفست مليح .. و كملت نمشي .. لين وصلت لأول جاردان عارضتني ..قعدت .. هزيت التيليفون .. لقيت سارة عيطت برشا مرات .. خليتلها ميساج انو متتقلقش ..راني مليحة .. حطيت التيليفون فمكاتب لافاست .. باقية نغزر للعباد رايحين جايين  ..
تكيت راسي للتالي ... غمضت عينيا .. نحب ننسا منظرو و هو مع بنتوا .. كالم برشا هوني .. و هذا اللي نحوس عليه .. جات بين عينيا.. ضحكتوا .. هدرتوا .. كلشي فيه .. دمعات هربوا مني .. كل واحد حبيتوا فحياتي راح .. من عايلتي .. لصحبتي اللي طلعت اكبر عدو .. لحب حياتي اللي توا مزوج.  عايش حياتوا .. لصحتي اللي خانتني زادة ..
- شنوة قطوس قاعد وحدك فالجاردان .. هيا تتفرهد معانا
- هيا اتو تشيخ فك عليك حكايتوا .. حنا نسيوك فيه جملة ..
حليت عينيا ..غزرتلهم .. من عند ربي معنديش خلاق .. و زايد جايين توا .. جا واحد فيهم يرمي يدو ليا .. أما تهزيت عالبوكس اللي داه .. خلاتوا يطيح فاللرض .. طلعت راسي غزرتلوا كي واقف !!!!..
أيلول؛ انتاا ؟
قام اذاكا من الارض... و هرب هو و صاحبوا .. غزرلهم من الفوق للتحت و تلفتلي  ...
أرمان؛ قتلك هيا نوصلك نتي شديتي صحيح..
أيلول؛ ههه شنوة تبع فيا
أرمان؛ لا شنية حكايتك انتي .. هاك دايما منظرك هكا تاعب .. و في عوض متروح ترتاح . هاك هوني فبرد الحال ..
أيلول؛ على كل حال مرسي .. و بخصوص حاجة خلاف .. اذيكا اموري
أرمان؛ يعني ما عندو ما دخلني
أيلول؛ لا
أرمان؛ باهي باش نبقى هوني للصباح زادة
أيلول؛ شننوووة ؟!
قعد قدامي .. غزرتلوا .. و مبعد تلفتت نغزر البعيد ...تعدا برشا وقت .. هوا بارد قاعد يتعدا ..  شعل ڨارو .. باقي ينفخ فالهوا ..
أرمان؛ جربتي أنك تكون عندك حاجة و متاعك  .. و كنتي مطمنة أنو باش تبقى متاعك .. و يجي نهار .. تحلي عينيك تلقاي بلي معادش قدامك .. شغل حلمة فقتي منها .. وقتها تبداي تصارعي في روحك .. باش تنجمي تعيشي فلول .. مبعد باش تنجمي تقاومي .. و النتيجة زوز حالات .. اللولة أنك تقواي أكثر لين تولي معادش تحسي بأي شي.. و كلش يولي عادي بالنسبة ليك .. و هنا تكوني فوتي مرحلة اللامبالاة .. الوجيعة .. الضعف  ..
تلفتت غزرتلوا .. متكي راسوا للتالي يتكيف و يغزر للسما.. تلفتت كملت نغزر للبعيد .. كمل يحكي
أرمان؛ و الحالة الثانية .. مهما حاولتي أنتي ضايعة .. كلش كان يبانلك مزيان ... يسماط .. تولي عايشة جيست عايشة اكهو .. متنجميش تسميه روتين .. هو شي أكبر من الروتين .. هو أشبه بالموت و انك حية ..  و كي توصلي لهوني .. باش تكوني يائسة اما قوية في نفس الوقت .. خاطر معندكش واش تخسري .. و مام تخسري ميهمش .. تتعداي
غزرتلوا
أيلول؛ و انتا فأي مرحلة ؟
تبسم تبسيمة متاع وجيعة ..
أرمان؛ منعرش بيناتهم .. ساعات نبدا قوي .. اما مالداخل ضعيف .. و هاذ المزيج هو اللي يجلطني ..
ألينا؛ و علاش خليت حاجتك تضيع من يدك .. كنت تنجم تحارب على جالها ؟؟
أرمان؛ امم كنت ننجم .. اما شنوةالفايدة .. وقت مهما تكون معاك اما الحقيقة ماش تابعة ليك ..
سكتت ..
أيلول؛ اذاكا المكتوب .. الواحد مينجمش يهرب من حاجة .. هي فالأصل القدر متاعوا ..
أرمان؛ شنية حكايتك
أيلول؛ هه حكايتي .. باش نجيبوا ليل كامل نحكوا فاها
أرمان؛ منظنش اللي احنا باش نروحوا توا ..
أيلول؛ هيا نمشيو لبار .. منحبش نسمع الاصوات اللي داخلي نحب ننسا كهو و لو الليلة
طلع راسو غزرلي .. وقفت رجعت شعري للتالي .. قام في جرتي ..
باقية نمشي .. حسيت بيه كي رما الفاست متاعو على كتافي تلفتت غزرتلوا ..
أيلول؛ ههه هكا باش تخليني مديونة عليك برشا .. من غير شي اللي عملتوا يكفي ..
أرمان؛ فك عليك الكلام هذا .. امور تافهة هاذي بالزايد .. باز موش باش نزيدوا نتلاقاو ...
أيلول؛ اممم صح
أرمان؛ هاي الكرهبة متاعي اطلع
أيلول؛ باهي
ركبنا ..طول الثنية ساكتين .. حبس الكرهبة .. قدام الديسكو .. طلعت راسي غزرتلوا .. نزلنا .. مد المفاتح للعساسين بالوقت .. و دخلنا برشا عباد هوني .. موسيقى عالية عاللخر .. مشيت للكونتواغ مشا في جرتي ..
أيلول؛ كوكتاال بالڨلاااس
أرمان؛ ههههههههههه جيتي باش تشربي كوكتال ؟
حكمت الكوكتال من السارفور .. رشفت منو .. و حطيتوا عالكونتوار ...
أيلول؛ تعديت مرحلة أني نشرب باش نسكر و ننسى .. توا راني فايقة اما ماش فايقة .. و في اي لحظة ننجم نسكر للأبد.. مشيت بخطوات للتالي .. جيهة اللي يشطحوا .. و انا نغزرلوا .. عيطت باعلى صوتي ..
أيلول؛ حاااااالة اللي عندوو كونسسااااغ
بديت نتمايل مع الغنا ... نحب ننسى كل شي ... شكون انا .. علاش صرالي اذاكا الكل ...  شنوة باش يصير .. نحب ننسى ..مع كل لفة .. كنت نحب نخرج من حياتي .. نحب نعاود من الزيرو ..
أرمان يحكي :
وقفت على كلمة كوونسار .. مالڨغي الغنا عالي .. اما نجمت نثبت .. فاللي هدرتوا .. هزيت الكاس متاع الويسكي رشفت منو .. و انا نغزرلها كي تشطح .. مصدووم .. ديجا كلمة مصدووم قليلة .. 
وقت ريتها .. كنت واقف فالجاردان.. مع أمي .. خاطر كل أحد .. نخرج انا و هي نتفرهدوا .. و نعملوا جو .. أصلا هذا هو النهار اللي ننجم نقعد معاها .. خاطر ليام اللي يبقاو .. نعديهم فواياجات .. و خدمة ..و نروح لداري .. وقتها قاعد انا و امي تحكيلي على ولاد خويا .. و شيعملوا .. لمحتها من بعيد قاعدة
#حب_و_إجرام3💥
#بارت1
#يسرى_أمجوج👑