الحلقة 61
موش فاهم شي .. رميت يدي على جنبوا قفلت الباب و دزيتوا عليه .. طلعت يديا .. حطيتهم على وجهوا .. نعدي فيهم بالشوي .. جا باش يحكي ..قصيت عليه كي طلعت على طراطش صوابعي بستوا .. جبدت روحي شوي .. حل عينيه بالشوي يغزرلي ..
أيلول؛ متخممش أمير .. متسأل والو .. عيش هاذ الليلة كأنها آخر ليلة لينا .. و كي نفيقو نرجعوا بعاد كيف ما كنا
أمير؛ أما
حطيت صبعي على شفافو ..
أيلول؛ اشش من وكتاه حنا نخمموا كي نكونو مع بعض .. كون معايا .. كون متاعي.. كون ليا .. و لو ليلة وحدة ...
طبعت بوسة خفيفة على رقبتوا .. و خذيت نفس من ريحتوا .. قداش توحشتوا .. لف يديه على وسطي .. و هزني .. طلعت رجليا لفيتهم عليهم .. طبس عليا باقي يبوس فيا .. لين حطني عالسرير .. جا فوقي .. باقي يبوس فيا ..و أنا نعدي فيدي عالتاتوات متاعو الكل .. نحب نحفظ كل تفصيلة فالليلة هاذي ... كل مرة يبعد كنت نجبدوا لياأكثر .. لمسة صوابعوا اللي على جسمي .. طلع كبش صوابعوا فصوابعي ..
أميريحكي :
تكيت قدامها ننهج... جبدتها لحضني.. مخممت في حتى شي و منيش باش نخمم .. جيست اني انا و ياها كهو .. ما حكيت ولا كلمة .. طلعت راسها تغزرلي .. تبسمت و غزرتلها
أمير؛ شبيك تغزرلي كانك اول مرة تشوفني
أيلول: نحبك
ضيقت عينيا نستوعب فالكلمة .. تقعدت على جنبي .. باش ننجم نغزرلها مليح..
أمير؛ شقلت!؟
أيلول؛ نحبك و متقول حتى شي أمانك
أمير؛ نعشق في سماك .. نحرق الدنيا على جالك ..
تبسمت و انا نسمع فالكلمات هادو .. نفسوا بالشوي بالشوي هدا.. طلعت راسي غزرتلوا كي رقد .. حطيت مرفقي تحت فكي .. و باقية نغزرلوا .. منعرش كيفاش تعدا الوقت و رقدت .. رقدت و أنا فحملتوا حاجة كيف الحلمة ...
الصباح فقت قبلوا .. خلاقي دايرة .. قلبي خرجتوا صباح ربي .. نحاول نثبت روحي مندوخش .. غزرت لوجهي التاعب .. غزرت لرقبتي للي ولات خريطة ..حتى فجسمي الكل . تبسمت بالحق ليلة موش نور مال..طلعت الپيريك شوي .. تبسمت بوجيعة .. غسلت وجهي .. خرجت خذيت دبشي .. هزيت ساكي و خرجت فيسع ..
أمير يحكي :
حبيت عينيا مفجوع.. تلفتت قدامي .. نتمنى متكونش حلمة .. أما هي مكانش. . تقعدت نغزر على جنابي من و من .. غزرت للسوڤاتمون متاعها .. تبسمت .. عديت يدي على شعري و انا نتذكر فالليلة متاع البارح .. باز تكون راحت تفطر رحت نغسل وجهي .. غزرت لرقبتي شخت و انا نغزر للتراسات متاعها .. و لي تراس متاع ظفارها على كتافي و سدري .. عضيت شفتي و تبسمت .. زعما خليت نفس لي تراس عليها .. زربت لبست التريكو و الفاست و نزلت للتحت .. نلوج عليها بعينيا.. جا اويس يجري عندي يعنق فيا ..طلعت راسي سقسيت سارة .. وين هي خاطر مبينة خرجت محبتش تحكي
أمير؛ عادي تو نخبر الحراس الشخصيين متاعها يخبروني
عيطت عليهم .. خبروني اللي هي دخلت لقسم الأورام السرطانية .. علقت و طلعت راسي غزرتلها .. دخل أرمان بالوقت مركز راسو مع الرجال اللي فكل بلاصة برا دارهت يغزرلهم
أرمان؛ شيعملوا هادو هوني !!! أيلول هيا معادش وقت على جلسة ال chimiothérapie
تلفت جات عيني فعينو .. غزرلي مبهم .. اما وقع الصوت حبس على كلمة chimiothérapie ..بقيت واقف لدقايق نفهم ..ليلة البارح .. قسم الامراض السرطانية .. جلسة ال chimiothérapie !! .. رجعت بخطوة.. منحبش اللي في بالي يطلع صحيح .. مستحيل ..حطيت أويس و قدمت ليهم الزوز .. نحاول نكذب شكوكي .. الشي اللي سمعتوا ..
أمير؛ عاصم شنية كنت تقول ..
عاصم؛ أه شي
أمير؛ عااااااصم شقىللت و انتي احكييييو
ناض اويس يبكي.. غمضت عينيا .. نحاول نوازن روحي ..
أمير؛ بربي قولولي اللي في بالي مش صحيح .. قولو هي بخير برببببي
سارة؛ ص صحيح
طرشقت بالبكا .. قدمت نهز فيها ..
أمير؛ تكذببببي تكذببببي ساااارة ..
عاصم خبرني اللي هي تكذب عيش صاحبي كونسار هادا مافيهش كذب !!!!!!!!!
رجعت زوز خطوات للتالي .. اويس حاكم فسروالي و يبكي .. تلفتت غزرتلوا .. دموعي نزلوا.. هزيتوا فحملتي .. معنقو و نبكي ..فلحظة كلش تعدا بين عينيا من يوم عرفتها ..لآخر لحظة البارح .. خرجت نجري كيف المهبول .. نسوق بجنون .. المهم نوصل .. نحب نتأكد اللي أيلولتي اللي مخبيها ..ماصارلها شي .. دخلت باقي ندز فيهم .. منعرش قداش تعديت من واحد .. حليت الباب على قوتي .. غزرتلوا كي واقف متعجب .. للممرضات .. للي يخبروني باش نخرج .. غزرت للسيروم .. و الدواوات .. غزرت لشعرها اللي مكاانش!! جات عيني فعينها !!!
💥💥💥💥💥💥💥💥
#يسرى_أمجوج
#حب_وإجرام
أنت تقرأ
حب وإجرام 3
Ação#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
