حب وإجرام 3

الحلقة 60 بارت 2

أيلول؛ أ أمييييييير 
حطيت يدي على فمها باش تسكت .. باقية تغزرلي .. عملتلها بيدي اششش .. هزتلي براسها إي ..
أمير؛ وينو؟
هزتلي براسها لمنين السرير ..نحيت يدي على فمها .. تلفتت غزرت لأويس .. اللي راقد .. و قدمت عندو.. نحيت الغطا من فوقو ..
أمير؛ المرتزقة !!!
قدمت عندو نغزرلوا
أيلول؛ شنووة .. ش شيحب عندي ؟
أمير؛ شي يحب يتفرج مع منظرك و نتي بالشورت و *******
نزلت راسي غزرت لروحي .. تي السخطة .. كان ضو القمر و يبحلق فيا ..
أيلول؛ اششس نقص حسك تو يفيق أويس ..
غزرلي ... و تلفت غزر للباب ورايا ..جبدني وراه .. و همس
أمير؛ مزال فما واحد
أيلول؛ شنووة
تلفت غزرلي
أمير؛ موش كأنوا مخك ولا ثقيل 😏 برا هز اويس و روح للبالكون فيسسع
نطرت هزيت أويس .. بدا يتململ باش يفيق .. غرست راسو فرقبتي ..
أيلول؛ اششش ماما هاني معاك
تهزيت و تحطيت على صوت الوقعة .. حاولت نهدي روحي قد ما ننجم باش ميفيقش اويس
سارة؛ أيلوووول
أمير؛ اشششش
سارة؛ شتعمممل انتااا هوني
أمير؛ نقص حسك نص ليل
خرجت في حملتي أويس ... مديتهولها ...غزرتلي مبهمة .. و نزلت عينيها تغزر للي مرميين فلرض .. طمنتها بعينيا..
أيلول؛ سارة اهدا مفما حتى شي .. جيست أدي اويس لببتوا تو نخلط عليكم ...
مشات تلفتت غزرتلهم و غزرتلوا ..
أيلول؛ هذا زادة من المرتزقة ؟؟
أمير؛ وي
أيلول؛ ش شكون بعثهم .. و انتا كيف عرفت ؟؟
أمير؛ تبدلت في كلش كان فكثرة الهدرة
أيلول؛ شنعمل كان وكلوني لسان الطير مين كنت صغيرة .. و
أمير؛ صااي صااي مش وقتك تو يفيقو من المخدر
عيط لواحد من رجالو ..
أمير؛ ايه يجيو زوز تهزوهم مع لخرين . و اخدموا خدمتكم حتى نخلط
علق عليهم .. هزني و حطني ..
أمير؛ برا لبيت خلاف
أيلول؛ علاش ؟
أمير؛ انشالله ناوية تقابليهم بالس******
أيلول؛ عادي داري راهي
أمير؛ دارك وي .. بصح هوما برانيين ..
أيلول؛ مش باش نمشي هاذو اللي اقتحموا داري .. نحب كلش تحت عيني ..
نطر فلحظة حكمني من يدي .. كبس على يدي .. عينيه يقدحوا .. نجمت نراهم تحت ضو القمر .. لقيت روحي متفرهدة .. نحكي و نتمقصص عليه .. فلحظة ملازمش نشيخ فاها  ... يمكن كي عاد عندي برشا مريتوش .. جبدني للدوش .. حل الباب و قفلوا علينا ..
أيلول؛ أمير شتعمل!! باش تحبسني فدوش فداري !!
أمير؛ ريض متهبلنييش .. على تلفيتو قاس البرا متاع الدوش .. بدا يسيح الما عليا .. تنطرت نقز
أيلول؛ أااااااااع بااااارد أااااااه
تلفت غزرتلها كي تنقز.. منظرها اكاطا خلاني نثبت فالما اللي يسيح على شعرها .. و يتسبل على رقبتها .. باقية تحكي معايا ما سمعت شي .. قد ماراني مركز مع المنظر اللي مقابلني ..قدمت باش تقفل ورايا المرش .. جبدتها لعندي تخبط سدرها فيا .. حطيت يدي على حزامها و لفيت بيها .. لين ولينا في زوز تحت الما .. منعرش فاش راني نخمم توا .. اما بالحق معادش نجم .. لزيتها ليا أكثر .. نعرف دايخة أكثر مني .. حطيت يدي على رقبتها نسبل فيها مع الما .. و غزرتلها
أمير: هكاا انتي  كل مرة تهدني فلحظة .. تحبني نهبل .. توا تقابلهم هكا .. ورحمة أمي نقلع عينيهم و *******
أيلول؛ أميير أ
نوقز تيليفوني بالوقت .. نسيت جد الرجال اللي برا جملة .. هزيت يدي رجعت شعري للتالي ..
أمير؛ ابقاي هنا و تولهي تجربي غشي .. اللي عملتيه فيا لتوا يكفي ..
ألوووو
خرج.. برودة سرات فجسمي .. خلاتني نفيق للوضع اللي انا فيه .. ويني شنعمل معامن؟ .. هه تي نسيت حتى اللي فوق راسي پيريك االلي أنا بعد غدوة باش نحي شعري الكل .. طرف الفرحة اللي كنت سارقتها بوجودو قربي .. ولات دموع ... ترميت فاللرض .. حاطة يدي على فمي نكتم فشهقاتي ..نسمع في حسهم كي بعدوا .. حطيت راسي للتالي .. غمضت عينيا .. همست
أيلول؛ ت تعبت
لفيت يديا على روحي .. معنديش القوة أني نقوم و نسكر المرش .. جيست قاعدة كهو ..دموعي تخلطوا مع الما .. تحل الباب .. رمشت بزربة و انا نغزرلوا واقف فالباب .. غزرلي مستغرب .. رما يدو قفلها ..و طبس شوي عندي
أمير؛ شبييك !! علاه حالتك هكا
عاوني وقفت منجمتش نطلع عيني فيه ..خاطر توا فايقة لوضعي ..
باقي يهز فيا شي ..
جربتوا شي مرة .. تكونو وسط عباد تحبوهم .. وسط عايلتكم أما مكمش فرحانين .. فرحتكم ناقصة .. انتو معاهم انا مكمش معاهم .. غارقين فالتفكير.. فالوجيعة... كل طرف فيكم يأن .. تترماو فأول بلاصة فارغة تعارضكم .. باش تبكيو بلا ميسقسيوكم .. علاش شفما .. خاطر معندكمش جواب .. او عندكم و مليتوا تكرروه مرات مرات .. أنكم تهزوا للدوا متاع الرقاد باش تنجموا ترقدوا معاد تحسوا بشي .. انك تضحكوا فوجوه الكل .. أما انتوا مالداخل تبكيو الدم .. تهربوا جيست باش تنساو .. أما متنساوش.. فما بالك احساس و انتي تقطعي شعرك بيديك .. انو عروقك تغلي بالدواوات و الوجاع و متعرفيش لكان باش تفيقي ولا تقاومي فالفراغ .. انو حب حياتك قدامك و متنجميش تكوني معاه ..
إحساس انك قاعدة تحتضري ! ..
فقت من سرحتي كي حطني عالسرير .. مفقتش حتى كي هزني .. باقي يعدي فيديه على وجهي .. متقلق عليا .. رغم كل شي عملتوا متقلق عليا ..هزيت يدي حطيتها على يدو نحيتها .. حطيتها على كرشي و كبست عليها ...
أيلول؛ سامحني على كلشي
أمير؛ شنوة !! تي شبيك يا طفلة .. تحكي هكا تبان باش تموت .. هاكي سردتي شوي برك ... و سامحني اللي انا قربت منك رغم اني وعدتك نبعد .. انتي تعرف اللي نستفز مني الفازات متاع كسوحية الراس .. و كان خفتي على أويس و المرتزقة متنسايش أويس ولدي و بعدت على خاطرك .. أما مدامني حي .. مكانش واحد على وجه الأرض يتجرأ يمس شعرة منكم .. نحرق الدنيا باللي فيها خاطرك .. حتى لو بعيد .. فهمتي ؟
غزرتلوا نعدي في عينيا على وجهوا .. علاش نحس بلي هاذوا اللحظات مش باش يتعاودو .. قمت رحت للدوش من غير ما نحكي كلمة .. ثبتت الپيريك مليح .. و خرجت لقيتوا راح يخرج
أمير؛ طوقت الدار برجالي يعني حد ما يقربلك .. تنجم تهدا .. كان صرالك شي كلمني باهي ؟
مرديتش .. جا باش يخرج وقفتوا نحكي ..
أيلول؛ أمير خليك
وقفت لحظات نركز مع هدرتها ..
قدمت عندو .. باقي يغزرلي
#بارت2
#يسرى_أمجوج