تحت الشجرة .. تبكي .. منجمتش نركز فحديث امي .. قد ما ركزت معاها.. بالعادة منهمتمش بحوايج كيف هكا .. وقتها امي تعبت .. خليتها تركب .. و انا رجعت باش نجيب شالها اللي نساتوا .. هزيت راسي غزرتلها كي قامت .. و مبعد بدات تتمايل باش طيح .. حطت يدها على راسها .. زربت ليها و اذاكا اللي صار طاحت بين يديا ..زربت هزيتها للكلينيك بعد ما بعثت امي للدار .. و بقيت معاها .. حاجة الداخل قاعدة تقولي ارمان اقعد .. بعدها فاقت .. و طمنت عليها .. جيت نوصلها عارضت ..خدمت الكرهبة باش نمشي للدار .. اما ريتها كي دخلت للجاردان .. ركيت الكرهبة .. و باقي نغزرلها من بعيد .. تبان موجوعة . من غزرتها و هدرتها .. لين جاوها اكا الزوز يتشوحروا عليها نزلت .. جيست ماراحوا .. بقيت نغزرلها .. لزوقة عينيها اللي فيها لمعة متاع دموع.. ليديها اللي تفرك فيهم من التوتر .. فضول قوي خلاني .. نحب نعرف شبيها و شنوة قصتها .. اما لقيت روحي انا اللي قاعد نحكي .. نحكي حوايج منجمتش نحكيهم لحد من 4 سنين .. حتى لروحي .. يمكن فوسط اما الجوجمة .. و الخدمة .. كنت منجمش نسمع روحي .. باز كنت نهرب اما كنت هكا ننجم نقدم في حياتي .. عمرها الحياة ما حبست عند واحد حبيناه و راح .. اما نتفكر اللي عشتوا .. ما حكات حتى شي حتى كي وصلنا لهوني ... كونسار .. عندها كونسار على هاااذي تبكي !!
شوي كهو .. جات تنهج ... قعدت .. شربت الكوكتال كلو .. ضربة وحدة .. رجعت شعرها للتالي ..و غزرتلي .. ضحكت عليا كي عدت مشوكي ..
أيلول؛ هههه شفما !! شنية التعابير اللي على وجهك هاذي ..
أرمان؛ كونسار أما مرحلة !!
أيلول؛ اللولة و بداية الثانية .. اعطيني كاس فودكا
-النادل؛ تفضل
أيلول؛ مرسي ..
رشفت منو و غزرت للي قاعدين يشطحوا .. و تلفتت غزرتلوا كي رشف من الكاس متاعو ..
أيلول؛ زعما اللي حبيتها حبتك بالحق أرمان ؟؟
أرمان؛ لا
أيلول؛ أما أنا حبني تحب تعرف حكايتي اسمع ...
باقية تحكي .. ساعات يهربوا منها دموع. . تمسحهم .. تشرب من الكاس .. باقي نتبع فيها فكل تفصيلة .. حكايتها بالحق موش نورمال .. رمشت بزربة .. تي راح نبكي معاها .. البار فرغ بقينا حنا الزوز ...
أيلول؛ و هاذي حكايتي
أرمان؛ حكيتي كلش عليه أما مقلتيش اسموا ..
أيلول؛ ميهمش برشا الأسماء
أرمان؛ صح .. اما انتي غالطة بحاجة
أيلول؛ هي ؟؟
أرمان؛ كونسار ايه .. اما لازم تقاومي تبداي تتعالجي .. تقوي روحك خاطر أويس... شكون باش ينظر فالدنيا هاذي من غيرو .. انتي توا قاعدة تخممي بأنانية ... مخممتيش فيه جملة.. أنو صح مرض صعيب .. اما ماكش أول وحدة تمرض راو .. و مام تطور العلاج متاعو .. موش كيما بكري..
أيلول؛ منعرش
-النادل: مسيو سامحنا أما لازم نغلقوا.. باش نظفوا الديسكوا فما حفلة عيد ميلاد متعامل معانا اليوم فالليل .. تعرف
أرمان؛ ههه بالطبيعة متعامل معايا ..وصلتني الدعوة..أيلول نمشو؟؟.
أيلول؛ اممم
أرمان ؛ ندخل للطوالاط و نجيك
أيلول؛ هاني نسبقك الحقني ..
أرمان؛ باهي
خليتوا حط الفلوس عالكونتواغ و خرجت ..نزلت اكا الدرجات .. نستنا فالعساس يجيب الكرهبة .. من الپارك .. ريح تضرب.. النو بدات تصب بالشوي .. طاحلي البراصلي متاعي .. طبست نهزو.. اما تهزيت وقت حبست الكرهبة .. تي شعرا قاسني .. قلبي حسيتوا تهز من بلاصتوا .. نزل يجري... حكمني من ذراعي باش ينوضني ..
-صافا!!!!
عينيا تحلوا.. ص ص صووتووو
العساس؛ م مسييووو أمييير صافا ؟؟؟
💥💥💥💥💥💥💥💥💥💥💥
#يسرى_أمجوج👑
#حب_و_إجرام3💣
#بارت2
أنت تقرأ
حب وإجرام 3
Action#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
