حب وإجرام 3

الحلقة 55

الحلقة 55 :
أرمان؛ أيلول صااافاااا
أيلول تحكي :
جيست مع سمع اسمي فلت يدي بالوقت .. جا ارمان طلعني بالوقت يتفقد فيا .. باقية منزلة عينيا منجمتش نغزرلوا ..
أرمان؛ أيلوول صافا؟؟؟
أيلول؛ م م مليحة
أرمان؛ أميير هاك قريب وخدتني فالطفلة ههههه
طلعت راسي غزرتلوا .. غزرلي ندرا كيف .. توقعت كلشي غير الغزرة أذيكا .. غزرة بينتلي انو امير اللي نعرفوا معادش موجود .. و توا هذا أمير خلاف ..
أمير؛ هه طمن شريك منغلطش فأهدافي
أرمان؛ بالمناسبة أمير هاذي أيلول صديقتي  .. أيلول هذا أمير ..بالطبيعة تعرفيه .. ههه نقصد شكون ميعرفش أمير المالكي
غزرتلوا فعينيه و نحكي مع أرمان
أيلول؛ بالطبيعة شكون ميعرفوش ..
أمير؛ آآ أرمان نخليك انا توا .. متنساش الليلة
أرمان؛ بالطبيعة اتهلا
دخل للديسكو.. احساس خااايب برشا .. انك تعاودي تتلقاي العبد اللي كنتي تحبيه .. و تتصرفوا بالرسمية .. كأنوا جامي تلاقيتوا .. اكا الغزرات الباردة .. غمضت خذيت نفس قوي .. فقت على صوت أرمان الظاهر عند و برشا و هو يحكي ..
أرمان؛ راكي مليحة ؟؟.
أيلول؛ اممم تعدا اللي كنت خايفة منو نظن مفماش حاجة اكثر من هاذي ..
أرمان؛ مفهمتش ؟
أيلول؛ ههه انسا أرمان .. نزيد نتعبك معايا معليش توصلني للدار
أرمان؛ ههه بالطبيعة
خبرتوا عاللادراس .. طريق كامل هو ساكت .. مام انا معنديش خلاق أنو نحكي ولا ناقش .. اللي تعدا توا كان كافي باش يصدمني .. هه نتعرف عليه من أول .. جامي توقعتها .. أما هاي صرات.. برود جامي ريتوا .. هاذ الغزرات بالذات بينولي انو صاي حكايتي وفات عندو ...  حتى من أويس مسقساش عليه جملة... توا بالحق بدا كلام ارمان يدور فراسي ..حبس الكرهبة بالوقت .. تلفتت غزرتلوا .. تبسملي .. نزلنا .. وقفت قدام الباب ..
أيلول؛ أرمان م
أرمان؛ مرسي و انتا عملت معايا خير مننساهش و انتا منقذي و منجمش نعيش بلابيك .. منيش قادرة نتنفس
أيلول؛ هههههههههه لا عاد
أرمان؛ هههههه شفت ما أمسطها غير فك عليك ..
أيلول؛ نحكي بالحق مرسي برشا .. نجمت نحكي حوايج.. مكنتش منجمة نحكيهم
أرمان؛ اممم و نتمنى نكون قنعتك
أيلول؛ اممم نخمم ..
أرمان؛ اما لازم ترديلي خيري 😏
أيلول؛ ههه باهي شتحب ؟
أرمان؛ قبيل قتلك باز مناش راح نزيدوا نتلاقاو
أيلول؛ امم
أرمان؛ اما انا مدابيا نتلاقاو .. و من غير ما تبداي تخدمي في مخك الصغرون .. خاطر كان متحبيش عادي .. موش باش نوليو كوپل يعني
أيلول؛ هههههه تي ماكش نورمال تسأل و تجاوب وحدك
أرمان؛ ههه بطبيعتي كنت نحب نكون ممثل أما هاك ترا الوضع
أيلول؛ باهي ..
حطلي الكارت متاعو فيدي ..و تلفت يمشي ..
أيلول؛ ههه أوموا قول باي  ..
تلفت غزرلي و غمزني ..
أرمان؛ ههه نكره الوداعات
ركب الكرهبة و عملي بيدو ندخل ..تبسمت و دخلت .. باقية نمشي .. حليت الباب .. طلعت نتسرسب .. حليت باب بيتهم بالشوي .. لقيتها معنقتوا و راقدة .. تكيت عالباب نغزرلهم .. تبسمت وحدي.. و قفلت الباب .. رحت لبيتي .. نحيت سباطي .. و ترميت عالسرير .. تفكرت كبستوا على كتافي .. و اكا الغزرات الباردة .. باقية نخمم فهاد اللقاء .. لين هزني النوم و ما عاد حسيت بشي...
......................
أمير يحكي :
كنت ناسيها .. بالأدق كنت نتناسا فيها ... كنت كل ما نتفكرها ننقم عليها .. على خاطر مسمعتش مني أنا .. خلات تقرير طبي سبب في أنو حكايتنا تخلص .. مهما كان اللي صرا .. صرا قبل ما نحبها ..هذا الشي اللي خلاني ننقم عليها .. حاسبتني على غلطات الماضي .. ولو كانت بنتي مي كنا نجموا نلقاو حل .. منعرش.. هي من اول مشكلة واجهتنا تخلات عليا .. تي طيشت كلش ورايا .. حتى المافيا و كلش خاطرها.. اما هي شي ..على أذاكا رجعتلوا .. مكرة فاها خاطر هي السبة فاللي وصلنالوا .. تي تخلات عليا .. خسرت عليا جيست وراق طلاق موقعتهم .. هذا واش خلات هكاك و بقيت نفركس عليها 5 أشهر .. منجمت نعمل حتى شي.. جيست نخمم فيها و فالتالي هي ناسيتني جملة ... يمكن هذا الشي اللي خلاني نولي هكا .. كيما راني منتهدش و شي ما يأثر فيا ... أصلا وقتي الكل خدمة .. و بنتي ميار ..كل ما نشوفها نتفكر أويس .. اللي حرمتني منو .. نزيد ننقم عليها أكثر ..
كنت فالجاردان مع ميار تلعب .. وقت عيطلي قالي أنهم شافوها فالمطار .. وقتها تقلبت منعرش علاش منحبش نراها .. وقت اللي استانست من غيرها تعاود تولي!! ...كملت النهار بالسيف .. أصلا باقي نلهي في روحي .. خدمت الكرهبة .. نروح نوصي على شوي تحضيرات .. وقت حبست الكرهبة .. و نزلت.. سماعي لإسمها من أرمان.. خلاتني نتصدم .. پاسكو تعدا برشا وقت ... حاولت نبرد أعصابي قد ما ننجم .. و هو يعرف فينا .. تي ولا هو يعرفني عليها .. زربت دخلت للديسكو .. منحبش نشوف معاها أكثر .. جيست مع دخلت منجمتش نبقا عاودت خرجت .. منجمتش نمنع فضولي من أنو نعرف شنية علاقتهم .. تي كيفاش ولات صديقتوا .. و هي البارح وين جات .. لا و عند و كونفيونص في روحو و يعرفنا على بعض ..و هادي صديقتوا موش حاكيتلوا حتى شي ؟؟ .. باقي نسوق و نتبع فالكرهبة .. منعرش قداش من ڨارو تكيفت .. لين ركا الكرهبة .. غزرت للبلاصة .. تسما دارها هوني ؟ .. نزلت باقيين يضحكوا .. في لحظة حبيت ننزل نفشخوا بطريحة و هي زادة. . اما وقفت تي شمجيبني هوني أنا .. موش حكايتها وفات .. و كلشي صاي .. معادش تعنيلي .. أما أويس شذنبوا.. علاش ماخممتش فيه .. باز خاطر يفكرني بيها .. غزرتلوا كي خدم الكرهبة .. خبطت الفولون و ديماريت ..
💥💥💥💥💥💥💥💥💥💥💥
#حب_و_إجرام3
#بارت1
#يسرى_أمجوج👑