الحلقة 62
غزرتلها أكاكا .. جيست ما راتني باقية .. تغزرلي داهشة .. قدمت عندها بخطوات ثقال .. مش مصدق اللي هاذي أيلول .. انو هاذي المرة القوية اللي حبيت .. جيست ما وصلت .. وقفت عند راسها .. باقية منزلة راسها .. مديت يدي طلعتلها راسها .. دموعها نزلوا .. غمضت عينيا .. نحاول نحكم روحي .. جبدتها من يدها .. وقفت .. جبدتها لحملتي .. باقية تبكي فسدري .. مكبشة فالتريكو .. غزرت للفرمليات و الطبيب اللي خرجوا .. وقفلوا الباب .. شهقاتها قسموني .. رغم كل شي متوقعتش نعيش لحظة تقهر كيما هكا ..
باقي نعدي فيدي على شعرها لين هدات .. خذيت نفس طويل .. و جبدتها من حملتي شوي .. و جهها حمر دم .. عينيها زادة منفخين .. عديت يدي .. مسحتلها وجهها .. باقية متغزرليش ..
أمير؛ أيلول .. أيلوول ... مرتي ؟
هزت راسها
أمير؛ انتي باش تكون مليحة .. تعرف علاش
هزتلي براسها لا ..
أمير؛ خاطرني حدك و بالسيف عليك باش نكون معاك .. حبيتي ولا كرهتي .. المرة هاذي أنا نختار .. و اخترت نكون معاك .. و جنبك و نتجاوزوا هاذ المرض كيف كيف .. انتي كهو كون قوية خاطرنا .. اما علاش مخبرتنيش لهاد الدرجة بعدنا ؟!
سكتت شوي .. و جبدت روحها قعدت على طرف السرير ..نزلت راسها .. سمعت شهقتها
أيلول؛ ب بااش ن نمووت 😭
طبست على رجليا غزرتلها ..
أمير؛ ماكش باش تموت انتي هوني راك تتعالج .. و وعدتك من قبل انو مادامني حدك شي ماو باش يصرالك ..
هزت يديها تنعتلي فالتراس متاع البرا 💉💉💉
أيلول؛ع ع علاش مخبيتنيش من الكونساار أمير ..
نزلوا دموعي و انا نغزرلها .. كي تغزر للي تراس اكاكا .. حكمت يديها ..
أمير؛ باش تتعالج و تكون مليحو وراس حبيبي .. باش تكون بخير ..
جبدت يدها حطتها على راسها
أيلول؛ هه شوف م معنديش شعر ت توا .. نحيتوا أمير 😔 قصيتوا بيدي 😭
رمشت بزربة منحبش زادة نضعف قدامها .. قعدت .. دورتها عندي .. نمسح فدموعها..
أمير؛ شعرك راح أما الأهم انك انت منال هوني و بربي باش تبقاي .. توا كان تبداي بالتشاؤم هذا متنجميش تكملي للتالي .. حبيبي هاني حدك.. و أويس يستنا فيك .. غدوة باش نخرجوا نعملوا جورني مع بعض .. ماكش باش تستناها
أيلول؛ بالطبيعة الواحد يحس بقيمة يوم و كي يعود يحتضر ..
أمير؛ أيلوووووول
تهزت و تحطت على صياحي
أمير؛ ماش باش نخليييك تروح .. افههههم باش ترتاح .. قااااوووم شبيك هكا ضعفت .. متنجمش تعيش كان كملت هكا ..
ترمات عليا عنقتي ..
أيلول؛ تعبت
لفيت يديا عليها .. نعرف بلي الهدرة .. متنجمش تخفف عليها توا اللي راهي فيه .. شوي و راحت مع الممرضة تبدل دبشها .. حكيت مع الطبيب على حالتها .. وصلتها للدار .. دخلت للدار .. جيست قعدت شوي مع أويس و طلعتها سارة لبيتها ترقد ... باقي نحكي مع عاصم فهمت الحكاية منو .. من االلول للتالي.. زدت نقمت على روحي أكثر لأنوا فالوقت اللي كانت تتوجع .. أنا كنت نخمم كيفاش ندمها .. خرج عاصم .. مام أويس رقد.. طلعتوا لبيتها .. لقيتها راقدة .. حطيتوا قدامها .. طبست بستها و خرجت ..
أيلول تحكي :
جو بارد برشا برا .. نسفت فالبلار تعملت ضبابة .. جيت نكتب فاها .. اما نزلت يديا .. تكيت راسي عالبلار .. وجيعة موش نورمال .. دموعي نزلوا بالوقت. . نحاول نكتم فشهقاتي باش ميفيقش أويس .. حسيت بيديه كي تلفوا على كرشي .. هزيت راسي .. باش نتلفت أما كبس عليا ..حط راسو على كتفي .. طبع بوسة .. و همس في وذني ..
براء؛ أيلوووول
تنطرت من يديه و تلفت غزرتلوا متكية عالبلار .. جيت نحكي .. عملي بيدوا اششش الطفل راقد .. بلعت ريقي و أنا نغزرلوا .. هاز الفرد مركحوا على جبهتي
براء؛ باش نروحوا في جولة .. تحب الجولات انتي ؟
أمير؛ لا أنا نحبهم
💥💥💥💥💥💥💥💥💥💥
#حب_وإجرام
#يسرى_أمجوج
أنت تقرأ
حب وإجرام 3
Action#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
