الحلقة 63 :
حسيت بحاجة سخونة في كرشي .. نزلت راسي غزرت للدم اللي يسيل مني .. حطيت يدي عليها .. و طلعت راسي غزرت لكمال .. اللي ظهر ورا الرجال اللي معاهم .. طلعت عينيا غزرتلوا .. و زدت غزرت لأويس .. آخر شي ريتوا هو أمير كي جرا لعندي ...
أمير يحكي :
جريت لعندها .. باقية بالسيف ترد فالنفس .. هدو رجالي بالوقت على.. طلعت راسي .. رميت على اللي حاكمين أويس ... حكموهم رجالي الكل .. اصلا نشوف فيهم دوبل خاطرهم وصلوا روطار .. هزت سارة أويس .. باقي ضرب السلاح ..جات عيني فعينوا .. كي متخبي برجالوا .. باقي نصاوب لين طاحوا الكل.. جا مقابلني ..
أمير؛ و راس امي مزروب كون نوريك العذاب بالقدا ..
رميت عليه .. رحت نجري هزيتها و طرت بيها للكلينيك ... خليت عاصم يتهلا في اللي بقاو هوو ياسر (ذراعو اليمين)...
جيست مع وصلت دخلوها لغرفة العمليات ..ترميت عالكرسي .. اللي تعدا توا مش قليل .. كون موصلوش رجالي فآخر لحظة .. كنا الكل باش نموتوا ..حسيت بوجيعة .. خاطر تعدات عليا رصاصة في كتفي.. قبل ما يغطيوني الرجال .. كون ماشي ياسر صاوب براء كنت باش نكون زادة مرمي فاللرض ..منال اللي راحت تحت الرصاص غلطة .. هزيت التيليفون كلمت عاصم نطمن عليهم .. خبرني اللي رجالي هزوهم الكل .. أويس بالسيف رقد .. كانوا باش يجيو أما .. منعتهم اللي صرا فهاد الليلة بزاف عليهم .. وقفت نغزرلها من البلار .. كيف دايرين بيها .. شوي و خرج الطبيب ..
الطبيب؛ مسيو المدام عندها كونسار!!!
أمير؛ و وي علاش شبيها !! صرالها شي !!! كيفها توا !!!
الطبيب؛ مننجموا نقولوا والو. توا .. ادعيلها حالتها خطيرة .. الرصاصة قاست الكبد متاعها .. و الكونسار مخلي المناعة متاعها ضعيفة ..احتمال كبير يصرا هجوم بكتيري لمنطقة الكبد.. غير أنو مفعول الدوا متاع الشيميو .. مخلي جسمها ضعيف و نسبة الإستجابة ضعيفة بزاف
غزرتلوا .. رمشت بزربة ..
أمير؛ المعنى
-ندااااااء إلى الطبيييب ماكس ويستون .. للتوجه لغرفة العمليات حالا .. ندااااء عاااجل للدكتور مااااكس ..
تلفت غزرتلوا كي جاي يجري .. الطبيب متاع الكونساااار .. دخل يجري .. جا باش يلحقوا الطبيب اللي كان يحكي معايا .. حكمتوا ..
أمير؛ ش شفماااااا!!!
الطبيب؛ مسيو اهدا تو نشوفوا ..
دخل .. و خلاني مشوكي .. احساسي يقول اللي انا باش نخسرها .. نبضات قلبي رزانو .. خايف .. ترميت فاللأرض نبكي .. منجمش نفقدها .. اللي تعدا علينا يكفي .. منجمش نفيق على حقيقة انو هي ...
سكتت ناخو نفس عديت يديا على وجهي .. نهز براسي لا
أمير؛ لا متنجمش تخليني أيلول .. منسمحلكش تروح هكا بالساهل .. نحبك راني نحببببك .. الوجيعة اللي نحس فيها توا باش تقتلني .. غزرت ليد صغيرة كي تحطت على كتفي ..طلعت راسي غزرتلوا .. و غزرت لسارة و عاصم اللي وراه ..جبدتوا لعندي عنقتوا .. نحب نصبر روحي بيه ..
اويس؛ ماما مليحة _؟
سؤالوا خلاني نكبش فيه أكثر و نحاول منبكيش .. غزرت لسارة اللي تبكي .. عاصم يحاول يهديها .. جبدتوا شوي من حملتي و كبست روحي
أمير؛ ماما شوي مريضة .. هاي راقدة كي تفيق تو نحكيو معاها باهي
هزلي براسوا إي .. غزرتوا قسمتني فوق ما راني مقسوم ..وقفت ..جات سارة هزتوا فيدها .. تلفت نغزر للطبا كي تفجعوا ..
الممرضة؛ دكتوووور فقددنا المرييييضة
حليت الباب على طول يددي .. طلعت راسي نغزر للخط اللي فالشاشة .. للصوت متاع الخط اللي فوذني .. باقيين الممرضات يدزو فيا .. اما شي .. باقي جامد و أنا نغزرلها تتهز و تتحط بجهاز الصدمات .. نغزرلها كي تتهز و نغزر للخط .. كلشي صرا بيناتنا تعدا بين عينيا .. كل لحظة .. كل ثانية .. احساس انو فثواني تتتعدا الحياة اللي عشتها مع واحد تحبوا.. تحس انو لحظات قصار .. ميكفيوكش .. احساس انو طرف منك قاعد يموت و متنجم تعمل شي ..
✨✨✨✨✨✨✨✨✨✨✨
#حب_وإجرام
#يسرى_أمجوج
أنت تقرأ
حب وإجرام 3
Hành động#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
