حب وإجرام 3

الحلقة 64

الحلقة 64 :
أمير يحكي :
تعدات 15 يوم .. كل يوم نقول اللي اليوم باش تفيق شي .. أصلا نجاتها بأعجوبة ..انو تعمل زوز عمليات استئصال في نفس الوقت مش بالشي الهين .. اهم شي انو أورام السرطان تنحات ..  تلفتت كي دخل الطبيب يتفقدها .. غزرلي
الطبيب؛ الظاهر مطولة حالتها ..
أمير؛ طول على روحها اهم شي تفيق ..
خرج .. باقي نغزرلها .. منجمش نفقد الأمل .. رغم كلشي تعدا علينا .. كان فما أمل .. و باش يبقا ..
عديت يديا على وجهي .. ليوم لانفيرسار متاع لينة .. أصلا مسيبهم جملة .. كان مش عاصم و  سارة منعرش شصار فيهم .. فقت من سرحتي كي الآلة بدات تصوني ..غزرتلها كي حركت يدها .. نطرت نجري نعيط للطبا .. دخلوت بالوقت .. يقيسولها فالنبض .. و يفحصوا فاها  ... حللها عينيها .. و دار فيهم الضو .. حركتهم .. باقي حاط يدي على راسي ..نتمنا تفيق..
شوي كهو و بدات تحكي بصوت دوب يتسمع ..
أيلول؛ أ أ و ي س
قدمت نجري ليها
الطبيب؛ مؤشراتها الحيوية ممتازة ... و استجابتها للدوا .. جات في وقتها .. عالاغلب قبل ما يطيح الليل تفيق ..
أمير؛ ي يعني هي مليحة !!
الطبيب؛ وي مبروك مسيوا أمير .. و الحمد لله على سلامتها مرة اخرى..
قمت من قدامها ... نعنق فماكسو فالطبيب اللي معاه .. عينيا دمعوا من الفرحة ..  تلفت حكمت يدها ..  تعدا وقت رزين منعرش كيفاش غفيت ...
أيلول تحكي:
حليت عينيا ضرب فيهم ضو. قوي فيهم .. خلاني نغمضهم و نعاود نحلهم بالشوي .. عديت عينيا عالبيت اللي أنا فيها .. نزلت راسي غزرتلوا كي حاط  راسو على  طرف السرير و راقد .. تبسمت .. و رميت يدي حطيتها على وجهوا ..نتحسس فيه .. دموعي نزلوا بالوقت .. طلعت راسي للممرضة كي حلت الباب .. عملتلها فازة متاع متعملش حس .. جات ريڨلت الخيوط اللي فيدي .. خبرتني بالشوي اللي طبيب يزيد شوي و يجي يقلبني .. خرجت و قفلت الباب على قفلتها تنطر غزرلي .. باقي لحظات و هو يستوعب فيا و أنا نغزرلوا ..غمض عينيه و عاودحلهم ..
أمير؛ منيش نحلم ؟
تبسمت شوي و هزيتلوا براسي لا ..دموعوا نزلوا و دموعي زادة .. رما يدو يمسحلي فيهم
أمير؛ متبكييييش معاشش اللي يبكيك و أنا عايش
أيلول؛ ح ح حسيت اللي انا معادش نجم نراك مرة أخرى ..
أمير؛ يزي عيش حبي اهم شي انك بخير توا باهي ..
أيلول؛ شصار لشعرك
أمير؛ شنعمل معاك مسابقة شكون يطوالو شعرو فيسع ..هه
أيلول؛ هه اما انا شعري مش باش يكوال جملة
أمير؛ باش يطوواال خاطرك غلبت الكونسار
أيلول؛ ش شنو ة
هزلي براسو .. إي .. عينيا تحلوا ..
أيلول؛ تقصد اللي انا ت توا بريت منو ؟؟
هزلي براسو إي و ..قدم حضني بالشوي .. تحل الباب .. دخل الطبيب .. همست فوذنوا ..
أيلول؛ أ أميير الطبيب
أمير؛ يستنا .. تنجمش تصور قداش متوحشك ..
جبد روحو و غزرلي ..
أمير؛ أيلوول مفماش حياة من بعدك .. مفماااش
تبسمت شوي .. تلفتت غزر للطبيب اللي يتبسم ..
الطبيب؛ باهي سي امير اما توا خلينا نطمنوا عليها سع
أمير؛ ههه باهي
باقي يفحص فاها .. عيطت لسارة و ارمان طمنتهم .. خبروني اللي باش يجيو .. خرجت نشرب شوي ما خاطر عطشت برشا .. خليتها ترقد شوي .. طلعت راسي غزرتلوا كي واقف و يغزرلي
أمير؛ ن ن نتا !!!!!!!!!!!!!!!
💥💥💥💥💥💥💥💥💥
#يسرى_أمجوج
#حب_وإجرام