حب وإجرام 3

الحلقة 66

الحلقة 66:
أمير؛ ر ر رامي !!!!!!!
قدم منو خطوة .. رجع أمير للتالي ..حاجة صعيبة أنو تشوف واحد في بالك ميت يطلع حي و يحكي قدامك
رامي؛ الحقيقة
أيلول؛ الحقيقة أنو رامي صاحبك .. كان صفقة بيني و بين المايسترو .. حاول يبوسني و هو سكران .. جيت نقتلوا .. يطلع السيد ولد المايسترو .. اللي حب ينقذ ولد عشيقتوا فآخر لحظة .. و أذاكا اللي صار
أمير؛ ع علااااش درت روحك ميت
أيلول؛ تحب نجاوب سي رامي
رامي؛ كانت ال fbi حكموا عليا صفقات مزيفة .. و ملفات شركات وهمية .. محال كنت ننجم نتفك منها الحكاية .. على اذاكا كان لازم نبدل هويتي هاذ السنين ..  
أمير؛ هه برااافو راامي حسبتها صحو نسيت بلي كاين ****** دايرك صاحبوو .. و نتي لالا علاه مخبرتينيش
المايسترو؛ كانت مدينة ليا خاطر انا وصلتها باش تكون dark و ردللمعروف مقتلتش ولدي
أمير؛ ههه واااو مع انكم مش عايلة متناسقة مي حسبتوها بطريقة perfect طلعت غير انا لعبتوا بيه لعبت الفزورة ..
طلع راسو غزرلي غزرة تمنيت تنشق اللرض و تبلعني ..و تلفت غزر لرامي .  مبعد غزرلي
أمير؛ هه عايلة يمشي فيها الهرب و التخبية و تحفظ أسرار بعضها للتالي .. هكا أيلول ... هكا رامي .. بصحتكم
هز روحو و خرج .. نعرف متغشش و من حقو .. و كون جيت فبلاصتوا .. نعمل نفس الشي ..
أيلول؛ لهوني و صاي.. نورمالمو الحسابات كامل صافية بيناتنا ..تنجم تدي ولدك و تخرج من حياتنا جملة ..
المايسترو؛ بالطبيعة .. أما متنساش اللي احنا عايلتك
أيلول؛ أمير هو عايلتي و هو حياتي
رامي؛ أيلول مرسي على كلش اما نحب نطلب منك طلب أخير ..
أيلول؛ شتحب ؟
رامي؛ خلي امير يسامحني و طمن معادش نقابلكم .. المهم يسامحني و انتي زادة ..
أيلول؛ نظن لحق الوقت باش يكون كل حد فينا الشخص اللي يحب عليه .. و كل حد يبدا من لول .. على صفحة بيضا ..
المايسترو؛ رد بالك على روحك ..
خرجوا تكيت راسي التالي ... حاسة بالراحة .. اللي عمري ما حسيتها .. اما قلبي واجعني خاطر كذبت عليه ..
........
بعد شهر ........
الطبيبة: وي أيلول التحاليل تاعك ملاح .. أحسن شي كي عملتي استئصال و ساعات اعملي فحص باش نطمنوا اللي مفما حتى اثر لبقاؤؤ .. و ماكس باش يتابعك كي العادة .. و دوك تتسائلي علاش بعثك ليا .. خاطر هو طبيبك
أيلول؛ ههه إي
الطبيبة؛ بون انا أخصائية نساء و توليد
نظن فهمتي ؟
أيلول؛ سمحني اما مفهمتش !
الطبيبة؛ ههه مبروك مدام انتي حبلة و باش تصيري أم
أيلول؛ ش ش شننووة !!
💥💥💥💥💥💥💥💥💥💥💥
#يسرى_أمجوج
#حب_وإجرام