أيلول تحكي :
فقت على لمسة يديه على وجهي ..بديت نتململ .. هد عليا .. تكا فوقي .. خاطر راقدة على كرشي .. باقي يخربش فشعري .. تبسمت.. قدم يبوس فيا من خدودي .. تلفتت غزرتلوا ..ناض يضحك ..هزيتوا من فوقي .. و تلفتت حطيتوا على كرشي ..
أيلول؛ ماكش باش تحبسها الطبيعة هاذي
أويس؛ هأه أويث يحب ينوض ماماتو
أيلول؛ تيييي روح الماما هو
باقية ندغدغ فيه.. و هو يضحك ساعات نبوسو .. و نعضوا .. الحاصول ساعة و احنا اكاكا .. هزيت راسي غزرتلها واقفة فالباب تغزرلنا و تتبسم ..
سارة؛ محلاكم
تبسمتلها .. جات قعدت على حرف السرير... تلعب معانا .. لين تهدينا الكل .. أويس رقد من التعب .. تلفتت غزرتلي
سارة؛ وين كنت البارح ؟؟
أيلول؛ قصة طويلة
سارة؛ كنت مع أمير ؟
أيلول؛ هه لا .. بالطبيعة لا
سارة؛ ماقابلتوش ياخي ؟؟
أيلول؛ تقابلنا أما ..
سارة؛ تي احكيلي بالتفاصيل
أيلول؛ اللي صار.......
........................
أمير؛ كلش حاضر ؟؟ باهي باي
لينة؛ بابا بااباااا ذييييييت 😍
أمير؛ ههه وي إيجا عسولة باباها
لينة؛ ثنية ذبتلي معااك
أمير؛ اممم شي جيت أنا كهو .. متحبش باباك انتي ؟
لينة؛ إيييي نحبووو
ترمات عنقتني.. لفيت يديا عليها هزيتها .. باقي نشم في ريحتها .. هي الوحيدة اللي تخليني ننسا هموم الدنيا ..طلعت راسي غزرتلها كي واقفة .. فيدها الكاس تشرب منو .. معدتش نتفاجئ برشا من منظر كيف هكا .. قدمت عندنا..
منال؛ هاك جيت
أمير؛ امم لازم ندي لينة
منال؛ هه بالطبيعة ماك تجي للدار كان عليها
أمير؛ حضرها و حضر روحك تو نبعث شوفور يوصلكم للحفلة متاع لانيفارسار ..
منال؛ بااااهي 😍
أمير؛ لينو صغرونتي .. هوكا الساشي فيه روب و الشوكولا متاع بنتي
لينة؛ ييي روب متاع أميرات 😍؟
أمير؛ اممم وردي كيف ما تحبها 😘
لينة؛ يييي جو
أمير؛ حضرها فيسع الحفلة عالتسعة
منال؛ ب باهي أمير
قمت جيت شنمشي .. عنقتني من التالي
منال؛ كل عام و انتا بخير حبيبي .. يخليك ليا..
هزيت يديا .. نزلتلها يديها .. و تلفتت غزرتلها ..
أمير؛ منال اطلع بدلها فيسع .. و فك من يدك الزبل لي فيها .. متخلينيش نعمل شي ما يعجبكش
منال؛ بااهي كيف ما تحب ..
طبست بست لينة .. اللي هازة الروب و دوربيها .. تبسمت و خرجت ..
............................
أرمان؛ صباح الخير
أيلول؛ صباح النور آآ أرمان موش هكا !!
أرمان؛ هههههه إي ..
أيلول؛ منين جبت نومرويا
أرمان؛ مهوش شي صعيب راو ..
أيلول؛ ههه باهي
أرمان؛ أيلول
أيلول؛ اممم
أرمان؛ هاني خذيتلك رونديفوا مع طبيب مشهور هوني .. باش تبداي تتعالجي .. هاو غدوة يكون فنيويورك .. باش تبداي فجلسات العلاج موش هكا؟!
تلفتت غزرت لأويس اللي راقد .. حطيت يدي على شعرو ..
أيلول؛ اممم باش نحارب ..
أرمان؛ هههه توا وليت أيلول متاع بكري اللي حكيتيلي عليها ..
أيلول؛ ههه موش كيف قبل اما لازم نقاوم خاطر أويس
أرمان؛ اممم لازم نراه راو
أيلول؛ مزالو ليام
أرمان؛ إي .. ايه صح مخبرتكش .. هاني بعثتلك دعوة تو توصلك .. متاع أنيفارسار .. متاع شريكي .. أمير اذاكا اللي عرفتك عليه ..عندي زوز .. حبيت تروحي معايا .. منها تبدلي جو .. و منها نحتفلوا ببداية علاجك .. ايه ماشي باش نقبل أعذار .. اعتبريه رد المعروف .. ماو كنتي حابة ترجعيهم .. نستنااك هيا باي توا ..
.أيلول؛ أممااااا
علق عليا بغير ما نكمل .. دخلت سارة وجهها مقلوب .. يديها وراها .. اصلاجسيت ما كملتلها الحكاية بقات مشوكية .. هي راحت تحل الباب و انا حكيت مع أرمان..
أيلول؛ شبي وجهك هكا ميتفسرش ؟
سارة؛ أه ! أنا ! شي
أيلول؛ ساارة
سارة؛ أميير
أيلول؛ أميييير !!؟؟؟
جبدت الكارت متاع الدعوة فيدها..خذيت نفس طويل .. فجعتني في بالي جا لهوني ..
أيلول؛ دعوة راهي
سارة؛ شنننوووة في بالك ؟؟.
أيلول؛ اممم أرمان بعثها يحبني نروح معاه
سارة؛ آ تي ماو مفيبالوش بلي أمير هو...
أيلول؛ اممم أما باش نروح
سارة؛ لالا عاااد هبلت راك !!
أيلول؛ لا مهبلتش
سارة؛ تي كيفاش باش تروح للأنيفارسار متاعو هكا .. و !!!
قمت خذيت لكارت من يدها .. غزرتلها ..
Amir's anniversairy d'Ay ..
تبسمت .. اليوم يقفل 30 سنة ...
سارة؛ ماكش رايحة .. متنجمش تراه .. ماكي قلتي طفاني ... و تعامل ببرود .. كانو ميعرفكش كيفاه باش تواجهيه
أيلول؛ هذا المطلوب .. أنو لازم نبدا نواجه .. الفازات اللي كنت منجمش نواجهها .. و البداية من الكونسار غدوة باش نبدا العلاج ..و زادة أمير واحد من الحوايج اللي معقدتني ..
سارة؛ باش تنجم تغزر فعينيه ..و هو مطفيك هكا ..
سكتت باقية نغزرلها .. زعما ننجم
أيلول؛ عالأقل نحاول.. ناخو دوش توا و نحضر روحي ..
سارة: باهي
غزرتلها كي دخلت للدوش منعرش فاش راهي تخمم .. أحسن شي أنو خممت تتعالج .. و نحات اكا التفكير السلبي .. منعرش علاه حاسة انو أرمان؛ هذا عندو تأثير إيجابي عليها .. أما ملازمش تصاحب هكا فيسع.. و اللي مفآجأني ردة فعل أمير.. تي هكا نحس اللي عمروا ما حبها .. غزرت لأويس كي راقد .. اللي جاي باش يكون صعيب برشا ..
..............
أرمان يحكي :
كملت الخدمة متاعي .. و رحت للدار متاعي عملت دوش خفيف... و بدلت دبشي .. غزرت للساعة تي .. ال20:45 ..هزيت التيليفون باش نكلم أيلول .. لقيتها خلاتلي ميساج بلي تو تلحقني للبلاصة .. حطيتوا .. حطيت بارفان .. هزيت التيليفون و المفاتح و خرجت ..
.............
أيلول تحكي:
حضرت روحي كيما يلزم .. عندي برشا ما اهتمتيش بروحي .. بالأحرى كنت مسيبة روحي اكاكا .. منعرش منين جبت القوة هاذي .. من أرمان اللي بين ليلة و نهار .. ولا طرف من حياتي .. ولا من ردة فعل أمير الباردة .. منعرش اما توقعت انو باش يعيط.. باش يلومني .. اما هو اختار انو نوليو لنقطة الصفر و هي أنو نكونوا غرباء.. هاذ الفكرة .. خلاتني ننسا .. طرف الأمل الصغير اللي بقا بيناتنا .. كنت في بالي باز ننجموا نكونوا صحاب .. موش خاطري اما خاطر أويس .. اللي مكلفش روحو مامپا يسال عليه .. تي فاش قام يسال عليه .. ماو لا هي ببنتوا و حياتو.. كملت غزرت لروحي فالمراية .. توا هاذي أيلول ..
#بارت2
#حب_وإجرام3
#يسرى_أمجوج
أنت تقرأ
حب وإجرام 3
Hành động#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
