نصافحوا .. غزرلي ندرا كيف.. كأنوا متوقعش يشوفني .. جيست صافحتوا فيسع و جبدت روحي ..
أمير؛ هاي صديقتك زادة فالاجتماع أرمان
غزرلي ملفوق للتحت
أرمان؛ وي أيلول دخلت معانا جديدة اليوم و متخصصة فالقسم متاع التصاميم ..
تلفت غزرلي ندرا كيف .. طفيتو .. ووقفت باقية نشرح فالمشروع الجديد .. أصلا خدمة ساهلة بالنسبة ليا .. ماو كنت حاكمة مشاريع أكبر .. تلفت باش نشرحلهم التصميم متاع النيو كولكشن تاع المجوهرات.. حسيت بدوخة .. غمضت عينيا بالقاوي .. و تلفت نشرحلهم .. دوب منجمة ناقف .. صورتهم تضبب و ترجع ..
غزرتلوا كي وقف من بلاصتوا .. رجعت بخطوة للتالي .. نحاول نوازن روحي
أيلول؛ و و ف ما
عينيا تغمضوا .. آخر شي ريتو التاتو متاع التاج اللي فرقبتوا .. و يديه اللي يقدموا عندي ..
أمير يحكي :
غزرتلها كي بدات تشرح .. متوقع انو تشرح بالطريقة هاذي .. مستغرب أنو كيفاش تنازلت تخدم في منصب هكا .. غزرتلها كي وجهها طلع صفر تبدلت بكلها .. بالسيف ما توازن فروحها ..قمت من بلاصتي .. جيست ما قدمت طاحت ..بين يديا ..نزلت بيها شوي للأرض .. و باقي نخبط فاها باش تفيق ..
أمير؛ أيلووول أيلوووول
جا أرمان بالوقت .. دارلها شوي پارفان ..رشيت عليها قطرات ما .. شوي و بدات تفيق ..باقي كابس عليها خوف ندرا كيف تملكني .. الخوف اللي كنت نخافوا عليها ... غزرتلوا كي حكم يدها .. يكبس عليها باش تفطن .. تلفت غزرتلها كي تحل و تغمض فعينيها..غزرتلي باقية تثبت هي وين ..
أرمان؛ أيلول صافا ؟؟
تلفتت غزرتلوا ..
أيلول تحكي:
دوب ما حليت عينيا .. جات صورتو فوجهي .. كيف كل حلمة تجيني ف الليل .. باقية نثبت فيه .. فقت بلي موش حلمة و اللي أنا طحت بين يديه ..
أمير؛ باز مفطرتش ..
أرمان؛ لا ماو الحقيقة عندها
كبست على يدو .. باش ميحكي حتى شي .. غزرلي
أمير؛ عندها شنية ؟
حاولت نقوم .. عاونوني للزوز .. وقفت باقية حاكمة فذراع أرمان ..
طلعت راسي غزرتلوا و غزرت للجماعة اللي من تعابيرهم مبين انو باش ينسحبوا قي بالهم من الخلعة دخت ..
جبدت روحي من يدين أرمان و وقفت قدام التابل
أيلول؛ أنا آسفة على اللي صرا دوك .. هاكم تعرفوا المرا كي تكون حامل فالشهر اللول كيفاش و زادة لازم تاقف مع الراجل اللي تحبوا حتى فخدمتوا
-وحدة منهم: آ صار حامل .. مبروك حبيبتي مبروك .. من أرمان ؟؟
غمضت عينيا .. و حليتهم .. بلعت ريقي .. و هزيتلها براسي إي .. ناضوا يباركولي و يروحو يباركولو .. معنديش القوة نتلفت .. كان لازم نعمل هكا .. خاطر وثق فيا منجمش نخسرو فصفقة حياتو .. تلفت غزرتلوا كي يسلم عليهم و يغزرلي مستغرب .. تلفت نفركس عليه بين الحضور .. مفماش !!. . تلفت جيهة الباب .. لقيتوا محلول . الظاهر خرج .. قعدت على حرف التابل .. منعرش فاش خممت و أنا نقول أني حامل . . اما هذا الحل الوحيد .. عاودنا قعدنا الكل .. كمل ارمان شرح واش كان لازم يقول .. تلفت غزرت لبلاصة أمير الفارغة .. منعرش علاش حتى أنا محبيتش الفازة اللي عملت .. أرمان متولهش جملة اللي أمير خرج ..نعرفوا متوقعش أني نعمل هاذ الفازة ..غزراتوا و هو يقدم و ساعات يغزرلي .. كمل الاجتماع .. و مضاو عالعقد متاع تسويق لمدة عام .. غزرتلوا كي تلفت يفركس على امير .. خبروا مدير أعمالو أنو اضطر يخرج .. خرجوا الكل ..من غرفة الاجتماعات ..قمت من بلاصتي .. غزرتلوا .. كي واقف مركز بيديه عالتابل و يغزرلي ..
أرمان؛ شنوة اللي عملت أيلول؟؟
أيلول؛ سامحني .. نعرف ماكانش لازم نعمل هكا .. أما محبيتش تخسر المشروع بسبة أني دخت
أرمان؛ أيللووووول فاش تحكي .. مهما كان صحتك أهم .. منحبش نخسرك كيف ما خسرت ..
سكت و نزل راسو
أيلول؛ كيف ما خسرت بوك
طلع راسو غزرلي ندرا كيف ..قدمت عندو وقف مقابلني
أيلول؛ ماكس خبرني ..ربي يرحمو .. اما انا خممت كان كي وثقت فيا .. مكنتش ننجم نسامح روحي كان خسرت مشروع تعبت عليه
أرمان؛ كي هكا علاش مقلتش بمرضك متاع الصح ... مهوش عيب أيلول و باش ترتاح ..
أيلول؛ ارمان نعرف .. اما منحب حتى واحد يعرف اللي أنا مريضة .. منحبش نبان الضعيفة و المرا اللي يشفقوا علاها الناس .. و زادة شيهم ماو موش باش يعيشوا معانا جيست هاد الپيريود متاع التبادلات .. شهر و يفوت ..بعدها مريڨلة .. تي نسيت جملة مباركتلكش ..
قدمت سلمت عليه
أيلول؛ مبروك نجاحك أرمان
أرمان؛ نجاحنا
دوب تبسمتلوا
أرمان؛ تي حتى أمير ندرا فاش همل
أيلول؛ أرمان حتى أمير منحبش يعرف اللي كذبة
أرمان؛ حتى أمير ؟
أيلول؛ إي
أرمان؛ باهي .. نكملوا شوي خدمة و نتعشاو كيف كيف و نحتفلوا .. و من غير لا ماو باش نقبل .. موش باهي للبيبي هههههه
أيلول؛ هههههه باهي اتمقصص توا
كملنا الخدمة .. مبعد مشينا لريستورون مضخمة .. تعشينا .. بعدها تعدينا للنادي ..احتفلنا .. شطحت .. حاولت ننسا و أنو عادي اللي عملتوا .. أما منجمتش .. وصلني ارمان ودعتوا .. و حللي العساس الباب ..دخلت و عملتلوا باي .. مشا .. تلفت شنمشي .. حسيت بحاجة طاحت من ورايا .. جيت شنتلفت .. تحط موشوار على خشمي .. غزرت للعساس .. و تلفت حاولت نفك روحي منو .. أما عينيا تغمضوا ..
...............................
حليت عينيا .. لقيت روحي فوق السرير ممدة .. .قمت ..غزرت للبلاصة .. بيت ؟!! .. تقعدت .. حطيت يدي على راسي .. باش يطرشق .. تحل الباب بالوقت .. طلعت راسي نغزر لشكون خطفني .. وقفت بالوقت .. و أنا نغزرلوا ..
أيلول؛ أميييييير ؛!!! لا عاد هبلللللت ياااخي ..
💣💣💣💣💣💣💣💣💣💣💣
#حب_وإجرام3
#بارت2
#يسرى_أمجوج👑
أنت تقرأ
حب وإجرام 3
Aksi#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
