حب وإجرام 3

الحلقة 62 بارت 2

.الحلقة 62 :
جبدني فيسع .. حط الفرد على راسي يهدد فيه بيا
براء؛ لازم تحضر الولائم نتا أمير ..
أمير؛ برااء متخلينيش نتفنرفز اللي سمعتوا عليك لتوا يكفي باش نطلع بروحك نحي كسرتك علييييييها
فاق أويس باقي يغزر مشوكي
براء؛ هوكا الصغرون ناض .. هو زادة شيحضر الدراما
أمير؛ علاش عملت هذا الكل .. سنين و نتا تنبش .. علاش ؟؟
براء؛ صاحبنا اللي مات .. اللي سمحت في حقو باش تكون ال dark ليك .. كان خويا
أمير؛ شنوة ! رامي  خوك ؟؟
براء؛ إي خويا.. خويا اللي قتلتوا  الساقطة هاذي من غير ما يرفلها جفن.. دخلت سارة و عاصم بالوقت .. أويس اللي يبكي ..
أمير؛ سارة خرجي الطفل
براء؛ بلاصتك !! ههه خبريني dark شكون أغلى عندك أمير حب حياتك (صوب الفرد ليه ) ولا أويس ولدك (ثوب جيهة أويس مبعد ردو لراسي ) امممم نظن حياتك انتي أحسن هكا أمير
أمير؛ حسابك معايااااا مش معاها سيبها
جا أمير باش يجبد الفرد
براء؛ تووووله أمير وراس أمي نفجر راسها ..
أمير؛ أ أوكي خلي سارة تخرج الطفل .. المشكل بيناتنا
براء؛ خرجييييه فيسع
نطرت خرجتوا .. دموعي نزلوا بالوقت و انا نغزرلوا .. طلعلي دقنونتي بالفرد ..
براء؛ اششش ملازمش دوخي .. حسابنا طويل .. طويل برشا .. مزلت مكملتش .. في بالك شكون بابا ولا نخبرك ..
أيلول؛ هه كان منطلعش غالطة كمال هكا
أمير؛ كماال !!
براء؛ براااافووو ... هه نعشق جانب dark اللي فيك .. مالڨري بعدتي على الساحة بصح في بالك بكلشي .. كيفاش عرفتي ؟
أيلول؛ الساقط ما يجيب كان ساقط ..
ضربها بالفرد على فكها .. جبدت الفرد بالوقت هزيتوا في وجهوا
براء؛ آ أميررر ننننزززل سلاحك أحسنلك .. ننننززززززززل
دخلت منال بالوقت ..
منال؛ برااااء باش تصاوب أميييير ياخي .. موش هي سبااب مشاكلك هنييينا منها
جبدتها من ذراعها
أمير؛ شمجيب*********** تاعك نتي توا ..
براء؛ هههههه ماي معايا .. هي اللي لهات رجالك باش نجمت ندخل .. و هي معايا فكلشي
أمير؛ شنووووة ********* كنتي معاه
منال؛ إي معااااه .. بسبتك أمير و مستعدة نعمل أكثر من هكا ..لازم تموت هي و ولدها
تلفتت غزرت للرجال اللي حاطين الفرد في راس سارة .. في راس أويس و في راس عاصم .. نغزر لأويس اللي شهق من البكا و اكا الراجل كابس عليه .. ولدي بين الحياة و الموت .. حياتي زادة .. أمير اللي ملقا منين يواجه .. منال اللي واقفة تمسح فالفرد متاعها و تتبسم .. براء اللي مركح الفرد في وجهي .. كلشي مبين كيف الكابوس الخايب .. غمضت عينيا لازم نخمم توا فيسع .. و إلا باش نكونو الكل في ضربة وحدة.. تهزيت و تحطيت على صوت الطلقة متاع النار!!!!!!!
💥💥💥💥💥💥💥💥💥💥💥
#پارت 2
#حب_و إجرام
#يسرى_أمجوج