حب وإجرام 3

الحلقة 59

الحلقة 59 :
براء؛ ت تقصد اللي انتا تهجمت عليها كمال!!
رشف من الويسكي و غزرلوا
كمال؛ وي
براء؛ لا عااد هبللللت
كمال؛ علاش
براء؛ تعرف اللي أمير باش يحرق كلشي لين يوصلك !!!!
كمال؛ شبيك خايف منو .. انا بروحي نستدرج فيه لعندي و نحبوا يجي معصب . .. خاطر  مينجمش يحسب لخطواتوا بالقدا ..
براء؛ خليييتها كمال كنت تشاورني ياخي .. تي باز راو فطريقوا لينا ..و
كمال؛ هههههه براء صب كاس .. و شعل التيليفيزيون
براء؛ ********** وقت تفدليك توا !
كمال؛ أمير توا فطريقوا للهلاك
براء؛ شمعناها ؟؟
كمال؛ ريلاكس هههههه
.....................
أرمان يحكي :
جيست مع كلمني ماكس .. خذيت للكرهبة طرت بيها .. سارة و أويس معايا .. أصلا كلموني وقت تقلقت عليها .. و باقي نفركس عليها .. لين خبرني ماكس أنهم دخلوها لغرفة العمليات .. تحل الصونصور .. نطرت نجري عند الطبيب اللي واقف مع أمير ..
الطبيب؛ المدام خبرتك اللي هي حامل نظن غالطة
أرمان؛ ك كيفها!!!
الطبيب؛ سامحني شكونك
سارة؛ احنا عايلتها كيفها !
الطبيب؛ طمنوا هاي مليحة .. نجمنا نوقفوا النزيف الداخلي فآخر لحظة .. و الجروح اللي على برا خيطناها .. حتى لتوا مفماش خطر .. اما نحطوها تحت المراقبة 24 ساعة .. كاش ما يصير مضاعفات ... على سلامتها مرة أخرى ..
أويس؛ ثبيها ماما باث تموت ؟ 😥
أمير يحكي :
طلعت راسي غزرتلوا كي خايف .. انا بروحي قريب مت من خلعتي عليها .. قدمت خذيتوا من يد سارة .. نهدي فيه ..تلفتت ڨحرتلي
سارة؛ متكوووونش انتا اللي عملت فيها هكاااا !!
أمير؛ منظري مبين أنو انا اللي عملت فيها هكا
علات في صوتها تحمق و تعيط
سارة؛ انتاااا السبب فاللي صرالها و اللي قاعد يصيييير ... أكيد انتا السبب فاللي راهي فيه توااا .. ياخي خلصت حكايتك .. فكها .. كل مرة تهد على حياتها .. مكفاهاش ال
أرمان؛ ساااارة صاي ريض
أمير؛ مش باش ناخو على هدرتك توا .  خاطرك معصبة .. اما نقص في حسك مش ناقصك توا ...
سارة تحكي :
جبد روحو شوي لهيه .. باقية نرڨل من العصب ..طلعت راسي غزرت لأرمان اللي  يغزرلي باستغراب .. قعدت فالكرسي .. تلفتت نغزرلوا بلاكشي ياخو الطفل ...
أرمان يحكي :
لحقت عالطبيب فآخر لحظة .. استغربت من وجود أمير .. في بالي باش يقولوا عالكونسار متاعها و هي قالت متحب حتى حد يعرف ... وقت بدات تحمي سارة .. دخلي الشك .. الظاهر أنو أيلول و أمير يعرفوا بعضهم من قبل .. اما شنوة اللي بينهم .. باقي نربط فالأحداث فمخي ..و كلشي تطابق مع اللي حكاتو من قبل على اللي حبتوا .. يطلع أمير !! ..
جا مد أويس لسارة .. اللي باقية تڨحرلوا و مشا ..
أمير؛ نحب تفليو البلاصة .. ميفوتش النهار و نعرف شكون عمل هكا فههههممممت !! باش نحرقوا حي
علقت عليه نرڨل من العصب ..
أرمان؛ شكون عمل فيها هكا ؟
تلفتت غزرتلوا واقف من ورايا حاط يديه فمكاتبوا ..
أمير؛ منعرش و منحبش نحكي توا أرمان
أرمان؛ لازم تحكيلي أمير !! .. الطفلة كانت باش تموت من الضرب فالتالي تقول متعرش.. وين كانت و شمعناها .. هدرة سارة اكاكا ..
أمير؛ أرمان موش وقتو توا فك عليا مش ناقص
جا مارك بالوقت
مارك؛ أرمان صافا !! أيلول شنوة حوالها ..
تلفتت ڨحرتلوا من وين يعرفها هاذ السخطة زادة ..جبدو معاه و مشاو يحكيو.. مش ناقص نخمم جيست نحب تقوم بين ما نلقا ******** نوريه اللعب  بالقدا ..
...........................
أيلول تحكي :
حليت عينيا .. ضرب فيهم ضو قوي .. عاودت غمضتهم فيسع .. و حليتهم بالشوي .. غزرتلوا كي واقف فالطاقة .. جيت نتحرك توجعت برشا .. خرجت مني آه بلا منحس .. تلفت غزرلي...
أرمان؛ أيلووول صاففاااا !!! كيف تحس في روحك تواااا ؟؟
باقية نغزرلوا نستوعب فاللي صرا و شنية اللي مجيبني هوني .. شوي وبديت نتفكر فاللي صار .. زدت سقسيتو حكالي اللي أمير جابني هوني .. و كلشي صرا ..
أيلول؛ معرفش بالكونسار يعني !!
..........
دز الباب متاع النادي .. خبط الرصاص قدام الحيط اللي قاعد فوقو ... هزو رجالوا سلاحو بالوقت .. تبسم و شاورلهم بيدوا يهبطوا سلاحهم
كمال؛ أهلا بأمير المالكي نورت النادي
💥💥💥💥💥💥💥💥💥💥💥
#يسرى_أمجوج
#حب_وإجرام3