حطيت من البارفان .. كبست على شفافي ريڨلت الروج.. غزرت للساعة.. لقيتها 21:30 روطار اما عادي ميسالش ..هزيت تيليفوني .. لقيت أرمان يطلب فيا .. هزيت عليه خبرتوا اللي انا جاية..نزلت لقيت سارة تعشي فأويس .. منعرش علاش ساعات نحس روحي مقصرة فحقو..طبست بستوا ..
سارة؛ ههه شنية الزين هذا وين كان مخبي يا طفلة !!
أيلول؛ هه كانت مخبيتوا الظروف .. نخليك توا سارة معادش عليا وقت ..
سارة؛ باهي رد بالك على روحك عزيزتي
خرجت .. خذيت طاكسي .. حطيت راسي عالبلار نغزرللناس اللي رايحين و اللي جايين .. و اللي فرحانين .. تفكرت أول حفلة جمعتنا أنا و هو .. وقتها كي شطحنا كيف كيف .. قربوا اللي خلاني ندخل بعضي .. مهما حاولت ننسا فما حوايج مننجموش ننساوهم .. باز على خاطر حسينا بيهم بالحق .. كان شعور نقي .. حبس الطاكسي.. عطيتوا فلوس .. و نزلت ..غزرت للناس اللي تتعدا رايحة جاية .. خذيت نفس طويل ..حبيت نجدد بيه روحي مالداخل .. طلعت راسي و انا نغزر للديسكو اللي مزين .. قراءة اسموا على برا كهو تخلي جسمي يرعش .. و شكون قال اللي باش نحضر عيد ميلادو .. دخلت للصالة .. موسيقى كلاسيك .. برشا عباد .. اما تلفتوا يغزرولي .. حسيت العينين الكل عليا .. هزيت راسي جات عيني فعينوا !... هاز بنتوا فيدو .. نزلت عينيا .. هزيت الروب متاعي و نزلت أكا الدرجات.. طلعت راسي لقيتو فوجهي يتبسم ..
أرمان؛ سندريلا حضرت
غزرتلوا و تبسمت
أيلول؛ عيشك أرمان
طبس باس يدي و سلم عليا .. هزيت عينيا لقيتوا يغزرلي ندرا كيف .. جيست ما جات عيني فعينوا تلفتت يلعب مع بنتوا .. مشيت قعدنا فتابل فالشوكة .. باقي أرمان يحكي مع اللي يجيو.. من مظاهرهم عرفت اللي ارمان رجل أعمال كبير. . خاطر قاعدين يتودولوا ..هزيت راسي غزرتلها كي تڨحرلي... الظاهر توا وين شافتني .. هزتني و حطتني و راحت جيهتوا .. لفت يدها على مرفقوا .. تلفتت غزرلها و كمل يحكي مع الجماعة اللي معاه .. تبدلت الأضواء فلحظة .. بدا المقدم يقدم فالحفلة ..
المقدم؛ و الآن نبدأ بعض الموسيقى ..
تلفتت أرمان مدلي يدو ..
أرمان؛ تشرفني برقصة ؟
طلعت راسي غزرتلوا .. كي جبدها لنص الصالة .. تلفتت لأرمان مديتلوا يدي .. و قدمنا .. برشا عباد يشطحوا .. جيست ما لفني أرمان ..جات عيني فعينوا... جا وقت التبادل .. لفيت .. جيت مع واحد آخر غزرلي ندرا .. كيف
طارق: سندريلا الحفلة بين يديا ..
طلعت راسي غزرتلوا .. يغزرلي بشهوة .. قداش تقززت منو .. زاد صرا تبادل .. كنت باقية نڨحر لأكا الخماج .. حسيت بيدوا كي تحطت على وسطي .. و يدو الثانية كي شبكت مع يدي .. ضربت فخشمي ريحتوا .. قلبي بدا يخبط .. لمستوا .. نعرفها راني .. نقص الضو خلاص .. بلعت ريقي .. و طلعت راسي بالشوي ... جات عيني فعينوا !! !!
💥💥💥💥💥💥💥💥💥💥💥
#بارت3
#حب_وإجرام3
#يسرى_أمجوج
أنت تقرأ
حب وإجرام 3
Acción#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
