..الحلقة 60 :
أيلول تحكي :
تعدا شهر .. فالعادة منحسش بالأيام. كيفاش تفوت .. اما توا كل دقيقة نحسبلها .. نعيشها كيف ماكانت .. معدتي تقلبت عليا .. رحت نجري لبيت البانو .. خرجت قلبي .. طلعت راسي مسحت وجهي .. قداش تاعب .. اما استانست بالوضع هادا ... عديت يدي على شعري .. نقصد الپيريك .. ريڨلتوا .. غمضت عينيا بالقاوي .. نحب نقوي روحي... تركزت على لاڤابو .. و خرجت .. عديت عينيا عالبيرو و خذيت نفس طويل ... رحت ترميت عالفوتاي .. نغزر للسقف .. مريتوش من شهر ..من نهار كنت في دارو .. و خبرتني سارة و أرمان أنو اسعفني و معادش رجع .. كمال معادش ظهر .. كلشي كان راكح .. كان حالتي .. ربع جلسات chimiothérapie .. نص شعري طاح ... جسدي يتقطع من الوجيعة .. حالتي منتمناهاش لعدويا .. وقفة سارة و أرمان معايا .. تلفتت غزرت للساعة 17 .. وقت باش نروح.. قمت هزيت ساكي .. جيت خارجة لقيتوا جا .. تبسمتلوا ..
أرمان؛ كيف تحسي في روحك اليوم
أيلول؛ ههه نفس السؤال كل يوم .. مليحة راني ..
أرمان؛ أوكي ..توا نروحوا ..
وصلني .. جيست مع وصلت .. خذيت دوش .. كليت حاجة خفيفة .. شربت الدوا .. هزيت أويس في حملتي و رقدنا ..
............................
منار؛ أمييير مهوش مبرر ليك انك تطارد واحد كيف كمال .. موقعين على هدنة مع المافيا الروسية و مادام الماتادور يحميه .. ابعد عليه .. تي ماك بالزور سلكت بنتك منو ..
أمير يحكي :
تلفت نغزر البعيد .. تفكرت النهار .. اللي رحتلوا فيه... بعد ما عرفت أنو هو السبب فاللي صرالها .. تي أحقر عم شفتوا فحياتي .. المفارقة اللي متوقعتهاش و انا موجه سلاحي لراسو.. انهم يجيبوا بنتي و منال .. و في راسهم الفرد ... وقتها منجمت نعمل شي .. كان اني نزل سلاحي .. و نخليه يفلتهم ...بعدها فلت .. فص ملح و ذاب .. فقت بلي كمال من رؤساء المافيا الروسية و تحت الماتادور ..يعني فحمايتوا .. شعلت ڨارو نفخت فالهوا .. عندي برشا مشفتهاش جيست ما طمنت اللي هي خرجت من الكلينيك ..حقها باش ناخوه منو .. مطول ولا مقصر .. اما هي صاي بالنسبة ليا .. صحيح كذبت و قصة الحمل تلفيقة على جال الصفقة .. اما قبل قصة الحمل و كلشي . انا للمرة الثانية زدت خيرتها انو تاثق فيا و تكون معايا .. اما اختارت تكويني مرتين .. و مشيت على قرارها .. صحيح شعور يحرق .. اما هكا كل حد فينا ثنيتوا بانت .. وهاد المرة بالصراحة .. مش بالهروب .. الظلام طاح .. نفخت وليت نفد برشا من اني نولي للدار .. كان مش لينة منرجعش ... و زادة منحبش نبعدها على امها.. هزيت مفاتح الكرهبة .. و خرجت... باقي نسوق .. منعرش كيفاش لقيت روحي قدام دارها .. طلعت راسي نغزر بلاكشي نلمحها ولا .. أما لفت انتباهي .. واحد بكرهبة الظاهر يراقب فيها .. و موش اللي حطيتهم أنا .. رجعت راسي للتالي .. نثبت فيهم .. هزيت التيليفون كلمت رجالي اللي حاطهم يعسوا .. هزو عليا بصوت النوم !!!
أمير؛ رااااااقديييييييين يا *********** مبعد نتفاهموا عليها .. انزلوا كاين زوج يراقبوا فيها .. نحبهم قدام كرهبتي فيسع ..
نزلوا هدو عليهم .. واقف من بعيد نغزرلهم .. كي جابوهم .. حكمت واحد من كول سوريتوا
أمير: توا تحكي ولا نخليك تحكي
-م م معندي شي نحكيه
أمير؛ متفدوش من الجواب الغبي هادا !
ريڨلت السلاح .. ريڨلتلوا كاتم الصوت .. احسن شي أنو الحي فارغ .. باقي يغزرلي خايف .. رميت الرصاصة في رجلوا .. ناض يعيط . حطيت يدي على فمو ..
أمير ؛ توا نحي يدي و يا ويلك نسمع صوتك تعيط .. بين عينيك .. نظن مكانش اللي ميعرفش طلقاتي .. و كي نسقيك جاوب ..
تلفتت نغزر للي معاه ..
أمير ؛ مام الهدرة ليك شكون بعثكم .. و تكون راكم تعسوا !
- ا ا أيلووول و
-هبلللللللت علاش هدرت ت. يقتلونا
أمير؛ اممم للظاهر نتا زادة حاب تجرب الرصاص شيعمل ..
شرت لواحد من رجالي.. يقفلوا فمو و رميت عليه .. عينيه تحلوا..
نطق لاخر ..
-فمااا واحد .. ططلع للدار باش يخطف الططططفل
أمير؛ ش شنووووووة. !!!! فكيت يديا منو .. و رحت نجري .. الباب محلوووول .. الضواو طافيين .. باقي نتسرسب لين طلعت للدوزيام إيطاج... حليت بيت من البيوت باش .. نطل غزرتلوا كي باش يضربني من التالي .. جبدتوا من يدو .. و الأصح نقول جبدتها .. باقي تفرفط بين يديا .. حصرتها مع الحيط ..
أمير؛ اششششس اركح
💥💥💥💥💥💥💥💥💥💥💥💥
#يسرى_أمجوج
#بارت1
#حب_وإجرام
أنت تقرأ
حب وإجرام 3
Action#حب_و_إجرام3 : أرمان؛ هه من غير المعقول واحد يلقا ديامو يرميه و يفركس عالذهب .. رجال الأعمال معروفين بالإستثمار .. هذا يعني كيما نستثمر فالخدمة .. نستثمر في حياتي .. من التاالي حاجة كي نقول متاعي راهي متاعي .. و غير الموت اللي تديها ... 📛📛📛📛📛�...
