حب وإجرام 3

الحلقة 57

الحلقة 57 :
حليت عينيا .. راسي باش يطرشق من الوجيعة .. باز من البكا متااع البارح.. غزرت للساعة 12:30 .. جات في بالي هدرتوا متاع البارح .. تنطرت من بلاصتي .. نزلت نجري .. و نعيط عليه
ايلول: أوووووويسسسسس اوييييس
أويس؛ بونجور ماما
غزرتلوا كي قاعد يتفرج فالكوميك .. و سارة قاعدة تكونيكتي .. خذيت نفس طويل .. و كملت نزلت الدروج .. جت يجري عندي .. عنقتوا .. و هزيتوا فحملتي ..
أويس؛ ماما ثبيك كنت تعيط أكاكا
أيلول؛ لا كنت نفركس عليك .. كهو تعرف اللي متوحشتك برشا أنا
قدمت قعدت .. غزرتلي
سارة؛ صافا توا؟
ايلول: مليحة سارة يعيشك ..وانتي
سارة؛  حمد الله
أويس؛ ماما ياخي أذاكا بالحق بابا كي ما قال ..
غزرتلوا .. و طلعت راسي غزرتلها .. هزتلي براسها متاع إي خبروا
أيلول؛ إي صغروني أذاكا الپاپا
أويس؛ محلاه پاپا .. أما انتي أحلى عينيك زلك (زرق)
أيلول؛ ههه هكا
أويس؛ ثبيه ما يجيش يعيث معانا
أيلول؛ الخدمة روح كمل تتفرج صغروني بين ما نعمل دوش
اويس؛ باهي ماماتي
باسني و نزل .. طلعت عملت دوش .. نحب نتفرهد بيه و نحي التعب .. غمضت عينيا تعدات بينهم صورتوا .. منعرش شمزال باش يصرا ... شيحت شعري .. خليتوا مسيب .. أصلا ما عندي خلاق نعمل شي .. تلفت على دقان الباب و دخلت ..
سارة؛ عاصم هوني يحب يشوفك
حطيت يدي على فمي .
.أيلول؛ نسيت جملة اللي كلمني قداش من مرة و مهزيتش
سارة؛ هه طمن هاني هزيت عليه و طمنتوا عليك
أيلول؛ يطلع منك ههه
سارة؛ ههه بالطبيعة .. هيا نسيناه جملة هههههه
نزلت التحت لقيتوا يلعب مع أويس .. طلع راسو جات عيني فعينوا وقف بالوقت .. قدمت ليه تبسمتلوا ..
أرمان؛ أيلول صافا ماو
سلمت عليه
أيلول؛ مليحة أرمان يعيشك .. تفضل اقعد..
أرمان؛ تهلا فيك ماكس ؟؟
جيست مع سمعت اسموا تفكرت شحكالي عليه و على بوه .. غزرتلوا .. باقي يستنا فالجواب مني ..
أرمان؛ أيلووول !!
ايلول : ايه إي حمد الله
أرمان؛ توجعت نعرف .. سامحني ما كنتش معاك .. كنت لازم نسافر .. ماو فما كولكسيون متاع المجوهرات باش نطلقها فالسوق .. رحت نشوف الإنتاج وين وصل ..
أيلول؛ لا وقفت و بالزيادة .. عيشك ..
أرمان؛ ماو قلنا مفماش مرسي و عيشك
أيلول؛ ههه إي
تلفت غزر لأويس اللي قاعد يتفرج .. و غزرلي
أرمان؛ ولدك ياسر هادي و محلاه
أيلول؛ ههه بطبيعتوا يركح وقت يكون يتفرج فالإنمي هذا  .. جيست ما يكمل تشوف شي خلاف هههههه
أرمان؛ صار هكا ههه
أيلول؛ إي ههه
أرمان؛ أما قوليلي أيلول تقعدي هكا فالدار ؟ نقصد متحبش تخدم ولا تعمل شي
أيلول؛ الحقيقة موش محتاجة فلوس جملة .. خاطر ورث بابا مكفيني .. و زادة عندي أملاك .. و شركة موقفة للدقيقة
أرمان؛ شركة متاع شنوة؟؟
طلعت راسي غزرتلوا .. منحبش يعرف كل شي .. بروحي نحب ننساه الماضي متاعي .. أصلا كي حكيتلوا حكايتي مذكرتش جانب المافيا جملة ..
أيلول؛ مواد تجميل أما نحب نجرب شي جديد .. يعني نحب حاجة جديدة
حطتلنا سارة القهوة وخرجت تحكي تيليفون
أرمان؛ باهي شقولك تضرب دورة للشركة متاع باز .. يعجبك العالم اللامع
أيلول؛ العالم اللامع !
أرمان؛ نقصد عالم الديامو و الذهب هه
أيلول؛ منعرش .. منظنش فالفترة هاذي .. باش ننجم نحط فراسي خدمة ولا أي شي .  كان عيني .. تو نحل خدمة جديدة بفلوسي
أرمان؛ هههه تي نعرف اللي عندك برشا فلوس .. أما جرب انك تخرج من الروتين .. يعني تعبي وقتك...
باقي يقنع فيا ..ماقتنعتش برشا .. أما نحاول .. شعندي نخسر يعني .. وافقت ..كملنا شربنا القهوة ..و قمنا تغدينا .. خاطر البون حضرت الغدا بالوقت .. باقي عامل .. جو مع أويس .. سارة ساعة على ساعة تغمزني... الحاصول قريب تفضحني قدام السيد .. بعدها استأذن منا و مشا ..ياسر محلاه .. لهوتو خوفو عليا .. أي حد فينا محتاج حد .. يكون فظهروا .. يدعموا .. يقويه .. أقل شي يسقسي عليك ..جا فبالي أمير ..زعما علاش مجاش .. بدل رايو ! .. تي فاش قام نخمم فيه توا .. باز راو راقد في حضنها .. غمضت عينيا .. يزي ما نحب نخمم فحتى شي كان ولدي اكهوا ..
أمير يحكي :
تعدا نهار طويل مع الخدمة.. زادة كانوا كاين حبات .. يلعبوا بذيلهم من ورايا .. قصيتلهم اللعب متاعهم ..دخلت للدار .. طلعت للينة .. لقيتها راقدة بستها .. حطيت الشوكولا اللي تحبها عند راسها .. باقي نغزرلها .. تحل الباب غزرتلها كي واقفة ..
منال؛ أمير نحب  نحكي معاك راو
عملتلها فازة بيدي متاع اسكت لينة راقدة .. ڨحرتلي .. و خرجت .. ترميت قدامها .. حبدتها لعندي .. وقت نبدا تاعب كان هي تنحيلي التعب .. تفكرت واش صرا البارح .. زدت نقمت عليها أكثر .. اما موش باش نسكت ..غمضت عينيا و رقدت ..
.......أيلول تحكي:
نزلت من التاكسي .. غزرت للشركة .. ياسر مضخمة .. كنت متوقعة هاذ الشي .. سمعت صوتو من التالي
أرمان؛ بونجور نورتي
أيلول؛ يعيشك بونجور
أرمان؛ Nice look (مظهر جميل)
أيلول؛ آ ماو عندي مشكل مع اللبسة الكلاسيك و الفورمول ههه
أرمان؛ البسي االلي يريحك .. هيا توا ندخلوا
دخلنا .. باقي يشرحلي و يعرفني على الموظفين .. عطاني الحرية نختار .. شنحب نخدم .. التصميم .. الرسم .. النحت .. المالية... الإشهار و التسويق و برشا حاجات .. و احنا في بيروه خبروه اللي المدير الإبداعي صراتلوا وعكة صحية .. توتر برشا .. الظاهر اللي المشروع مهم برشا .. نعرف الفازات هاذوما ..خذيت الدوسي متاع التقديم من يدو .. غزرلي و تلفت للبلار يتكيف ..
أيلول؛ أرمان طمن انا باش نقدموا
تلفت غزرلي ندرا كيف..
و تلفت للبلار
أرمان؛ أيلول مشروع كنت نخططلوا من عام و تحضيرات التقديم شهر و انا ندرب فيه فالتالي هاك ترا ..و ريسك كبير پاسكو عملاء من بريطانيا .. و فرنسا .. هذا غير أمير اللي وثق فيا انو ننجم ندبر هاد لي روتوش
أيلول؛ أمير؟
أرمان؛ إي ماو قتلك شريكي .. تشاركنا فانتاج هاد الكولكشن
أيلول؛ باهي آثق فيا.. باش ننجم نقنعهم
تلفت غزرلي ندرا كيف دخلت السكريتيرة بالوقت خبرتوا .. اللي الكل حضر .. غزرلي ندرا كيف ..
أرمان؛ باهي ناثق فيك أيلول ..
دخل للصال و أنا وراه .. صافحنا الكل .. جات عيني فعينوا باش
______________
#يسرى_أمجوج👑
#حب_وإجرام3
#بارت١