يلا يلا يا أحمد قوم سرعة شيل الكيس دي طلعو برا مرام مرام قومي يا حبيبتي سرعة قبل م نموت قبلنا.(نموت؟؟!)شلنا الشنط ال جهزناها وطلعنا من البيت ال كان ح يقع بسبب المطر مسكت أولادي وبقيت بعاين للبيت الوقع قدام عيوني البيت ال فيهو ذكرياتي الكعبة صح اتزوجت عن حب هه حب؟أي حب من طرفي بس هو غشاني عرسني وسكني هنا في المكان ال شبه معزول حتى البيت من شدة م كعب والبنيان بتاعو كعب وقع لا عرفت اضحك عشان البيت ال عشت فيهو اكعب ايام حياتي وقع ولا أزعل عشان ح نكون مشردين مرام وأحمد كانو خايفين شديد مسكتهم بقينا ماشين في الشارع عسى ولعل نلقى عربية تودينا مكان نبيت فيهو م فاهمين شي مش تعالو احكي ليكم:-
انا اسمي دعاء عندي اخوان اولاد أكبر مني اتنين عبدالله متزوج شغال في شركة سعيد لسه م أشتغل قرأ هندسة وبفتش في شغل أبوي خالد استاذ في الثانوي امي حنان ربه منزل وضعنا عادي شديد قريت اقتصاد حبيت سنيري كنت في أولى وهو كان خريج اسمو وليد كنت بحبو شديد هو كان خادعني لمن جا اتقدم لي اهلي سألو عنو لقو ماضيهو كعب رفضو لكن انا اصريت اعرسو وقعدت بدون أكل لمن بقيت ضعيفة وخليت الجامعة عديل في النهاية قالو لي خلاص ح نعرسو ليك لكن م تجي تشكي لينا منو ولا عندنا شغلة بيك ولا بنعرفك فاهمة؟كنت مستعدة استغنى عن أهلي عشانو قلت ليهم مواقفه عرسني عرس أقل كلمة اوصفو بيها مسيخ باهت م كانو عرس حتى وليد م قدرني اداني30متكفل يعني العرس كان تلتيق بس صحباتي عملو شير ساعدوني شديد عرستو ويا ريت لو م عرستو سكني في حتة بعيدة شديد كنت بقعد براي حته م فيها غير بيوت كبيرة بس جزو منهم مسكون وجزو فاضي يعني مكان مخيف شديد لمن اتكلمت مع وليد قال لي م عندي قروش اسكنك في محل تاني يا تستحملي يا أطلقك فضلت اني استحمل كان بمشي الخرطوم شغل يقعد هناك بجيني الجمعة م بعمل شي غير يشيل حقوقو مني يعني لا حب لا كلام فاضي والسبت برجع كنت ايام كتيرة بكون عيانه م بلقى دوا وأيام انوم بي جوعي ندمت شديد علي عرسي لكن بعد شنو بعد الفأس وقع في الرأس ولدت اول مولود لي بتي مرام ولدت في البيت وليد م كلف نفسو يوديني مستشفى جاب لي داية بس قربت تقتلتي لانو العدهة حقتها م معقمهة جاني تسمم قربت اموت عديل بعد مرام قلت تاني م ح أولد بقيت بفتش حبوب منع الحمل لقيتها بعد تعب شديد بلعتها لفاية كم شهر كدا وليد اكتشفني دقاني وحلق لي شعري وشغال يقول لي:- م عايزة تولدي مني يا بت ال تيييييت يا تيييييت انتي اصلا تييييت وانا معرس فيك علي فكرة فاهمة وتشاني جمب خشمي قال لي عشان تاني لمن تجي تبلعي شي تتذكري التشة دي واتهجم علي بقوهة بعد شهور حملت بي أحمد وبرضو جاب لي داية بس م عندي جيران لانو كان حاميني اطلع او افتح الباب لي زول بعد ولدت أحمد م قدرت استحمل كاان بجي سكران يبوسني قدام أولادي ويطلع لي ملابسي ويعمل العايزو كنت ببكي بس أولادي قربو يجنو عديل ولمن اقول ليهو خليني بزيد زيادة ولمن اقول ليهو طلقني يقع فيني ضرب ويتهجم علي ويخليني مجدوعة ويمشي كنت مستغربة في تعاملو ال اتغير وين حبو لي؟؟ وين كلامو السمح؟؟كلو م اتزكر وقفت كيف قدام اهلي عشان يوافقو بلعن نفسي شديد(أهلك أدرى بي مصلحتك)يوم جا وسالتو من سر تغيرو قال لي اصلا م حبيتك أنا كنت بغش فيك كنت عايز انوم معاك واجدعك لكن قلت اخير اعرسك اختك هنا واجي انوم معاك بس وامشي اشوف باقي حياتي في الخرطوم اصلا م مخسراني شي انتي بالعكس مستفيد منك يعني انوم معاك في السرير وبديك50 في الأسبوع مصروف أخير لي من أدفع لي واحدة مللايين لي نومهة واحدة مش؟ضربتها كدا لا مسكنك في بيت ايجار ولا بدفع ليك قروش كلامو نزل فيني زي الصاعقة مشيت المطبخ شلت السكينة قررت اني اقتلو خلاص بس في آخر لحظة ااتراجعت قعدت في الأرض ابكي جات مرام مسكتني وقعدت تبكي بدون م تعرف في شنو جا أحمد يحبي برضو شافنا بنبكي هو زاتو قعد يبكي المصبرني علي الدنيا دي أولادي اهلي علاقتي انقطعت منهم ضربت ليهم بعد ولدت مرام امي قالت لي في شنو عايز شنو؟الضغط وجبتي لي ابوك وهسي قرب يتشلا بي سببك انا م عافية ليك لا دنيا لا آخرة وقفلت مني لمن رجعت ليها بديني مغلق مغلق عرفت أنها حظرتني في يوم وليد جا زهجان م بعرف مالو مرام كانت بتلعب بالموية مسكها دقاها لمن جسمها حمر شلتها منو لزاني انا وبتي وقعدنا في الأرض انا اضربت لكن مرام م حصل ليها شي مسك تلفوني كسرو كان سكران شكلو دخلت مرام الحمام عشان احممها طلعتها كانت م لابسه شي دخلت احمم أحمد سمعت مرام بتبكي شديد جريت ليها لقيت وليد عايز يغتصبها وهي تبكي دي كانت أكبر صدمهة في حياتي حاولت أبعدو عنها م قدرت في النهاية جيت طوبة ضربتو بيها وشلت مرام ال قربت تموت سألتها عمل ليك شي قالت لي لا كان بلحسني كانت بتبكي وبتشهق شديد ختيت مرام علي جنب وجبت أحمد قلت ليهم خليكم هنا كانو شواطين الدنيا كلها في رأسي
يتبع...
