جبت لي خرطوش جيت لقيت وليد في مكانو ماسك راسو وقعدت فيهو ضرب قدر م اتزكر شكل مرام
اضربو زيادة م عارفة من وين جاتني القوهة دي ضربتو ضرب الجن لمن عمل علامات كان مستسلم شديد للضرب بس برضو م بيساوي5/من الحاجات ال عملها فينا فكيت الخرطوش بقيت بتف ليهو وبكفتو قلت لي مرام تعالي اضربي اديتها الخرطوش مرام كانت خايفة قلت ليها م تخافي بمسك ليك يدينو جات كانت مترددة مسكت الخرطوش أدتو ضربة ووقفت مسافة تعاين شوية كدا بقت زي المجنونة ضربتو ضرب أحمد بهناك يبكي ومرام تضرب وتبكي وانا أبكي قلت لي مرام خلاص خليهو كان شبهة جثة قلت ليهو لو م قمت من هنا ح احرقك لحظتها كنت جادة شديد قام بي تكااسل عاين لي مسافة وبقى يمسك في الحيط ويقع ويقوم لغاية م وصل الباب جريت وراهو لزيتو وقفلت الباب ورجعت لي أولادي كانو نامو والدموع في عيونهم شلت المصلاية صليت دعيت عليهو دعاء وبكيت جنس بكا نمت في مصلايتي ديك بعد كم يوم وليد جا مدا لي ورقة الطلاق ورجع فرحت بيها جنس فرح في نفس اليوم وليد عمل حادث ومات دي كانت فرحهة لمن جاني الخبر ضحكت جنس ضحك واشيل واحضن مرام وأحمد قلت ليهم تاني وليد م ح يجي ولا ح يددقكم ولا ح نشووفو مرام دي فرحت فرحة بعد أسبوع المطرة صبت كتتتير ومنها البيت وقع..
بببباااك
ماشة في الشارع وشايلة أحمد بي جهة والشنط بي جهة وماسكهة مرام بي جهة دموعي نازلة من عيوني زي المطرة الوقت كان ماشي علي العشاء مشينا مسافة طويلة لمن تعبت شديد قعدت في الأرض مرام قالت لي عايزة موييهة قلت ليها طيب ارح نشوف دكان تاني مشينا ومشينا مسافة ساعة ونص مرام كلو دقيقة تنق عايزة موية عايزة موية وصلنا زلط كدا ما كان فيهو حركه لانو اصلا المكان دا بعيد شديد وقفنا اصلو مافي عربية جات كلو كلو تاني بقينا نمشي مرام من العطش تقع وتقوم تعبت شديد قلت ليها تعالي نقعد هنا قعدنا في الأرض بقيت متمحنة اعمل شنو؟كل المعاي500ج لميتها للظروف م بتعمل لي شي دي اعمل شنو خليتها علي الله بفكر كدا شالتني نومهة صحيت بي نور شديد في وشي فتحت عيوني براحة بقيت بتذكر انا وين وفي شنو لقيت روحي في الشارع وفي عربية جاية علينا قمت طوالي بقيت باشر ليها أحمد ومرام ناايمين بتاع العربية جا وقف قلت ليهو ماشي وين؟؟قال لي الخرطوم قلت ليهو ممكن توصلنا لأننا م لاقين مواصلات عاين لي كدا وقال لي م بقدر وفات حسيت بي خيبة شديدة لحظتها اتمنيت الموت عديل بس اعمل شنو رجعت لي ناس مرام بتاع العربية تاني جا راجع قال لي تعالي اركبي ياخ من الفرحهة قربت ابوسو شلت أحمد وشلت مرام والشنط دخلتهم وركبت كنت ماسكة اولادي علي ققووي خايفة من المصير المجهول قلت امشي لي ناس امي بس اكيد ح يستقبلوني
اكيد بعد يشوفو اولادي وحالنا ح يحنو علينا بقيت بفكر كدا لغاية م غفيت شويهة
يتبع...
