صحينا تاني يوم مع الأذان متعودة اخلي مرام وأحمد يصلو معاي صلينا وشربنا الشاي مدام سهى اتصلت عليها قلت ليها والله يا مدام انا نسيت حكاية الروضة حقت مرام وأحمد ديل الليلة ح امشي أفتش ليهم قالت لي في روضة جمب بقالة كدا ال ورا ال عمارة دي أمس والله كنت لافة في الشارع بفتش لي صيدلية لقيتها فعلا لبستهم ومشييت ليهم لقيت البيئة حقت الروضة كويسه اتكلمت مع المديرة اني عايزة ادخل مرام مستوى أول نسبة لانو مرام م قرت قبل كدا واحمد براعم اتصااعبت معاي في البداية لكن حكيت ليها اني راجلي متوفي واهلى م عارفاهم حكيت ليها شوية كدا من معاناتي المرة بكت عديل قبلتهم لي بنص القيمة قلت ليها من يوم الأحد ح انزلهم
ومشينا لي كوفير مدام سهى صراحه كببير كبر وووحلو لقيت في بتين تاني بدينا النضافة اندعكنا دعك حمدلله خلصنا النضافة كان فاضل لينا نخلص اليافطة ونرتب الحاجات وكدا يعني الظهر كان اذن مشيت البيت صليت وعملت ليهم الفطور فطرنا ورقدنا نمنا صحينا اتغدينا وقعدنا نتمشي في الشارع كدا في مرة ظريفةكدا لاقتنا سلمت علي وقعدت تتونس وعرفت أنها ساكنه جمب الجامع اتبادلنا الارقام ومشينا البيت صلينا المغرب قعدت ألعب معاهم شوية كدا العشاء اذن رقدنا نمنا تاني يوم برضو مشينا الكوفير رتبنا وخلصنا كل شي قلنا نفتح الكوفير يوم الأحد الخميس والجمعة قعدت رتبت لي ناس مرام حاجات الروضة وكدا الأحد نزلتهم الروضة وانا مشيت الكوفير صراحة م كان في ناس كتار تقريبا جات مرة قالت عايزة تعمل فيشيل وعايزة تعمل ميج مدام سهى قالت لي راقبيني بعمل الميج كيف راقبتها لقيتو ساهل المرة خلصت وطلعت جات واحدة قالت عايزة رسم عندهم عرس مدام سهى قالت لي دورك صراحه كنت خايفة خوف أول مرة ارسم بديت ارسم كدا شوية اندمجت م حسيت علي روحي الا بعد خلصت أقسم طلعت شي كدا عجيب المرة دي تشكر فيني لغاية م طلعت قالت لينا ح اجيب ليكم زبائن مدام سهى قالت لي بداية موفقة ارح نمشي نجيب الفطور طلعنا كنا عملنا بوش ورجعنا تاني الكوفير لقينا في بت جامعية كدا قالت عايزة ست الكوفير مدام سهى قالت ليها اها اتفضلي افطري أول قالت لي لا لا بالهنا اتنظرتنا فطرنا جات لي مدام سهى قالت ليها انا والله اهلي في البلد وعايزة لي شغل أبوي م عندو قروش م دفعت قروش الداخلية هسي طردوني منها عليك الله شغليني بمسح ليك الارض بعمل لي اي شي مدام سهى قالت ليها بتعرفي تعملي شنو؟قالت ليها بعرف المكياج صحبتي في الداخلية شهادة عربية كان علمتني ليهو مدام سهى قالت ليها طيب اشوف كدي اعمل لي ميك لي دعاء دي كويس يا دعاء قلت ليها جدا؟؟بس قعدت ليها مدام سهى جابت ليها الشنطة فيها ميك وبدت تعمل لي ياخ لمن خلصت لمن روحي عجبتني أقسم بالله مكياجها ظريف ظريف مدام سهى قالت ليها اوووو فظيعة من بكرة ابدي دوام معاي قالت ليها بس ح اشتغل دوام العصر عشان الجامعة قالت ليها طيب حبيبة م عندك مشكلة وهاك الكرت حقي لمن جات طالعة
يتبع...
