قلت ليهو هي حقت منو؟!قال لي بتاعتي انا لكن هسي مافيها زول صراحة بقيت م قادرة اثق في راجل نهاي قلت ليهو اا لا لا م مشكلة بنشوف شقة بس عشان ال...قاطعني مدا لي مفتاح قال لي هاك والله م عندي منو نسخة هاك اقفلي الباب عليك وختي الرحمن في قلبك امشي امشي ف اضطريت اني اشيلو شلتو ومشيت قفلت علي الشقفة تمام بس م كنت مطمنة برضو رقدت وخاتة يدي في قلبي ومشغلة القرآن م صحيت الا علي صوت مرام بتقول لي أمي الصلاة قمت لقيتها صلاة الصبح صليت ودعيت كتير م كان في حاجات للشاي قلت نشربو عند ست شاي طوالي لبسنا هدوما ونزلنا فتشنا كتير عشان نلقى في النهاية لقينا شربنا الشاي قلت اقوم أشوف لي شغل أخير طوالي بقيت ماشة اصلا عندي خبرة في النقش بتاع الحنة بقيت بفتش كوافير وكدا م لقيت للظهر انا بفتش تعبت عديل تلفوني كان مقفول فتحتو لقيت مكالمات من عصام م رديت قفلت التلفون تاني قلت خلاص اشوف لي روضة اشتتغل فيها برضو فتشت دخلت جامع اصلي صليت بقيت قاعدة بستغفر في مرة جنبي قالت لي لو سمحتي انتي ساكنة هنا؟!قلت ليها لا لا ليه؟!قالت لي طبعا انا عندي كوافير فتحتو في الصافية لقيتو ناحج هسي رحلنا هنا عايزة اعمل لي منو فرع وم لقيت لي حنانة دايرة أسألك بتعرفي ليك حننانة؟؟صراحة قربت ابوس رجل المرة لا شعوريا دموعي جرو
المرة استغربت قلت ليها صراحة يا اختي انا حالتي صعبة وبعرف احنن علليك الله شغيليني معاك لو لقيتي م نافعة خليني انا م بكذب عليك م حصل اشتغلت لكن هسي مجبورة اشتغل المرة سكتت مساافهة كدا وقالت لي خلاص هاك الكرت دا بكرة تعال لي في ...الأسبوع الأول دا ح نشتغل نظيف وترتيب وكذا يعني بديك حق النضافة م بقصر معاك قلت ليهو الله يديك العافية عاينت لي مرام ومحمد وقالت لي ديل اولادك؟!قلت ليها اي اي قالت لي ما شاء الله وين ابوهم؟؟ مرام نطت قالت ليها أبوي مشى بعععيدد ولا عايزنو يجي زاتو لانو كان كعب وبدقناا قرصت مرام في رجلها المررة(مدام سهى)قالت لي والله الرجال ديل بقى م عندهم ضمان حتى انا مطلقة هسي خيريني بين الطلاق ولا اخلي الشغل اخترت الطلاق قلت ليها ربنا يعوضنا مجبورين انا المشكلة اخترتو هو وحبيتو واي شي وخليت اهلي عشانوو نعمل شنو بس حمدلله اتونسنا بعدها قلت ليها عايزة لي شقة بسعر مناسب قالت لي جدا في شقة قريبة لي مكان الشغل زاتو ارح نمشي
يتبع...
