لمن جيت ماشة خالتو سوسن قالت لي م ح تحضري العقد؟قلت ليها اي اي بحضرو ماشة البس واجي قالت لي بالجد!قلت ليها عشان تضمني م تديني القروش هسي إلا بعد العقد ضربت لي آيات كلمتها خالتو سوسن نادت أحمد قالت ليهو وصلها لمن جا قال لي أنا بقيت سواقك الواضح؟قلت ليهو اعييي😂 لمن جيت طالعة لقيت بت شافعة كدا شكلها م غريب علي بس م ركزت طلعت مشيت الكوفير قعدت شوية آيات جات ملبسة الشفع وعاملة لي مرام تسريحهة رهيبة م قصرت خالص خالص قعدت مكيجتني مدام سهى ومكيجت ايات وقالت لي جبت ليكم فستانين اصلا بقيت م بلبسهم انا واحد وايات واحد حقي كان بترولي علي الجسم بي الاكسسور والشبط والشنطة يعني شي فخم فخم مع القصة والميج شي كدا كنت طبعا اتخلعت في روحي بقيت بعاين لي روحي في المرايا بي صدمة أحمد ومرام م عرفوني زاتو آيات دي اتبكمت كلو كلو بقيت بضحك مدام سهى صورتني ألف صوررة عديل قلت ليها تمشي معانا؟!قالت لي والله ماشة السوق تتهنو يا ربي وحصنتني كمان آيات لسه مخلوعة قلت ليها هي انتي م للدرجه دي قالت لي انتي جادة دي انتي وين داسهة الجمال دا؟وويين تعال أتصور معاك اقشر بيك اقول صحبتي وأختي مزة شديد ركبنا ركشة ومشينا كان الناس ديل كتار شديد كنت خجلانة آيات قالت لي ارفعي رأسك م في شي بخجل من ختيت رجلي في البيت الناس دي كلها بقت مركزة معاي مشيت لي خالتو سوسن قلت ليها اها جيت ولا لأ؟استغربت قلت ليها أنا دعاء الحنانة خالتو سوسن دي لمن شهقت ووقفت علي حيلها وفكت الزغروتة قالت لي ما شاء الله صحي الرجال م بشوفو م عرفتك انا والله البركة ال وريتينا جمالك ما شاء الله يا بتي ومسكتني ضمتني حسيتها امي امي بعد فكتني حومتني علي نسوان العقد كلهم همست ليها انو تقول ليهو عندها معرسة وعندها طفلين م عايزة عرس تاني قالت لي بري وحات الله م بقول كدا هسي كان جاييك عريس أقطع رزقو بري لمن جينا لي مرة كدا اتخلعت لمن شفتها ومعاها طفلتين مرام طوالي جرت عليهم البت عاينت لي باستغراب قالت لي انتي ام أحمد صح؟كان كسر رجلو قلت ليها انتي منو م عرفتك بس شكلك م غريب علي خخخاللص قالت لي انا نادية أخت عصام قلت ليها اييوا وديل دعاء وعفراء مش وقامت سلمت علي سلام شديد قالت بري اتاريك سمحهة كدا وانحنا م عارفين قلت ليها عيونك السمحهة وقعدت اتوننس معاها لمن جابو الأكل اكلنا واتصورت معاي كتير وشالت رقمي تلفونها رن ردت قالت(اي اي.م بدري ياخ نقعد شوية.خلاص تمام انتظرنا.باي)قالت لي كل عصام قال نطلع عندو مشوار مهم ارح اطلعي معانا حلفتك بي الله قلت ليها أنا زاتي تعبت كدي نسلم عليهم ونطلع سلمت علي خالتو سوسن كانت ملخوومهة م ركزت معي م حببيت الخمها قلت القروش براها بتتذكرهم طلعت برا مع نادية وايات قابلنا عصام واحمد ال كان بعاين لي بصدمة قال لي انتي البرنسيسة ال انا شغال ليها سواق؟؟؟!م بصدق عديل ياخ انتي جاية السمماحهة دي من وويين؟!ومالك كنتي داساها؟عصام عاين لي وسكت م اتكلم نادية قالت ليهو عصام دي دعاء ام أحمد ومرام م عرفتها قال لي لها وسلم علي وبقى مشغول بالتلفون لكن كلو مرة بكشف لي وانا شايفاهو جوهو مرام وأحمد جارين عليهو شالهم باسهم وبقى يلعبهم قلت لي آيات وقفي ركشة أحمد قال لي لا لا ي برنس انا بوصلكم ارح قلت ليهو نننننن أبيت ركشة بس قال لي دعاء قدامي وقبل كدا تعالي سيلفي تعالي يا نادية دعاء عفراء عصام أحمد مرام انتي(لي ايات)تعالو جينا كلنا اتصورنا شوية كدا الناس كتار جو بسلمو علينا م عارفاهم وعصام بكشف بس يرفع حاجب وينزل حاجب ركبنا انا وآيات وأولادي مع أحمد وصلنا البيت من التعب رقدنا نمنا طوالي تاني يوم بالصباح كدا كان يوم السبت نشطت نت أول رسالة كانت من عصام(اصلا مسجلة رقمو)لقيتو كاتب لي سلام عليكم.كيفكم؟
قلت ليهو وعليكم السلام تمام انتو كيف؟!
كان أونلاين م رد لي لقيت رسالة من نادية اتونست معاها كتير عصام رد لي حمدلله عرفتيني؟!رديت ليهو اي عصام شافاها وم رد
يوم السبت عديتو كلو ونسه مع نادية عصرية كدا قلت لي آيات راحر ننصف نضفنا واسحميت ولبست لي بجامة ولبست أولادي وآيات لبست قاعدين نحضر الباب دق لبست توب لقيتها خالتو سوسن شايلة كيك قالت لي عايزين نشرب معاكم الشاي قلت ليها منورييين دخلت معاها بت كدا أحمد أشر لي وغمز لي صريت ليهو دخلت وأحمد فات قعدنا اتونسنا اكتشفت أنها بت اخوها متكلفة شديد حتى في الميك واللبس وبتاعت مشاكل م مريحهة عكس خالتو سوسن تماما قعدنا اتونسنا البت تقلب عيونها وتأفف بعد شوية قالت لي شفتك واقفة مع عصام بتعرفيهو؟!قلت ليها هههههه اي لاقيتهم كان في المستشفى قالت لي امممم غريبة عصام دا م كدا كل الناس يعني استحالة يتعرف علي ناس وضعهم زيك وكدا وديل اولادك؟!قلت ليها اي قالت لي ووااااههااييي غريبة بالجد يعني وضعك كعب وكمان مطلقة سكت خالتو سوسن قالت ليها سهيل في شنو؟
يتبع...
