بس م تحكي شي عن وليد وكدا فهمتي وانا بضرب ترحال آيات اتصلت علي يوسف وقالت ليهو اسمعني ولو قاعد جمب عبدالله زح منو وم تقول لي عبدالله شي خاالص آيات بدت تحكي انا طلبت ترحال ركبنا طول الطريق آيات تحكي ليهو لمن وصلنا المطعم انا قلبي دا قرب يكسر القفص بسبب دقاتو ويديني ديل تلجووو عديل وبمشي بصععوببهة شديد ولساني اتربط وحالة صعبة دخلنا آيات مسكت يدي يوسف أشر ليها شفت عبدالله بقى مشيب شوية بس نفس عبد الله م اتغير اخوي زاتو كان ماسك تلفونو مشينا عليهم في كل خطوة قلبي بضرب اكتر قعدنا رفع عينو عاين لي مسااافهة شكلي اتغير شوية وهو ليهو سنين م شافني فجأة كدا قام دق ليك التربيزة وبقى يكورك انتي عايزة شنو مالك ياخ؟مش طلعناك من حياتنا في شنو؟جبتي لي امي الضغط قربت تممموت بسببك عايزة شنو يا ياخ اطلعي من حياتنا انا طوالي بكيت وبشهق بي قوة شديييدة ناس المطعم مركزين معانا علي الآخر عبد الله قام يوسف مسكو قال ليهو اقعد وأسمع منها قعد في تأفف يوسف وايات ساقو مرام وأحمد ومشو بعيد قمت قعدت جمب عبدالله قلب راسو مني قلت ليهو(عبدالله.كلنا م بنقدر نتحكم في قلوبنا نحب منو ونكره منو صح انا حبيت وليد شديد انتو مش أهلي وكنتو بتحبوني ليه م حبستوني ليه عرستو لي بالساهل؟كان تدقوني كان تقفلوني في غرفة كان تعملو اي شي كان تتهددو وليد.أنت عارف انا هسي م نادمة علي عرسي بي وليد زي م نادمة اني حبيتو عارف وليد عمل شنو؟!بقيت احكي ليهو وليد ومعاناتي معاهو ببكي وبسكت عشان أهدي نفسي من البكا بعد خلصت قلت ليهو انا كنت جاهلة وامكن دا عقاب من ربنا عشان خليتكم بسببو يا عبدالله في النهاية انا وانت نفس الدم عارفة نفسي غلطانة وندمت وتوبة وسافة التراب وعارفة اي شي وقنعانة من انكم تسامحوني بس عايزة منكم تعفو لي عدم عفوكم دا انا بعذبني في الدنيا قبل الآخرة عايزاك تكلم امي تعفي لي وابوي وسعيد عايزاكم تعفو لي أنا هسي م عندي زول غير أولادي شغالة عشانهم وشقيانة عشانهم انا عرفت انو م في بحب حقيقي غير حب الأسرة بالجد لو الزمن رجع لي ورا م ح اعرس وليد وحكيت ليهو شغلي ولكن خطفو اولادي هو م كان بتكلم ولا عاين لي بسمع بس قلت ليهو آخر طلب انا شكلي ح اموت قريب لو مت أولادي ديل ابقو عليهم10 م تعاقبوهم علي غلطة عملتها أمهم م ليهم يد فيها م تخلوهم يكرهوني انا بالجد بحبهم وعملت عشانهم اي شي أولادي ديل انا خايفة لو حصل ليهم شي تاني لانو الشافو من وليد والله م في زول بستحملو كلو كلو عبد الله م قال شي سكت مسافة لمن م رد قلت ليهو العفو والعافية وقمت وانا ماشة منتظرة في اي لحظة يكورك لي بس م اشتغل بي مشيت لي آيات قلت ليها ودي ليهو أحمد ومرام يسلمو عليهو وانا بطلب ترحال وشكرت يوسف ومشيت طلعت آيات ساقت أحمد ومرام قالت ليهو اولاد أخت عبد الله عاين ليهم بعد مسافة حتى دنقر شالهم باسهم وبقى ضاميهم خائف نزلهم شكلو كان ح يبكي عيونو حمر جبت ترحال دخلت ناديتهم وسقتهم ومشيت أول م رجعنا نمت طوالي من الصداع حق البكا تاني يوم كان يوم السبت شوية نفسياتي اتحسنت جبت دجاجة ورز وخضار قلت أعمل كبسة عملتها وعملت سلطتين وعلمت بسبوسة واياات نضفت الباب دق
يتبع...
