قلت لي عصام بصوت متقطع أدخل الغرفة خليني ادخل غرفتي قال لي طيب دخل انا لسه كنت مصدومة بقيت بحبي حبيت دخلت غرفتي وجري لبست توب قعدت في الغرفة مسافة لقيت نفسي جعانة طلعت مشيت المطبخ لابسه توبي قعدت أفتش كدا التوب عتر لي وقعت وم قمت زاتو بقيت راقدة في الأرض عصام جا لقاني راقدة وبعاين للسقف قال لي دعااااء؟!مالك؟قلت ليهو مافي شي وقمت من الارض عايزة اجي طالعة التوب تاني عتر لي وقعت في عصام ولزيتو بمل قوتو وقع وقعت فوق ليهو هنا طوالي بكيت انا اصلا من لمن طلعت من الحمام وشافني باللبسة ديك حسيت كرامتي اتهدمت وهسي بعد الوقعة قلت خلاص ح يقول البت جارية وراي ومستهبلة قمت منو وجري علي غرفتي بكيت لمن نمت صحيت بصوت دق الباب فتحت لقيتو عصام قال لي الأكل قلت ليهو كويس دخلت الحمام أول حتى مشيت قعدت بعيد منو اكلت في سكات تام بعد خلصنا شلت الصينية عملت كبايتين شاي شربنا بعد خلصا انا نزلت تحت م لقيت في زول بقيت حايمة في البيت كلو كدا الباب دق فتحت لقيتها بت شكلها م غرييب علي قالت لي انتي البت المقطعة ال عرسها عصام؟؟!م رديت ليها لزتني ودخلت جري ركبت شقتنا ركبت وراها كانت بقول ي بيب بيب فتحت باب الشقة انا مصدومة ومخلوعة فيها عصام اتخلع جا طالع أول م شافتو قالت ليعو بببييييب وجرت ضمتو انا كنت واقفة زي الصنم قال ليها سهيييل!جابك شنو؟قالت ليهو يخسي عليك يا بيب م تقول لي انك عرست بس عروستك م جاية معاك المهم ربنا يهنيك لمن حسيت روحي ح ابكي دخلت غرفتي طوالي قعدت في السرير بكيت بكا م عادي أتذكرت دي سهيل ال كان جات مع خالتو سوسن مرة قلت في سري ليه انا م بقدر ادافع عن نفسي؟قعدت أفكر كدا الباب دق فتحت لقيتو عصام كان بعاين لي أنا كنت خاتة يدي في خدي وبفكر كيف ح ابقى قوية وارد علي اي زول؟عصام أتكلم معاي انا م كنت مركزة معاهو قلت ليهو طيب ودخلت قلت خلاص من الليلة اي زول يفتح خشمو معاي ح أرد ليهو ح اخليهم يقولو الدايرين يقولوهو قلت لي روحي بس وعد مني م اسمح لي زول يستهين بي قمت لبست التوب وطلعت لقيت عصام جاي من برة وسهيل قاعدة أول م شافتني قالت ليهو بيب مرتك م جابت لي حاجة اشربها قال لي صحي قلت ليهو ااااااا هسي ماشة اجيب ليها عصام بقى بصرخ وقال لي أنا مش جيت كلمتك انتي من هسي م عايزة تسمعي الكلام اوووف يااخ كنت عايزة ابكي بس اتذكرت وعدي لي نفسي قلت ليهو هي هي اسمعني هي هي مش عاملين الحالة واحدة تضمك عادي وتقعد في البيت خليها تقوم وتعمل باقي حالتها الواحدة وتشرب براها م خادمة عندكم انا ولفيت دخلت غرفتي كنت خايفة وبعرق عديل م عارفة كيف قدرت أرد عليهم بس اتبسطت من روحي بسطهة سمعت المغرب لبست لي فستان كدا شكلو عجيب م شفاف بس قصير شوية كدا فوق الركبة برضو سمعت صوت باب الشقة قلت معناها عصام طلع طوالي سرحت شعري واتريحت طلعت لقيت البت قاعدة اجي يا قلة الأدب اجي يا عدم الحياء قلت ليها حبيبة اوصف ليك غرفتو؟قالت لي قصدك شنو انتي قلت ليها قصدي انتي فاهماهو عندك ملابس ولا اديك من حقاتي لكن الزيك بكون عندهم ملابس ومشيت الحمام خليتها انا زاتي م عارفة نفسي بعمل شنو اصلا مغيوزة من البت دي وياداب حتى فشيت نغستي رجعت غرفتي قعدت كدا الباب ضرب بقوهة خفت خوفة بس عملت فيها م خايفة فتحت الباب وانا لابسه فستاني داك زاتو عصام جراني للهول قال لي اعتزري ليها قلت ليهو ببرود عشان؟!قال لي انتي قلتي ليها شنو قلت ليهو قلت ليها المفروض يتقال انت ك راجل بترضي نادية تقعد مع راجل م راجلها وتضمو وكدا ولا هرمونات الرجولة خلصت منك؟!عصام رفع يدو عايز يضربني لكن براهو نزلها قال لي طيري من وشي قلت ليهو م بقدر أطير لكن بمشي اتجدعت كدا ومشيت صراحة ما شنو ولا حصل كيف انا م عارفة لكن تراكم الحاجات الكعبة ح تخليني كعبة ورداحة ودا شي كويس بعد 10دقائق طلعت لقيت عصام قاعد براهو كنت لابسه الفستان بدون توب قال لي هي انتي البسي شي محترم قلت ليهو م عندي تصدق وأعتقد اني كلمتك م عجبك م تتطلع من غرفتك ومشيت عملت فشار وجيت فتحت التلفزيون وقعدت احضرر عصام براهو دخل تميت حضري صليت العشاء حتى مشيت نمت صحيت تاني يوم الصباح دخلت الحمام وعملت حاجاتي وصليت عملت الشاي قعدت اشرب اتذكرت امس وسهيل وردي مسكتني خووفهة م عارفهة لليه قلت خلاص اشرب الشاي واجري غرفتي وم اطلع ولا اتكلم مع عصام زاتو شربت الشاي وعملت لي عصام ختيتو ليهو في الحفاظهة وعايزة اطلع من المطبخ عصام جا داخل لمن نطيت من الخلعهة طوالي طلعت قعدت مساافهة كدا جا دق لي الباب قال لي البسي ليك شي عشان نمشي السوق قلت ليهو لي شنو؟قال لي عشان نشتري ليك ملابس قلت ليهو نص ساعة بس لبست لي عباية مسحهة ومعاها طرحتها وجزمهة وجيت طالعة قفلنا الشقهة ونزلنا لمن نزلنا تحت كان في اثار ناس قاعدين عرفت ناس ناديهة جو
يتبع...
