بقول ليها دعوية انتي قلبي وشي دعوية انتي ستهم ودعويتي انتي وانتي مع كل جملة انا بنط وقلبي بضرب بهدلني بهدلة يوم قلت كدا ناس نادية والشفع مشت بيت عمة عصام قلت خلاص نبدأ صفحة جديدة مشيت بيت ناس امي بدري اتدخخخننتتت وين ومشيت لي مدام سهى فرحت فرح لمن كلمتها قلت ليها اعملي لي مسج وارسمي لي بسرعة مدام سهى طلعتني نجفة مشيت البيت نضفت الشقة وضايرت وبخرت كدا ولبست روب وقعدت منتظرة عصام لمن جا بقى واقف بعاين لي ساااي في النهاية ابتسم لي ودخل غرفتو انتظرتو نص ساعة م طلع حسيت نفسي حقيرة وسخيفة جريت غرفتي قلعت كل شي لبست لبسهة طويلة وعباية وجري نزلت وأقرب ركشة علي شقتنا طول الطريق أبكي وأتذكر تعبي ليهو ازيد البكاء دقيت الباب فتحت لي آيات اتخلعت من منظري دخلتني مسكتها وقعدت ابكي قلت ليها أنا انا كنت قايلاهو حباني عملت دا كلو عشانو م اشتغل بي انا حقيرة وضربت روحي ايات تهدي فيني بعد مسافة عملت لي عصير شربتو ورقدت نمت عصام جانا انا كنت نايمة آيات نزلت ليهو تحت قالت ليهو عصام حرام عليك البت حبتك ليه بتعمل فيها كدا قال ليها آيات أنا شرطي معاها ننسى نفسنا بس ولا هي عملت بالشرط ولا انا عملت بيهو آيات بقيت مخلوعة وتعاين ليهو قالت ليهو كيف؟قال ليها زي م هي حبتني انا كمان حبيتها ومنو كان فاكر ح يجي يوم نحب بعض بس المواقف حببتتنا في بعض هسي انا قبيل كنت عايز اعمل ليها مفاجأة دخلت غرفتي أرتب ليها المفاجأة طلعت م لقيتها عرفتها عندك هسي خلي الكلام دا سر انا بجي اسوقها بعدين قالت ليهو طيب عصام فات وآيات جات تتبسم ساي قلت ليها مالك تتبسمي قالت لي ساي بس قلت ليها ايات اطلق من عصام آيات صرخت بصوت عالي قالت لي لا لا اوعك قلت ليها براحة مالك بتكوركي كدا ضحكت معاي قعدنا اتناقشنا كتير آيات نزلت للشغل قالت لي يلا انزلي نزلت لقيت عصام سلم علي آيات وقال لي البيت عاينت لي آيات قالت لي بأي وفاتت مشيت معاهو وانا محتقرة روحي جدا لمن وصلنا نزل شالني لغاية م دخلني غرفتو بقيت بعاين لي غرفتو مخلوعة لانو غير ليها الديكور بقت غرفة نوم عديل اتحيرت جنس حيرية عصام قال لي زمان قلت ليك عايزك ام لي أولادي هسي عايزك مرة لي روحي عايزة حبيبة وزوجة رفيقة صديقة موافقة عاينت ليهو بخلعة طلع خاتمين في مدا لي واحد ولبسني واحد ومدا لي يدو لبستو قال لي الزمن كفيل بي انو يثبت لينا حبنا لي بعض قرب علي شديد وباسني في خدي وووو حصل..
اكتشفت انو عصام حنين شديد ورومانسي لدرجة عصام عاد لي شهر العسل من جديد جيت من شهر العسل كنت حامل عصام تعب معاي تعب في الحمل بساهر بيهو لي بليل واصحيهو نص الليل
ولدت ولد سميتو ايمن
مرة كنا بنحضر في طيبة عدلان الصاوي(عائلة مؤسسة)عدلان قال انو الرجال يقول لي نسوانهم ست الكل وشنو قمت أنا دخلت غرفة عصام بعد م بقت حقتنا فجأة جا عصام وضماني قلت ليهو دا شنو؟!قال لي عدلان قال كدا قلت ليهو بطل طلس ياخ قعد يضحك باسني وطلع
في عيد ميلادي كان غنى لي صوتو كان بضحك
قلت ليهو الهدية قال لي طيب دقيقة مشى وجا جاب لي سلسل دهب غايتو صرخت صريخ وبوستو كترت ببوس عصام كان كاتب لي الجملة دي في كل حيطهة( يليق بك أن تكوني نجمة لا تنطفئ.أن تكوني وردة لا تموت وماء لا يجف يليق بك أن تكوني كل الأشياء السعيدة التي لا يمكن أن يعبرها الحزن يوما ما🌸💞)عشان كل م ازهج وانفسن أقراها بتبسط طوالي
مرة كنا انا وعصام قاعدين في الهول واخر استكانهة عصام قال لي دعاء التفت عليهو قال لي بحبك انا عارفة؟قلت ليهو اي🌚قال لي م رومانسية خالص قلت ليهو حبيبي انت قال لي تعالي نلعب سك سك قلت ليهو ارح الحوش تحت نزلنا كلنا بالشفع قعدنا نلعب سك شك نادية تضحك مرة وتصفق مرة وعملت عمايل لعبنا وعصام ساكيني انا بس كلو م يقضبني ابوسو بسرعة بفكني..
عصام م زال يستخدم معاي أسلوب يتكلم مع دعاء عشان اتوتر اليوم كلو بكون بتغزل في دعاء بتو لكن هو قصادني انا زاتي بعمل فيها بليدة وم فاهمة😂
يتبع.
