رتبت هدومي حقت الطلعات بكل حاجاتها والاكسسور وكدا مشيت رتبت هدوم دعاء وعفراء العصر اذن اتوشت ولبست فستان راقي رقي وحممت دعاء وعفراء ولبستهم اللبسة ال اشتريتها ليهم مع حاجاتي ونزلت تحت انتظرت ناس امي قعدت اتونس مع أبو عصام راجل ظريف بي كلو لغاية م ناس امي جو سلمت عليهم ومسكت أولادي ضاماهم ساعة كاملة ناس امي قعدو معانا للعشاء حتى فاتو نادية قامت بالمطلوب سقت الاطفاال ومشيت الشقة(آيات قاعدة في شقتنا بتيت معاها مدام سهى)
رقدت الشفع غطيتهمث حتى مشيت نومة واحدة م صحيت الا تاني يوم بعد عملت كل حاجاتي صحيت الشفع اتسوكو وكدا وقفتهم يصلو حتى كبيت ليهم الشاي عصام جا لابس شكلو طالع سلم علي عفراء وباسه افي خدها حتى علي دعاء واحمد ومرام برضو سلم عليهم في خدودهم لمن جا دوري باس رأسي قال صباح الخير اتاكدت انو عندو مشكلة في راسو قلت ليهو صباحك سعادة غلي وين قال لي الروضة قلت ليهو عفراء لمن تشووفهم كلهم مشو الروضة الا هي بتحسس؟قال لي لا لا م أظن قلت ليهو الا نطلعهم منها بالدس قال لي أي الليلة م يمشو بمشي اسجلهم وبكرة ينزلو قلت ليهو عايزة منك طلبين الأول امشي الروضة القديمة عندهم باقي قروش عندنا ح اديك تسددهم والتاني صحيني معاك للصبح قال لي التاني كويس والأول أخير ليك ي دعاء م تعصبيني وطلع
قعدت زهجانة احضر مرة والعب مع ناس مرام مرة في النهاية ضربت لي آيات اتونست معاها ونسهة بس م كانت علي بعضها قالت لي بعدين بجيك اعمل ليك ميك قلت ليها سمح ي زولة بس انتي مالك أبت توريني قلت م اضغط عليها ختيت الفطور عصام جا حكى لي حصل شنو وكدا فطرنا عمل ليهم عصير شربو صلينا الظهر حتى نمنا صحيت مع أذان العصر علمت ليهم الغداء اتوشت ولبسنا مشينا وديناهم لي نادية ومشينا المكان ال متفق أنهم يجو فيهو كان مزرعة كل أصحابو معاهم نسوانهم كانو كلهم لايقين وظريفين شديد جابو لحم مقطع الرجال نضجوهو واكلنا وعملو برنامج في منهم راجل ومرتو بحبو بعض لدرجة انا كنت مركزة معاهم شديد يلا قالو عايزين يعلبو بربطو رجل الراجل مع رجل مرتو بعملو سباق(الرجل اليمين للراجل مع رجل مرتو اليسار)لمن جا دوري انا وعصام أشرت لي عصام بمعني لا قال ليهم معليش ي شباب المدام تعبانة شوية واحد قال ليهو براحة عليها وقعدو يضحكو حتى بدو اللعبة كنت بشجع الاتنين ال بحبو بعض شديد كانو بلعبو وهم بضحكو شديد فرحانين ولا جايبين خبر لي لي زول ويقعو ويقومو براهم كنت بضحك معاهم ساي في النهاية قلت اتمشي خليت تلفوني في الفرشة وقمت بقيت بتمشى واتمشى لمن تهت بقيت بين شجر بس خفت وبقيت قاعدة في الأرض أتلفت ساي سمعت صوت كدا طوالي وقفت استعداد طلع لي عصام صرخت في البداية لمن ركزت حتى سكت قال لي قطعتي قلبي انتي مشيتي وين قلت ليهو جيت اتفسح قال لي طيب تعالي مسكني من يدي وبقينا ماشين بقينا مرجحانية قال لي اركبي ركبت بقا يزلني براحهة شوية بقى يشد وانا أصرخ فيهو براحهة براحهة م أشتغل بي لمن قعدت أبكي حتى وقفها جا شالني زي البيبي وهو يضحك فيني وانا أبكي وداني الفرشة قالو ليهو مالا قال ليهم خوافة بس زعلت منو زعلة انا الرحلة كلها اصرصر ليهو انتهينا بعد المغرب رجعنا البيت أول شي سوقت الأطفال لقيت نادية عملت ليهم العشاء رقدتهم بس انا اتوشت ولبست لي بجامة وقعدت في الهول جاني عصام بتكلم معاي وانا ولا شغالة بيهو قال لي النوم النوم ولا انتظرني أرد جا شالنني وداني الغرفة حقتي رقدني وطلع نمت تاني يوم صحاني بدري سويت الشاي وصليت ووجهزت لي ناس مرام الفطور وححممتهم وتوشتهم ولبستهم عصام وصلهم عفراء م اتاثرت كلو كلو قلت عشان م تزهج العب معاهو بقيت بلعب معاها واضحكها لغاية م الظهر اذن كدا صليت عصام جا ومعاهو ناس مرام عملت ليهم الأكل والشراب وحممتهم ورقدنا نمنا تاني صحيت قبل العصر عملت كل شي ووديناهم لي نادية وطلعنا كان مطعم كنت ساكتة اصحابو يلعبو ويتونسو مرة مرة أشارك معاهم واحد قال ليهو مرتك هادية قال ليهو اي شديد وتاني بقة يتونسو لغاية م رجعنا متأخرين لقينا الشفع نامو بس رفعناهم فوق رقدناهم مشيت قعدت في الهول عصام جا قعد معاي اتونسنا الكلام جاب الكلام جاب سيرة مرتو وأنها بتعمل ليهو مفاجأت ومرة عملت ليهو بالونات كتتتيرة وكلو واحدة كتبت فيها كلمة مختلفة في النهاية رتبتهم بالصف عشان يكونو جملة عجبتني الفكرة قلت اعملها تاني يوم بعد م طلعو كلهم جريت جبت البالونات وقلم شين ونفحتهم وكتبت فيهم ورصيتهم عصام اول م جا وشافهم افتكرت انو ح يفرح بس بالعكس زعل شديد
يتبع...
