آيات قالت لي دقيقة دقيقة فتحت تلفونها طبزت كدا وجابت تلفونها قالت لي عصام دي هي شال التلفون حقها طبز كدا وطبز تلفونو برضو وقال لي ارح اطلعي طلعت عصام مسك يدي وابتسم قال لي م تخافي انا معاك مشيت ركبت أمجاد للمكان وصلتو بعد تعب مكان شبه مهجور مشيت وقفت اتصلت عليها قلت ليها اها جيت انتي وين قالت لي اي شايفاك براك فالحة هسي بجيك شوية كدا جات طالعة معاها أحمد ومرام قلت ليها خليهم يجو فكتهم انا مشيت لي نص المسافة ختيت ليها الشنطة حقت القروش في الارض وسوقت أولادي وجري فتشت لي علي عربات م لقيت بالساهل بعد تعب في عربية جات لقيت سايقها عصام أبتسم لي وقال لي ههس اركبي سرعهة ركبت ورجعنا الشقة طول الطريق انا ضامة أولادي علي وابوسهم ساي لغاية م وصلنا للشقهة لقيتهم كلهم قاعدين عصام تلفونو ضرب رد وقال(اي اي قبضوتها.تسلم يا جنابوو.سلام)قلت ليهو قبضو منو؟قال لي احكي ليك بالتفصيل بس م هسي بعدين قلت ليهو طيب قعدنا كلنا اتونسنا المديرة اعتزرت لي وقالت لي تاني بنتبه عليهم م بديهم لي زول الا انتي وفاتت نادية وعصام فاتو بقينا انا وآيات وأولادي آيات كانت ضاماهم عاينت ليهم لقيتهم نامو انا شلت أحمد وآيات شالت مرام دخلناهم ورجعنا قعدنا شوية كدا الباب دق فتحت آيات لقتها خالتو سوسن دخلتها جات سلمت علي مدت لي ظرف قالت لي دي قروش الحنة حقتك جيت المرة الفاتت مخصوص عشانها بس نسيت بالونسة معليش يا بتي والله نسيت قلت ليها لا لا عادي عادي اترددت اشيل القروش قالت لي واقسم بالله م تشيلها لا بخش بيتك لا بجيبك تحننينا ولا أي شي امسكي هاك هاك مسكتني ليهو بالقوة قالت لي مالك شكلك كنتي بتبكي آيات قالت ليها اييييكك بكاء ساي احكي ليك وحكت ليها كل شي خالتو سوسن قالت لي البت دي مالها معاك؟قلت ليها بس الناس م بحبو رسمها بقولو عايزين ارسم ليهم انا قالت لي اجي يا اخواني غييييرة لكن حمدلله علي سلامة اولادك ياخ لكن البت دي لازم تتأدب قلت ليها خلينها لي الله بس خالتو سوسن قعدت شوية وفاتت باقي الاسبوع نفسياتي كانت محطمة آيات دي قدر م طلعتني برة وقدر م حاولت م قدرت تبهجني وخالتو سوسن عزمنتا مطعم وانا م عارفة نفسي مالي بس بقيت م بفك اولادي ديل ساي بمسك فيهم مسكة قوية لدرجة بقيت انوم معاهم لصق بس ولمن يكونو في الروضة وانا في الشغل بمشي باخد اذن وبمشي اشوفهم اتعلقت ليهم شديد يوم الجمعة آيات قاعدة تحكي لي في قصة خطوبتها وأهلها وكدا طلعت تلفونها قلت ليها دقيقة عشان م أنسى جبتي صورة عبير من وين قالت لي الفيس شفت البوست حق مدام سهى ال قالت فيهو أنها عايزة بنات يرسمو فتشت ولقيت قلت ليها يا داهية مخك فظيع أنتي قالت لي م عملتي فيس؟قلت ليها لا لا عملت واتسب قالت لي تعالي نحولو ليك حولتو لي قلت ليها عندي واحد قديم حافظة حاجاتو فعلا دخلت البيانات وطوالي دخل آيات قالت لي اوريك الصور قلت ليها أنا بقت توري فيني صور الخطوبة وتعرف لي الناس دا فلان ودا فلان جات صورة آيات مشت فيها سرعة بدون م أشعر قلت ليها بصوت عالي رجعيهااا آيات دي لمن نطت من الخلعهة رجعتها كانو 3اولاد شلت التلفون كبرت الصورة صغرتها قلت ليها آيات وكررر دموعي جرو قلت ليها دا اخوي عبدالله متزوج دا اخوي والله اضربي لي خطيبك سرعة قولي ليهو عايزة رقم عبدالله سرعة عليك الله سرعهة قالت لي أخوك شغال شنو قلت ليها في شركة...قالت لي صاح والله حتى يوسف خطيبي شغال في نفس الشركة طلعت تلفونها اتصلت عليهو م رد اتصلت تاني م رد في النهاية قالت لي م برد بكون في اجتماع دقيقة نشوف الفيس انتي م مصادقة اخوانك قلت ليها حظروني من كل شي دخلت صفحتو فتشت فتشت قالت لي عبدالله خالد قلت ليها هو هو قالت لي اها نعمل شنوو؟قلت ليها خطيبك بشاكلك لو عرف انك بترسلي ليهو ابعدي من المشاكل أخير ليك م عايزة اخرب ليك حيااتك آيات سكتت كدا وقالت لي كدي احكي لي قصتك أول م فهمتها المرة الفاتت من البكاء حكيت ليها القصة بعد انتهيت قالت لي شوفي أخوك لو انتي رسلتي ليهو او اتصلتي عليهو م ح يرد ليك اخير نعمل ليهو زي مفاجأة كدا انا بكلم يوسف يجيلو مطعم انا وانتي نمشي بس كدا قلت ليها تصدقي كدا أخير عشان بنختو أمام الأمر الواق...تلفون آيات ضرب قالت لي يوسف يوسف ردت سلمت عليهو وكدا قالت لي عايزة اقابلك لي موضوع مهم ممكن نتلاقى جيب معاك عبد الله خالد لانو موضوع مهم شديد شوفو روحكم فاضيين بتين وكلموني قال لي في شنو؟قلت ليها م شي خطير م تخاف قال لي أن شاء الله يحصل خير اشوف عبدالله وارجع ليك قفل منها رجع ليها بعد ربع ساعة قال لي عبدالله قال فاصي لغاية الساعة8مساء تعالي لينا في مطعم...قالت ليهو طيب طيب قالت لي قومي جري ارح نلبس 5دقائق اتلبسنا صحينا مرام وأحمد برضو لبسناهم آيات قالت لي لازم احكي لي يوسف عشان يساعدك قلت ليها طيب احكي ليهو بس م تحكي شي عن وليد وكدا فهمتي وانا بضرب ترحال
يتبع...
