تاني يوم صحيت بصوت تلفوني عاينت لقيتها ناديهة رديت ليها بي الووو قالت لي م تقولي لي صاحيهة هسي؟قلت ليها اي والله امس ساهرت قالت لي حالتي قلت اضرب ليك الساعة 11 عشان تكوني صحيتي قلت ليها شنووو؟11؟جاادهة انتي قالت لي والله قلت ليها عايني برجع ليك قمت زي المجنونة صحيت ايات وناس مرام صليت وعارفة صلاتي متاخرة شددييد عملنا الشاي وشربنا حتى رجعت لي ناديهة قالت لي مووضوع طوويل المهم نتلاقى هسي في...خفت شديد لبست وخليت اولادي مع ايات مشيت المكان المحدد لقيت ناديهة وعصام بعد قعدت طلبت لي عصير قالت لي شوفي عايزنك لي عصام دا عصام كان ماسك تلفونو لمن نادية قالت الجملة دي انا بقيت لا في الارض لا في السماء وقلبي دا سمعتو باضاني ويدي عرقت عررقق بقيت بتلفت وعصام ولا هبب لينا قلت ليها بس ليه انا نادية ردت لي بسرعهة عشان انتي عندك اطفال وبتحبيهم وم عايزاهم يعيشو بدون ابو ونفسو الفكرة عصام م عايز بناتو يعيشو بدون ام قلت ليها بس...قالت لي بدون بس اي شي عايزاهو بنعملو ليك عليك الله وافقي عليك االله انا م بقدر اربي ليهو اولادي واخترتك انتي لانيواثقهة فيك لدرجة وحبيتك عليك الله قلت ليها طيب افكر قالت لي بس في حاجهة واحدهة انتو م ح تقدرو تحبو بعض يعني عصام دا صرااحهة م ح يقدر يحبك لانو كان بحب مرتو الاولى بتقدري تستحملي عشان خاطر اولادك؟سكت وبقيت افكر كدا قلت في نفسي انا اخدت فرصتي في الحب دا وخلاص بعدد دا انا عايشة عشان اولادي ح اعمل اي شي يكون في صلاحهم حتى لو كان علي حساب ساعدتي بس ح اقدر؟اي يا دعاء ح تقدري انت استحملتي ووليد فكرك م ح تقدري تستحملي عصام ال تعاملو ححلوو؟طيب اذا حبييتو؟يا بت انتي تنسي نفسك بعد دا خااالص اولادك وبسس بلا حب بلا كلام فارغ.دا الكلام ال كان في راسي وقررت اني اخلي سعادتي عشان اولادي)قلت لي ناديهة مبدئيا م عندي مشكلة بس عصام دا خليهو يوعدني م يعاملني كععب م عابزة حب عابزة معاملة كويسه او م يتعامل معي قلت لي الخيار لي عصام بس وعد مني م تشوفي منو الا خير قلت ليها طيب اذا وافقت م عايزة شي غير عقد بس قالت لي جداا سكتت كدا وتاني قالت لي لو وافقتي العرس ح يكون بعد اسبووع قلت ليها انتو ليه مستتعججلين اسبوع بسيططهة قالت لي كل شي جااهز الشيلو واي شي قلت ليها امممم شيلهة طيب حلوو استخير واديكم خبر قالت لي جدا بس يا دعاء م في شهر عسل قلت ليها اكيد طبعا عصام م فتح خخخششموو قلت لي نادية تمام استخير واديكم الأكيدة ودعتها وقمت منهم قالت لي نوصلك قلت ليها لا لا م بحتاج ومشيت بسرعة وصلت البيت وانا راسي ضارب ضربة آيات سألتني قلت ليها اصبري احكي ليك اتوشت وقعدت احكي ليها لغاية النهاية آيات قالت لي يا بت يا خمارة اوعك تررررفضي عصام م بيرفضو يا غبية متأكدة انو ح يحبك حتى لو م حباك أولادك ح يعيشو في سعادة ياخ وانتي زاتك تتحنني وتتدخني بطلي هبل ووافقي سكت كدا لانو كلام آيات م مقنع شنو يعني اتتحنن ولا اتدخن م حبيت اجادلها سكت منها تاني قلت ليها ايات ليه خطيبك م سألك علاقتك بي شنو آيات دي عيونها رقرقت طوالي اتنهدت كدا وقالت لي لانو م بحبني وخطبتني ليهو انو هو شايف عشان انا من البلد وهو من الخرطوم م بنفع معاهو ولا بهتم بي ولا كدا بس لمن اطلب منو شي بعملو لي بدون نفس او كدا تأدية واجب بس قلت ليها انتي ليه وافقتي قالت لي أنا ختوني أمام الأمر الواقع م كان عندي خيار غير الموافقة قلت ليها ي حلليلك م تستاهلي والله وقمت مشيت استخير يوم السبت كلو عديتو استخاارة يوم الأحد نزلت الشغل م كنت مركزة مدام سهى لاحظت لي قعدتني قالت لي في شنو م على بعضك من قبيل قعدت حكيت ليها من خطف ناس أحمد م حكيت ليها ناس امي طوالي حكيت ليها موضوع عصام قالت لي دعاء أنا متأكدة من حاجة م في زول بقول انا م ح احب م بحب لانو م في زول بتحكم في قلبو ومتأكدة ح يجي يوم وعصام ح يجن بيك عديل وح يعمل اي شي عشانك استخيري ووافقي يا دعاء عشانك وعشان أولادك وانتي بي شطارتك ح تخليهو يجيك براهووو
يتبع...
