المهم يا ستي انحنا ح نتشاارك قروش الحاجات دي نص بالنص تصلا شوفي اصلا ابوي برسل لي 5الف الداخلية كانت بي 3 الشهر وال 2بشيلهم مصاريف قلت ليها اها؟قالت لي زادو قرروش الداخليهة وبقت 4ونص ابوي م بقدر يدفعها لي اكتر من 5الف ففكرت اشتغل اطلع قروش وكدا وهسي عشان الكوفير ال ح اشتغل فيهو لسه جديد اتفقت مع ست الكوفير علي المهية 4ونص لغاية م الكوفير يشتهر وكدا تمام بقى عندي 9ونص ح ادفع ليك 6 مليون كل شهر وح اشيل التلاتهة ونص للجامعهة اكل ومواصلات وشيتات وكدا انتي شوفي الستهة دي عايزة كم وتتم ليك قروش الحاجات ال في الورقهة دي قلت ليها مش 6 الف دي كتيرة عليك؟قالت لي لالا والله م كتتيرة يا دعااء قلت ليها اياات ياخ ستهة كتيررة قالت لي انتي قولي لي بتصرفي كم؟قلت ليها متفقة مع ست الكوفيرة اشتغل ليها10 بي5مليون قالت لي طيب ظريف يا ستي انا بديك6 دي وانتي اتصرفي قلت ليها بس كدا ظلم انتي واحدة تدفعي6 م منطقي ياخ قالت لي هس هس انا راضية وماشة أتم باقي طبخي بعد مشت آيات فكرت كدا لقيت ال6حقت آيات دي كويسه انا أتم عليها بتمشينا الشهر اصلا انا عايزة فطور لي أولادي وغدا وعشاء م شي كتير يعني اشتري كل المحتاجة ليهو في الشهر يعني 6 آيات وال5حقتي بتكفي
آيات خلصت الاكل قالت لي نصحيهم؟!قلت ليها لا لا بعد يصحو براهم آيات طلعت عاملة لينا صينية بتاعت بطاطس رهيبة عديل أكلت أكل خلصنا غسلت العدة قالت لي ماشة الكوفير يلا لبست وطلعت انا طوالي مشيت صليت العصر ونمت صحيت قريب المغرب لقيت مرام وأحمد صحو ختيت ليهم الأكل واتوشت وقعدت أراجع مع مرام ال ادوهم ليهو في الروضة لمن ايات جات شايلة معاها كيك وحلاوة مصاص لي أحمد ومرام المهم عدت الأيام في هدوء ونعمة والشغل بقى رهيب بس ال شئ الملاحظة ليهو انو البت ال بترسم بليل للناس بتكرهني اسمها عبير لاقيتها مرتين بس بس تحمر لي ساي م علينا منها البايرة
يتبع....
