قالت لي جدا في شقة قريبة لي مكان الشغل زاتو ارح نمشي ركبنا ومشينا لقينا بتاع العمارة راجل ملتزم كدا سألناه وكدا قلت ليهو طبعا راجلي مات وكدا اتسهل معانا كتير ونقص لينا شفنا الشقة ومشينا شفنا الكوفير م كان بعيد عن العمارة مسافة10دقايق بعد داك كلو زول قام علي محاور رجعت مبسووطةة بسطة أول م وصلنا مكان شفت عصام لقينا وااقف وزهجان قال لي يا استاذة وين كنتي؟!قلت ليهو مشيت أفتش شغل قال لي قافلة تلفونك ليه؟!قلت ليهو كدا بس م عايزة افتحو وم تفتكر انك عشان اديتنا شقتك ح تتحكم فينا وهسي نحنا طالعين منها مشيت الشقة لملمت حاجاتي كلها اخدت مني زمن ضايرت ليهو بيتو ونزلنا قلت ليهو برضو م ح ابقى نكارة شكرا والله وقفت معانا وقفة رجال بالجد بس م صاح اقعد بي بيتك بدون رابط شرعي عشان لا أجيب لي روحي ولا ليك الكلام وتاني لو سمحت م تجينا انا عارفة انو نيتك بيضاء بس الناس م بشوفو نيات الناس وربنا يسعدك يوفقك يا رب ويديك بت الحلال واديتو مفتاحو قال لي ممكن اوصلكم يعني؟!قلت ليهو لا لا بنركب ركشة م بعيد المكان وفعللا جات ركشة ركبنا ومشينا لقينا سيد العمارة تحت مدا لينا المفتاح عينو م رفعها لي ال شي ال م كنت ملاحظة ليهو أنو عصام كان متابعنا وعرف البيت دخلنا الشقة كانت عادية يعني بس شوية واسعة أول شي صليت صلاة شكر حسيت انو يداب بقت تتفتح في وشي سوينا الغداء أكلنا ونومة واحدة م صحينا الا قبل العشاء بي شوية صلينا وتاني نمنا
يتبع..
