عايزة سند عايزة راجل م بقدر والله علي كل دا م حجر انا م حجر كنت مشبسهة في عصام شديد وكأني خايفة يمشي حسيت علي روحي زحيت منو قال لي قومي جهزي حاجاتكم ح ارحلكم كنت عايزة اقوم بس هدومي مشرطهة عصام عاين لي لقاني بضاري روحي بي يديني فهمني طوالي قام جاب لي توبي قال لي بنتظر برة انا طلعي لي أحمد ومرام لبست التوب وغسلت وشي ومشيت فتحت الغرفة الحمدلله ال قفلتها إلا كان ح يجنو عديل اول م شافنو جوني جارين مسكوني وبكو زيارة قلت ليهو عمو عصام برا امشو ليهو رغم بكاهم ضحكو وجرو ضايرت كل حاجاتنا شلتها ونزلت لقيتو بلعب مع أحمد ومرام ختيت الحاجات وركبت ورا جسمي كلو واجعني من الضرب قال لي ح اوديك شقة كدا تقعدو فيها لغاية م نشوف ليكم حل هزيت رأسي م عندي فرصة ولا حل غيرو وصلنا عايزة انزل الحاجات قال لي خليها شالها هو ودخلها قال انتظريني هنا ساق مرام وأحمد مشا البقالة جاب لي موية وسفن اب قال لي تعالي قدام ركبت معاهو قال لي أول شي ضربك كيف؟حصل شنو؟ طوالي حكيت ليهو وكأني منتظرة زول يسالني ويهتم بي بعد خلصت ودموعي زاتها خلصت قال لي الحمدلله م قرب عليك ولا لمسك خلاص الموضوع دا منتهي انا ح اتصرف وكويس انك قفلتي أحمد ومرام ابتسمت ليهو بألم كدا شاف في جرحة كابة دم كان ضربني ليها وليد زمان وقفلت لكن بالضررب تاني فتحت دمها كان كتير عصام لمن شافها قرب يجن طوالي دور العربية وعلي اقرب مركز نضفو لي جروحي وربطوها لي بي شاش دا كلو وأحمد ومرام في الشقة قلت لي عصام بي سرعة جنونية ارح الشقة يااخ أولادي براهم قال لي م بجيهم شي أن شاء الله الشقهة آمنه قلت ليهو هي حقت منو؟!
يتبع...
