وانتي بي شطارتك ح تخليهو يجيك براهووو
قالت ليها انا استخرت كتير أمس اتوكل قالت لي هسي استخيري واتصلي عليهم قلت ليها مش ح يقولو شفقانة؟!قالت لي خليهم يقولو ياخ امشي امشي مشيت صليت واستخرت نادية براها ضربت لي طوالي رديت ليها قلت ليها موافقة قالت لي طيب رقم ابوك قلت ليها برسلو في رسالة قالت لي شوفي لو أهلك وافقو العرس ك يكون دور الليلة اوك؟قلت ليها طيب قفلت مني رسلت ليها رقم ابوي مدام سهى قالت لي عايني من بكرة م تجي انا ح اجيب ليك بت تحبسك في البيت قلت ليها ليه اتحبس؟قلنا عرس علي ورق بس غمزت لي قالت لي نو نو نو قلنا نبقى شااطرين😉ضحكت ليها خلصت دوام سقت اولادي ورجعت البيت العصرية كدا ناس امي جو قعدو يتناقشو معاي في العرس وم العرس هم اصلا عندهم فكرة عن عصام لأني حكيت ليهم أبوي قال لي أحمد ومرام عايزين عمو عصام مرام قالت ليهو اااااي عايزنو أبوي قال لي عايني ي بتي انا الليلة بستخير برضو وبنسأل عنو ونكلم اعمامك والأهل وأن شاء الله لو اتوفقنا الأحد نعمل ليك العقد أن شاء الله حصل كل شي زي رمشة عين في أسبوع ناس أبوي عندهم زول في الأمن سألوهم جاب ليهم معلومات كلمنا اهلنا مدام سهى جابت لي بت حبستني في غضون أسبوع بس حصل شي بسرعة رهيبة
أنا قاعدة وجمبي عصام في الكوشة ولابسة للجريتق(جونا يوم الخميس ومعاهم الشيلة والمال واي شي عرسنا كان مختصر عقد مع أذان العصر وجريتق في صالة وبس) خلص الجريتق كنت طالعة سمحة شديد بي سبب البت ال حبستني ومكياج ولبس عند مدادم سهى م قصرت معاي وخالتو سوسن طلعت بتبقى لي عصام وفرحت شديد بي العرس الجريتق كان بي ميادة قمر الدين كان ظريف وحلو بالنسبة للناس بس انا وعصام م كان لينا حلو كنا مبتمسين بالقوة خلص الجريتق طلعنا انا وعصام مشينا شقتو ال فوق بيت ناس امو(عصام امو ميتة وابوهو راجل كبير اختو نادية واحدة ساكنين تحت عصام بعد مرتو ماتت جا بنى فوق ناس ابوهو) دخلت الشقة لقيت فيها تلات غرف ومطبخ وهول في طقم جلوس وشاشة ومزين حلو بالصور والنجفان وفي حمام وفي بلكونة الشقة حلوة باختصار حتى ديكورها حلو وشكلو جديد الديكور المهم عصام قال لي تعالي فتح أول غرفة كان فيها سرير وشاشة ودولاب باللون البني قال لي دي غرفتي ووداني الغرفة التانية فيها سراير ودولاب حلو كدا وصندوق كبير شديد فيهو لعبات وتربيزة مزاكرة ظاهر أنها حقت اطفال قال لي دي حقت أولادي وأولادك واولادنا يعني م في شي اسمو أولادي واولادك تاني نعاملهم كانهم واحد اما الغرفة التالتة دي فيها تسريحة وسرير كبير قريب للدبل ومكتبة وكرسي كدا وحاجات المهم قال لي دي ليك ودخل لي فيها الشنط( لانو م ح نمشي شهر عسل ح يخلونا نقعد اسبوع في البيت برانا مرام وأحمد ح يقعدو مع ناس امي دعاء وعفراء ح يقعدو مع ناس ناظية تحت لغاية م يخلص الأسبوع ح نمشي نجيبهم)
عصام قال لي أظنك عارفة سبب عرسنا م في داعي اقولو شوفي يا بت الناس م تتدخلي في حياتي الخاصة يعني امشي مكان م امشي واتونس علي كيفي واطلع علي كيفي واجي علي كيفي اي شي علي كيفي وغرفتي م تدخليها الا انا ادخلك فهمتي قدام الناس ح نكون عاديين أوعدك م ح اضربك او كدا بس ابعدي عن حياتي خالص وحب كلام فارغ م معانا عايزة تتونسي معاي لمن اكون فاضي م عايزة بكفيك فهمتي؟انا اصلا م كنت قادرة ارد هزيت راسي بس قال لي اتفضلي ودخل غرفتو مشيت غرفتي قعدت ممحنهة بقيت م عارفة ح اقدر اعيش كدا ولا لأ قمت فتحت الشنط م لقيت ولا شي مناسب كلو مخشلع اتمحنت نسيت ادخل هدوم مستورة لأني كنت مخلومة بقيت م عارفة اعمل شي قلعت التوب والاسسكور والشبط بقيت قاعدة بي الفستان ال تحت التوب بس وفكيت شعري ختيت التوب في رأسي ومشيت الفستان كان محتشم دقيت الباب لي عصام فتح لي عاين لي كدا قلت ليهو صراحهة م لقيت شي البسو قال لي كيف قلت ليهو عديل كدا قال لي كل الشنط م فيها هدوم قلت ليهو فيها سكت كدا قال لي البسي اي شي بكرة بودبك تشتري ال عايزاهو رجعت الغرفة فتشت الشنط فتيش م لقيت الا شي كدا زي بجامة لكن فوق الركبة ولونو حرجلي وقميصو لونو ابيض مورد بي حرجلي بس فوق الصورة ومعاهد شبشب الريش داك باللون الابيض دخلت الحمام نسيت اشيل توب ولا عبااية الصلاة لبست وجيت طالعة فتشت التوب او العباية م لقيتهم اللبسة كانت فظيعة مع جسمي والحنة والدخان وشي تمام وشعري ربطتو فوق ضنب حصان فتحت الباب براحة عشان اشوف عصام في لقيت الهول فاضي كشفت كدا م لقيت ليهو أثر قلت خلاص امشي(غرفتي فاتحة في غرفة عصام وغرفة الشفع جمب غرفة عصام)طلعت بقيت ماشة بالسيسي زي الحرامي لمن وصلت غرفة عصام ختيت يدي علي قلبي بقيت بمشي براحة بس ختيت رجلي كدا عصام جا طالع اتجمدت انا عصام وقف كان مبحلق فيني انا م كان فيني حيل رجولي بردو عديل قعدت في الأرض
يتبع..
