المهم في يوم كدا جات مرة لابسه دهب لي رقبتها😂 وسمحهة معاها بتين نزلو اتكلمو مع مدام سهى بعد شوية جوني قالو لي عندنا عرس وعايزنك تجي معانا تعملي لينا حنة للناس ال هناك وكدا عاينت لي مدام سهى هزت لي رأسها بي أي وابتسمت طوالي مشيت معاهم بيتهم شي كدا أقسم بالله مبالغ فيه رسمت لي8نسوان ونستهم ونسه ضحكو ضحك المرة الكبيرة ديك قالت لي هاك دي7مليون لو كتيرة اعتبريها حق المشوار لو شوية ازيدك قلت ليها لا لا كويسه شكرا م بتقصري قالت لي اقعدي معانا احضري العرس قلت ليها اولادي في الروضة م بقدر معليش مرة تانية قالت لي خلاص معليش دقيقة انتظري هنا مشت جابت لي كيس فيهو صحانة اكل زي6صحانة وبارد وفالات وخبيز وكدا قالت لي مشكورة حبيبتي وبقت تكورك يا أحمد تعال وصلها أحمد جا ولد كدا لابس شورت كدا لمن شفتو لمن ضحكت فيهو رفع لي حاجب سكت طلعنا براا أول م ركبنا قال لي بتضحكي في الشورت مش؟!قلت ليهو أي قال لي امممممم م مشكلة كويس سكت منو وصلني الكوفير قلت ليهو شكرا ليك قال لي العفو ياخ نزلت كلمت مش سهى واديتها صحن وحلاوة وخبيز وكلمتها بالقروش قالت لي حلال عليك قلت ليها انتي م ح تشيلي نسبة؟قلت لي اعتبريها هدية قلت ليها انتي ملاك ربنا يسعدك ويوفقك❤الظهر جا رجعنا البيت قعدنا شوية آيات جات حكيت ليها قالت لي حلال عليك قلت ليها عشان كدا عازمااكم اسكريم بعدين قالت لي جد؟Yeees ضحكت فيها المغرب كدا آيات عملت لي ميك ظريف اتلبسنا ومشينا مكان قريب للكوفير بس م شديد المهم أكلنا الآيسكريم ورجعنا أحمد ومرام مبسوووطين بسطهة...
في يوم كدا ضربت لي مدام سهى المغرب كدا قالت لي تعالي الكوفير عشان في ناس قالو عايزين يرسمو ليهم قلت ليها ما في عبير قالت لي لا لا طلبوك بالاسم قلت ليهو شوية وأكون معاكم صراحهة كدا قلبي اتقبض م عارفة لييه المهم سوقت أحمد ومرام ومشيت
يتبع...
