نزلنا لي فندق من التعب نمنا طوالي تاني يوم جانا صحبو عندو عربية ركبنا معاهو واتحركنا علي المستشفى بعد فحوصات وجري وتلتلة وعذاب حتى دخلنا علي الدكتور شاف الورق وقال لينا( بصو يا جماعة لازمها عملية تركيب قوقعة العملية دي نسبة نجاحها ضعيفة اووي علشان انتو مش استعجلتو فيها دا انتو اتأخرتو اوي انحنا ح نقوم بالمطلوب م تخوفش وسيبو الباقي علي ربنا)
قلت ليهو دكتور نسبة نجاحها كم في المية
قال لي(مش ح اكدب عليكي نسبة نجاحها16/)
قلت ليهو بببس 16/؟؟قال لي (أيوة يا مدام)
عاينت لي عصام بخوف عصام قال ليهو طيب ح تتعمل متين؟ الدكتور قال ليهو(العملية دي ه تتعمل بكرة ااذا مش عندكو مشكلة يعني؟)
عصام قال ليهو لا م في مشكلة الدكتور طلع ورقة كدا قال لينا(خدو وقعو علي دول الأوراق كدا مش لينا دخل بلي ه يحصل بعد العملية)عصام شاء الورقة قرأها حتى وقع رجعنا البيت كنا في قمة الخوف م كان فينا زول بتكلم انا صليت ودعيت كتير مشيت لقيت عصام سرحان قعدت جمبو ومشيت يدي علي راسو قلت ليهو صلي وادعي ليها عصام قام بتكاسل صلى وشكلو بكى لمن جا يدعي من العصر صومنا عفراء والليل كلو م نمنا انا وعصام الصباح كنا خايفين خوف مشينا المستشفى دفعنا الرسوم شالو عفراء لبسوها ومشو قعدنا في الاستقبال اتصلو علينا ناس السودان طمناهم بس قعدنا مرة ساعة وساعتين وأربعة ساعات الدكاترة م طلعو انا خلاص قلبي وقف بقيت متوترة توتر بعد شوية كدا جو طالعين بيها في النقالة وجارين أنا من شفتها حيلي برد والكلام غلبني كان مغطنها بقيت بعاين ليهم بس اما عصام حالتو كانت اكعب بعد شوية جا طالع دكتور من الغرفة قمنا جرينا عليهو جري قال لينا والله البيشن تعبت وح ندخلها في العناية المركزة وفات مننا دخولها العناية لغاية بليل م طلعوها انا وعصام رجعنا الشقة أول م دخلنا عصام ضماني وقعد يبكي بكا بكا وانا بكيت معاهو نمنا في مكانا داك تاني يوم الصباح مشينا المستشفى قالو لينا انحسنت وح يطلعوا بكرة لي غرفة عادية اتصلنا علي ناس السودان كلمنهاهم بهناك قلبو بيت بكا انا وعصام شوية كدا اعصابنا هدت قاعدين انا وهو جات مرة مصرية كبيرة كدا قالت لي يا صلاة النبي يا صلاة ايه الحلاوة دي يا جماعة عاينت لي عصام قال ليهو هي مراتك دي حلوة كدا ازاي!!؟عصام ضحك معاها قالت لينا باين عليكو عيشتو اجمل قصة حب دخلت في ظفوري انا قلت ليها لا لا والله هي قصدي انتي جميلة يا ستي المرة نادت ليها بت كدا قالت ليها تعالي يا دنيا شوفي عصافير الحب دول بتها جات لابسه داك يا البنطلون وفاكة الشعر والنظارة قالت ليها يا ماما هو انتي لازم تفضحينا كدا ادام(قدام) الناس يا ماما ارجوك بطلي ال انتي بتعملي فيه ما امها قالت ليهو بعمل ايه قوليلي؟عملت حاجة وحشة اصل دول عجبوني جدا عصام عاين لي بتها قال لي أمك دي قشطة خليها البت قالت ليهو طيب مين الأحلى انا ولا مامتي وضحكت كدا عاينت ليها باستتهتار كدا عصام قال ليها مامتك طبعا قلت ليهو طير جبهتك عديل قالت لي ايه بتقولي حاجة!قلت ليها سلامتك عصام اتفقع بالضحك امها قالت لينا انا بحب السودان اوي وبحب السودانيين جدا وحبيتهم اكتر لما طلعو علي الرئيس بتاعهم وم خافوش منو هو البشير دي زي السيسي بالظبط(المرة المخرفة دي عايزة تجيب لي الهواء)
عصام قال ليها كل طاغية عندو نهاية الشئ ال لاحظت ليهو دنيا دي عصام عجبها علي الآخر انداحت المصرية دي مسكت يد عصام قلت ليهو يلا ي حبيبي عشان انا جعت عن أذنكم وقومتو بالقوة عصام قال لي يلا ي منو؟ قلت ليهو م تصدق اصلا شايفة دنيا بتعاين ليك شديد عشان كدا عصام قال لي اممممممم غيرة وكدا خبطتو في ظهرو
تاني يوم طلعو عفراء غرفة عادية حيلها كان ميت شديد وفترانة نايمة اليوم كلو تاني يوم حتى صحت قلت ليها عفراء أتلفت علي عصام قال ليها عفراء أتلفت عليهو جري علي الدكتور جا قعد جنبها قال ليها سامعانا؟هزت ليهو رأسها قال ليها قولي ماما عفراء قالت ليهو مام مام وسكتت(اصلا هي م كانت بكمى كلو كلو كانت زي الطرش العاديين ديل ال بنيصو ديل)
الدكتور قال لينا ميوزك تقدرو تعلموهاش الكلام من اول جديد وطلع جريت علي عصام قلت ليهو بقت عادية وهوب نطيت فيهو ضماني وبقى لافي بي
قعدنا في المستشفى 3ايام حتى طلعونا البيت قالو م تسافر إلا بعد تتم15يوم قعدنا15يوم دي فسح بس ومشينا شرم الشيخ واتفسسسحنا وشلنا هدايا ولبسات وحاجات كنت ملاحظة لي عصام بدأ يميل لي حسيت بي كدا سافرنا السودان وعملنا كرامه كبيرة لي عفراء وبقينا نعلمها الكلام من اول
ف يوم كدا كنت قاعدة في المطبخ سامعة عصام بقول دعوية قايلاهو بتكلم معاي انا طلعت لقيتو شايل بتو ومبتسم ابتسامه خباثة قال ليها دعوية انا بحبك يلا جيبي بوسة عملت نفسي ما سامعاهو دخلت غرفتي وطبعا نبذتو عصام بقى يستخدم لي الاسلوب دا كتير بتغزل في بتو دعاء ولازم يحشر كلمة دعوية في الجملة لانها بتوترني شديد بقول ليها دعوية انتي قلبي وشي دعوية انتي ستهم ودعويتي وشنو
يتبع.
