صحيت علي صوت بتاع العربيهة قال لي وصلنا انزلو صحيت مرام واحمد نزلت الشنط ومديت ليهو مية جنيه عاين لي كدا وقال لي لالا م بينا قلت لييهو شككرا يا اخوي ربنا يديك بت الحلال ان شاء الله الله يديك العافية يا رب شكرا م قصرت كانت الساعة ماشهة علي 2صباحا مسكت اولادي عشان نقطع الزلط احمد اتفكا مني وجري الزلط كان فاضي بس فجاة كدا جات عربيهة طايرة طيرران انا لحظتها اتجمدت العربية طقشت احمد لغاية ما طار عدييل انا م قدرت اصرخ حتى بقيت بعاين لي احمد الطار وجا واقع زي الجثهة والدم والناس الحولينو رجولي م شالتني قعدت عايزة اصرخ وابكي لكن م عارفة صوتي مشا وين عايزة أمشي اشيل ولدي لكن م عندي حيل رجولي ماتو حبيت حبى عشان اوصلو لقيتو مغطنو؟ طرخهة طرخت واحده وقلت فيها لاااااا احمد لااااا انا عايزاك تكبر وتريحني احمد يا ولدي ققوووم احمد انا منتظراك تشيل عني الحمل يا احمد عايزة اشوفك خريج هندسهة قوم يا احمد ققوم شويهة كدا جات الاسعاف خمونا انا واحمد ومرام م عارفة الحاصل عليها شنوو 5دقايق وصلنا المستشفى دخلو احمد سرعهة عمليات مستعجلة الناس الجو معانا كلو زول ختا لي قروش في يدي لا عرفت ابكي لا اضحك القروش كانت زي 2 مليون تقريبا بس برضو م بتعمل شي الناس ال جو معانا بدو يرجعو شويهة شوية كدا كلهم مشو بقيت انا ومرام احمد في العملية لغاية الصباح بعد الاذان طلعوه شفتو شالينو بالنقالة يا ربي مات؟يا ربي حصل شنو؟جريت عليهو زحوني منو لغاية م ودو العناية جاتني السستر قالت لي ادفعي قروش العناية اليوم بي 5مليون قلت ليهو شنووو 5 ملييون اجيبها من وين كل ال معاي 2 قالت لي م عارفة بس العناية اليوم 5 ولا نطلعك وولدك حالتو خطرة علي فكرة انا م مسؤلة عن القروش بس حبيت اكلمك عشان تكوني علي علم وهناك الحسابات ومشت ختيت يدي علي راسي وقعدت في الارض دي شنو المصايب دي في شنو يا ربي؟مالي انا عملت شنوو؟ليه اتعذب كدا؟استغفر الله كدي اقوم اصلي قمت من مكاني امشي اصلي واجي م انتبهت لي مرام زاتها مشت وين مشيت الجامع صليت سجدت سجدهة طوويلة دعيت دعيت انتهيت من الصلاة اتلفت اشوف مرام لقيتها ماف سجمي وينها البت دي قمت سرعة رجعت المستفشى افتش فيها زي المجنونهة وابكي ولدي عامل حادث واحتمال م يبقي كويس وبتي راايحة يا رب دا شنو؟ياخ م بقدر استحمل دا كلو؟عايزة ارتاح انا؟تعبت تعبت فشت مرام لمن زهجت م لقيتها قعدت في الارض جمب الاستقبال وبقيت بفكر يا ربي سرققوها؟خطفوها؟هربت؟مالا؟ووينها؟اي زول بجي ماشي جمبي بفتكرني مجنونهة غمضت عيوني افكر في مرام ولا في احمد وقروشو ولا شنو واخلي شنو؟سمعت صوت ضحك شفع كدا فتحت عيوني لقيتها مرام معها شافعة كدا شفتها دموعي جرو زي المطرة هي م كانت شايفاني لمن انتبهت لي فكت البت وجاتني جارية قعدت تعاين لي بخلعهة قالت لي ماما انتي مش قلتي تاني م ح تبكي لانو وليد مشا؟مالك هسي؟وواحمد وينو؟كنت بعاين ليها ودموعي جارين مسكتها ضميتها علي او بالاصح خليتها تضمني هي يعني انا رقدت في صدرها وبقيت ببكي هي كانت بتمسح لي علي راسي م عندي حضن غيرهم مرام قالت لي ماما هاك زحيت منها طلعت لي باقي سندوتش من جيبها قالت لي عمو داك اشرت لي علي راجل عمرو بكون36 كدا الشيب في راسو مديهو هيبة كدا هو زاتو جنتل وطويل لونو كدا بين اسمر وابيض جذاب كدا وماسك البت ال كانت مع مرام عاينت ليهو وزحيت عيوني طوالي مرام قالت لي عمو اشتري لي سندوتش وبارد وكيك اكلتهم وخليت ليك دا و م خليت ليك في الكيكهة عشان كانت حلوة وخت يديها في خشمها وقعدت تضحك قمت من مكاني مشيت عليهو قلت ليهو اا شكرا كنت خجلانهة ولا شنو م بعرف المهم نظراتو كانت حادهة شكلو زول جادي شديد بتو كانت سمحهة صغيرة كدا قدر مرام عاينت ليها قالت ليها تعالي يا حلوة خافت مني مسكت ابوها ابوها قال ليها امشي ليها زي ماما اترددت كدا حتى جاتني شلتها ضميتها علي مسافة بوستها في راسها ونزلتها كانت بتعاين لي ببراءة كدا مكست يدي وقالت لي زي ماما انتي وضحكت مرام كانت صاارة عرفتها غارت قلت ليها تعالي يا مرامي اشيلك قالت لي لا انا م بتك بت عمو بس ومشت للراجل ال كان واقف ومبسووط قالت ليهو عممو انت اسمك منو؟قال ليها اسمي عصام انا ابتسمت ليهم قلت ليها طيب ح اشيل بتي الحلوة اسمك منو يا شاطرة قالت لي اسمي دعاء قلت ليهو واااحلااتي اسمك زي اسمي يلا يا دعويتي تعالي احكي ليك القصة دي قبل م تشيلها جات السستر قالت لي انتي ام أحمد قلت ليها أي قالت لي عايزين الحاجات دي ضروري قلت ليها هسي دي؟قالت لي طبعا قلت ليها بي كم عندك فكرة؟قالت لي م أقل من مليون قلت ليها مليون!!يعني ضروري هسي قالت لي انتي م بتفهمي ضروري قلت وولدك في العناية يعني أقل شي ممكن يموت عرفتي؟؟
يتبع...
