آيات خطبها سعيد وعايشن سمنه علي عسل
سهيل بقت عيانة وودوها التجاني
عبير اتقبضت في جريمة سرقة وسجنوها
مدام سهى كبرت محلها بقى عمارة فيهو كل شي وزومبا وتلبيس عرائس وكلو بعد مرور سنيين:-
عصام واقف وبتزهج كورك لي يا دعاااء سرعة انتي عمرك م م تتغيري اطلعي سرعة الاولاد ح يزعلوو ياخ وخصوصا الليلة التخريج (ايون الليلة تخريج أحمد من كلية الهندسة)قلت ليهو جيت جيت وطلعت لابسه توب كحلي وعاملة ميك حلو وعصام لابس بدلة كحلية أول م شافاني سكت ساي جا علي قال لي انتي م بتبقى شينة ليه؟!ضحكت ليهو قال لي كلو م تكبري بتحلوي اكتر❤قلت ليهو ياخي 🙈قال لي وكل م اشوفك قلبي بدق كانو أول مرة اشوفك انتي علمتي فيني شنو؟!قلت ليهو تعويذة ومشيت ركبت العربية جا راكب مسك يدي باسها حتى اتحركنا مشينا علي مكان التخريج لقينا مرام ودعاء وعفراء وايمن ونادية والجماعة الباقين حتى آيات ومدام سهى كلهم التخريج بدا ووزعو الشهادات لمن جا دور أحمد مسك المايك قال بسم الله الرحمن الرحيم عن اذنكم عندي كلمة تعالي يا ست الحبايب واشر علي مشيت ليهو في المسرح وقفت جمبو قام قارن بين طولو وطولي قال ليي بقيت أطول منك يا حاجهة ورفع كتوفو الناس كلها قررر ضحكو فيهو قال ليهم دي م امي دي الحياة كلها أبوي مات عمري كان سنتين امي من الزمن داك بقت امي واختي وحبيبتي وصحبتي وصحبي وابوي يا جماعة كل شي م كنت محتاج صاحب لانو امي صاحبي ولا محتاج صحبة امي صحبتي ولا حبيبة امي حبيبتي كل شي انا فعلا قاصد بيها كل شي مرة كان عملت حادث سمعت امي بتقول لي يا ولدي عايزاك تتخرج من هندسة انا لحظتها م كنت عارف هندسة دي شنو بس عارف شي واحد انو امي عايزاني اتخرج من هندسة وانا لازم اتخرج من هندسة انا لو الكون دا كلوووو بقى حقي واديتو لي امي هدية م بوفيها ولا ربع ال عملتو لي انا لي هسي دعوتي الثابتة في كل صلاة انو الله يطول عمرها وتسعد وم تشقى في حياتها وم تموت قبلينا لانو متأكد أنو انحنا ح نموت وراها طوالي قلت ليهو احمد ياخ بطل كلام فارغ قال لي والله جد فكرك ح نقدر نعيش بدونك؟!المهم تعالو يا مرام جات مرام ومعاها عفراء ودعاء يتبكو ساي وشايلين حاجات كدا مرام قالت لي امي انا ح اديك شعار أفضل ام في العالم ادتني شي كدا شكل قلب فيهو كلام ومكتوب أفضل ام في العالم انا غايتو دموعي براهم جرو دعاء وعفراء قالو لي وانحنا ح نديك دا طلعو لي طقم دهب فخم عديل أحمد قال لي وانا ح اديك دي وطلع لي تذكرتين سفر(عمرة)قلت ليهو وانا ببكي زي الشافعة انتو سرقتو القروش ولا شنو؟!عصام فجأة نطا قال لي كلهم اشتغلو عشان يجيبو قروش وخصوصا أحمد دا قلت ليهو أحمد انا بديك القروش رفض قال عايز يسفرك بي قرووشو ابي اني اساعدو عاينت لي أحمد غمز لي ضميتهم كلهم لمن جا دور أحمد مسكتو ساعهة انا ببكي وهو يسكت فيني أما الناس كلهم يصفرو ويضحكو ويكوركو ويصفقو ويقولو(الأم المثالييهة-الأم المثالية)(التحية لي كل واحدة لحنتها)أحمد قال برضو كل الحب من القلب لي عم عصام او أبوي عاصم هو م ابوي راجل امي لكن ابونا الوجداني وحقيقة نحنا بنحبو وبنحترمو بس معليش يا أبوي م قدرت أجمع قروش واسفرك معانا الناس دي كلها تضحك عصام قال ليهو أبو حميد انا اصلا قطعت تذكرة لي وللبنات م بخلي مرتي تمشي معاك براها بخاف عليها أحمد طوالي فكا الصفيرة وعفراء طوالي زغردت أنا مت من الخجل لمن خلاص كنا راجعين أحمد قال لي شوفتي يا أمي العميد حقنا صغير كيف بفتش في عروس رأيك شنو نطلقك من ابوي لانو كبر وبقى خردة ساي و نعرس ليك داك وتعيشي شبابك عاينت لي عصام لقيتو زعلان وادى أحمد بنية حضنت يد عصام قوي قلت ليهو بس عصوم دا بالنسبة لي أحسن وأصغر واجمل راجل وم ببدلووو بالدنيا تاني عفراء فكت زغروتة قلت ليهو تاني لو زغردتي ح ابيتك في الشارع عفراء عاينت كدا بنظرة البراءة ديك و قالت لي اييوي بصوت واططي كدا نظام خافت كلنا ضحكنا عليها هشام همس لي (كل ما الريح تتطارد الموج💕 أزيد إصرار وأحلف بيك❤ وأغير سكه التيار واقول يا انتي يا اغرق💚 وتلوح لي مدن عينك💕
بريدك يا الحيللوة❤)
#The_End
الغرض من الكلام دا شنو انو م اي حب حقيقي وأهلك لو شنو داك م تبدليهم بي شي مهما كان
وحبو صاح عشان م تتعذبو وسبب تسمية الرواية دي النجوم لا تنطفئ انو نحنا البنات زي النجوم م مفروض ننطفى مفروض من كل تجربة نطلع أقوى زي دعاء دي المرت بيهو م ساهل بس صبرت وشوفو نهاية صبرها لقت الراجل ال ح يقدرها
طبعا الرواية فيها أخطاء وفيها نواقص بعتذر عنها بس دا القدرت عليهو😅😅😅في النهاية شكرا ليكم كتير
#كل_الحب
#ابقو_طيبين
#بطبعي_هادئة
