قلت ليها عندك مكان تبيتي فيهو؟سكت ساي تاني عدت ليها السؤال قالت لي الله كريم بشوف وطلعت لحقتها قلت ليها تعالي اقعدي معاي الليلة اصلا براي انا راجلي ميت قالت لي اها افكر براحه واجيك قلت ليها اخدي راحتك وطلعت مدام سهى قالت لي عايزين لينا واحدة بتعرف ترسم عشاان تشتغل عصرية لأنك من الساعة1 ونص ح تطلعي صح؟قلت ليها اي عشان أولادي قالت لي خلاص ح أعمل إعلان في الفيس قلت ليها طيب قعدنا نتونس جو نسوان قالو عايزين رسم رسمت ليهم برضو طلع الرسم ظريف شالو رقمي وفاتو البت الجامعية ديك جاتني راجعة قالت لي خلاص ببيت معاك الليلة لمن اشوف لي مكان قلت ليها حبابك صلينا الظهر وطلعت جبت أولادي ورجعت الكوفير قعدت لغاية واحدة ونص سوقت البت وطلعنا علي البيت البت كانت خايفة مني متوترة عديل فاكراني ح أعمل ليها شي ولا كدا لمن وصلنا الشقة لقيت عربية واقفة تشبه حقت عصام سمعت صوت من وراي قال لي أهلا أهلا اتلفت لقيتو عصام اتخلع في وشي عشان الميك بقى بعاين لي بس قال لي اهاا خليتي الشقة حقتي عشان تجي تعملي ال عايزاها وم في زول يشوفك مش؟تطلعي وقت م تحبي وتنزلي وقت م تحبي صح؟عشان م معاك راجل عايزة تبقى مطلوقة؟!صراحه انصدمت فيهو صدمة البت(ايات)عاينت لينا باستغراب كدا وقالت لي عصام هي اسمع هنا البت دي أشرف منك فاهم والميكاج ال في وشها لانو انا عم...قبل م تم قلت ليها هس اسكتي اسكتي ارح نطلع ركبنا وانا خلاص عايزة أبكي بعد طلعنا م لقيت مرام واحمد نزلت تاني لقيتهم مع عصام صرخت عليهم قلت ليهو انتو بتعملو في شنو؟ليه م جيتو وراي وقرصت كل واحد في اضانو صراحه اتفشيت فيهم كلام عصام مرام طوالي بكت أحمد شافها قعد يبكي لمن شفتهم انا زاتي بكيت ومسكتهم وعايزة أطلع عصام قال لي طلعيهم وتعالي لي عايزاك لو م جبتي ح أطلع ليك فوق وبراك عارفة كلام الناس معاها راجل غريب وشنو وشنو؟ركبت وانا خايفة م نزلت ليهو تاني سمعت صوت بقول يااااا فتحت الشباك لقيتو عصام أشر لي انو ح يطلع طوالي جري نزلت ليهو قفلت باب الشقة كنت خايفة علي أولادي برضو وخايفة علي روحي أول م مشيت ليهو قال لي تعالي نقعد هناك مشيت وراهو زي الهبلة قعدنا في مصطبة بقى يسأل فيني عاملة كيف ومرام وأحمد عاملين كيف وشغالة شنو كنت بختصرو بعد خلص أسألتو قال لي معليش علي كلام قبيل بس في واحد شافك وقال فيك كلام كعب وانا م رضيت عشان كدا م تعملي شي في وشك قلت ليهو شكرا عايزة امشي عشان أولادي قال لي اتفضلي بس هاك دا أول اداني كيس فيهو حاجات أطفال كدا لعبات وحلاوة شلتو بعد تردد قلت ليهو شكرا تاني م تجينا ومشيت فوق
يتبع...
