زعل شديد ولزاني من قدامو وبقى بطرشق في البالونات بي رجولو انا وقفت بعيد بعاين ليهو وببكي بس حسيت نفسي غبية عديل وراسي كان واجعني من الضربة قال لي م تفتكري انك لو عملتي كدا ك احبك م رديت عليهو بس جريت دخلت غرفتي بكيت زين قلت هي بدل أتعب روحي م أشتغل بيهو بعد م الشفع جو طلعت لقيتو قاعد في الهول م استغلت بيهو دخلت المطبخ اعمل ليهم الأكل جا قال لي دعاء أنا...قلت ليها معليش انا م كنت عايزاك تحبني كنت عايزة اغير ليك جو بس الظاهر اني غلطت شلت الأكل لمن جيت طالعة قلت ليهو اسمعني م ح اقدر أطلع معاك باقي الطلعات ويوم الجمعة ح أعمل ليك الاكل بس م ح اقعد لمن يجو ح امشي شقتي وح انزل الشغل من بكرة ومشيت باقي اليوم اتفاديتو كل م يجي يتكلم معاي بمشي اخليهو وفعلا نزلت الشغل مدام سهى استغربت حكيت ليها فهم العرس وشنو فقالت لي أوف منك قلنا ح نخليهو يحبنا صح قلت ليها م عايزة منو شي قلت لي دعاء رأسك قوي خلاص المهم تميت يومي ورجعت فتح لي هو قال لي دعاء أنا مشيت ولا اشتغلت بيهو مسكني من يدي بقوة قال لي عشان بزل ليك روحي مش قللت ليهو م قلت ليك زل روحك وفكني اتفكيت منو ومشيت
تاني يوم م مشيت الشغل وللصدفة الكعبة جاتني سهيل قالت عايزة تعتذر لي قعدت اتونست معاي كتير لمن جات تتطلع قالت لي م ح تقدميني طلعت أقدمها لقيت في باب الشقة في شي مكشوح زي دقيق اتسغربت عفصتو ومشيت قلت بعد أقدمها اجي اخمو قدمتها وخميتو ومشيت قعدت احضر شالتني نومة صحيت بصوت ناس عصام فتحت عاينت كدا لقيت في ثعابين كتار جااين علي بقيت بكورك وواااي الثعباان واجري واكورك عصام مسكني انا باشر ليهو علي مكان الثعبان وهو بقول لي مافي شي ي بت م في شي والله روقي بس اديتو خبتة وقمت جارية واكورك تاني عصام مسكني بقى يهدي فيني شالني رقدني في غرفتي تاني نمت صحيت لقيت في عقرب كببببير جمبي نطيت من السرير وجري لي عصام دقيت ليهو الباب بي قوة اول م فتح لي اتدسيت وراهوو وبقول ليهو العقرب العقرب راقد جمبي عصام مسكني ومشا معاي الغرفة م لقى شي قعدت في الارض وأبكي قلت ليهو والله شفتو والله ح يعضيني شفتو بعيوني انا وأبكي شوية كدا بقيت اتحكى شديد وخربوا جسمي كلو واقول عضاني عضاني واجرجر شعري واجرح جسمي عصام لبسني عباية وجري نزلني قال لي نادية خلي بالك من الشفع ووداني المستشفى وضرب لي اخواني لحقونا هناك انا م هديت كلو كلو اتحكحك واضرب نفسي في المستشفى يقعدوني للحقنة اضرب ليك الدكتور وأقوم جارية تاني يجيبوني تاني اتفكا بعد تعب ادوني حقنة مهدئة رقدت نمت كم ساعة تاني قمت علي الكواريك في سستر كدا قالت لي دا شغل مس ودوها لي الشيخ الفلاني طوالي ساقوني لقيناهو زحمة لمن جا دوري ودخلت الشيخ من قال احم أنا بديت أرقص وانطط أجري هناك وأقوم وأقعد واحرك راسي الشيخ ماسك خرطوش ومصحف تعبت تعب وعرقت عريق رقدت في الأرض وهديت شويةة الشيخ قال ليهم تعالو شيلوها عصام شالني فتحت قلت ليهو عصام قال لي عيونو💙 سكت منو وغمضت الشيخ قال ليهم عندها مس م بطلع بي سهولة إلا تاخد جلسات تانية وكدا وهسي دا عسل نحل اصلي ادوها منو علي الريق بالصباح شالو العسل وطلعنا عصام رجعنا البيت عصام رقدني في غرفتو عايز بمشي مسكتو قلت ليهو خليك معاي قال لي حااضر قعد جمبي بقى يعلب بي شعري لغاية م نمت صحاني قال لي الغداء قمت اول اتغديت واتوشت جيت أصلي غلبني قعدت ابكي عصام جا لقاني ببكي قال لي شنو قللت ليهو م قادرة أصلي قعد جنبي في الأرض ومدا رجولو كدا ومسك رأسي ختاهو في حجرو كدا ووبقى بهدي فيني قال لي الصباح حصل شنو قلت ليهو سهيل جات بس قال لي م لاحظتي شي غريب قلت ليهو لا قال لي اتذكري قلت ليهو في شي كان مكشوح برا زي الدقيق خميتو بس قال لي ايوا خلاص قام وشالني رقدني في سريرو بقى يقرأ لي قران كنت متضايقة قلت ليهو اسكت خلاص وغمضت كدا نومت تاني صحيت نص الليل لقيت نفسي في حضن عصام اتلفت كدااا وتاني اتشبست فيهو ونمت م صحيت الا بصوت عصام بقول لي الفطور قمت مخلوعة جريت الحمام وعملت حاجاتي شربت العسل حاولت اصلي م قدرت قعدت وانا زهجانة فطرت عايزة اشيل الصينية بقيت بتكرش شديد تاني وشايفة لي الفيران جاية علي والدود برضو بقيت بصرخ وببكي واتجاارى عصام برضو خماني ووداني للشيخ لانو حالتي كانت كعبة دخلوني طوالي المرة دي الشيخ من بدا يقرأ لي مشيت كنت عايزة اخنقو الا عصام مكسني منو صوتي بدأ يتغير وكنت مغمضة الشيخ بقرا والشيطان بدأ يتكلم بي لساني(انا م بطلع منها الليلة هي احسن مني في شنو عشان يعرسها مالها يعني المققطعة الشحادة انا عملت ليها العمل وكبيتو ليها في بابها)الشيخ بدأ يضربني بالخرطوش الشيطان(بقد ليها عيونها بقدهم ليها)الشيخ يقرا في القرآن وانا اصرخ وهو يزيد صوتو وانا اتجنن شوية كدا حسيت حيلي برد قعدت كدا في الأرض رقدت زي النمت م صحيت الا في البيت بصوت مرام فتحت لقيتهم كلهم واقفين فيني حتى امي وآيات ومدام سهى قلبو البيت بيت بكا
يتبع...
