Just A Kiss

Chapter 6: Lily

*Jolie Lopez*

Ako nga pala si Jolie Lopez. Simple lang naman ako. Pero habang tumatagal ay natutunan kong mag ayos sa sarili upang walang masabi ang iba sa akin.

Naalala ko pa nung nasa middle school ako ay ayaw ko ng pumasok. At dahil iyon sa mga taong nam-bbully sa akin. Kasalanan ko bang bata pa lang ako ay mabilis ang pag usbong ng breast ko?

Masayahin ako, at madaming kaibigan. Pero habang napapansin ng iba, especially the boys ang dibdib ko ay naging kantyawan na ako sa school.

Yung ibang lalaki ay nakikita mong humahanga, pero meron din naman ang mga tingin ay pambabastos. Minsan hindi pa sila nakontento ay nagiging vocal din sila.

Hinahayaan ko lang sila. Hanggat kaya ko ay ngini-ngitian ko lang sila, hoping that they would just get tired and leave me alone.

But I guess it wasn’t that easy. Dahil maging ang mga close friends ko na kababaihan ay iniiwasan na din ako.

Hindi ko alam kung bakit. Pero isa lang ang sure ko. Dahil yun sa dibdib ko. Yun ang hindi ko matanggap. Dahil sila na mga kaibigan ko dati ay kung anu-ano na ngayon ang sinasabi sa akin.

Na kesyo nilalandi ko daw yung mga boys kaya sila ng kakagusto sa akin. At yung iba naman ay tinatawag akong freak. Minsan nga pinag-kamalan pa nila akong hummergirl at hindi na daw virgin kaya matured na ang katawan ko.

Suko na ako. Hindi ko na sila pinansin. Pero hindi pa din nawala sa isip ko na umasang mag babago ang lahat. At hindi nga ako ng kamali. Chase saved me from all of this misfortune...

Nasa last year na namin yun sa middle school. Uwian. At ako yung class representative kaya naman bago ako umuuwi ay I'll make sure that the classroom is clean and in its proper place.

Tapos ko na ayusin yung mga upuan. At tanging ang blackboard naman ang dapat kong linisin. Habang ng bubura ako ay may mga klasmate akong bumalik sa room para may kunin na gamit siguro nila.

Nung nasa part na ako na mataas, hindi ko maabot kaya naman ay tumatalon ako.

"Woow! Sige pa Jolie, talon ka pa ng ganyan." isa sa mga classmate kong bumalik ang ng sabi. Napatigil ako at na-conscious.

"Oh. It just keeps bouncing. How disgusting." sabi pa nung isa kong classmate na fil-am.