TIKATIK SA TAG-ARAW

70 2 0

ni lemonsabio

ni lemonsabio

Mula sa estilo ni Dylan Thomas

I
   Nang ang bagyo ay lumayo
Nang iwan ng ulan ang isang bahagi
   Makulimlim paligid nito
   Kundiman
Wari'y tugtuging
Bumabalot ang lamig sa buong balat
Hanggang manuot sa mga kasukasuan
Gaya ng tali
   Humigit
   Sa katawan ang kalamigan.

II
   Nang ang araw ay sumilip na
Bahaghari nama'y tumambad sa lambak
   Magbibigay rin ng pag-asa
   Sa lahat
Maging sinoma'y
Mabighani sa arko ng pitong kulay
Kumakaway ibat ibang uring sinag
Sa kaninoma'y
   Hikayat
   Sa bawat bibig, mangingiti.

III
   Nang silahis biglang sumibat
Lumagos sa hibla nitong tubig-ulan
   Lumikhang pangkat ng mga kulay
   Kumulog
Badyang tapos na
Pagbuhoss ng ulan, tuluyang nagwakas
Panibagong bukas ngayo'y nahahanda
Kasiyahan di'y
   Kumalat
Sa paligid ng kakahuyan

IV
   Nang kumalat buong liwanag
Yumakap tubig-baha sa mga ulap
   Gumapang sa bawat lansangan
   Umagos
Tinakpa'y kalye
Lumangoy ang mga basurang alaala
Sanhi'y nakaraan ng mga buhay
Alintana ri'y
   Sumabit
   Sa mga tuyuang pilikmata

V
   Nang maiwan buong tikatik
Pumatok mga pinong kristal nang marahan
   Nagdulot ng kinang patalsik
   Gumapang
Sa pisnging humpak
Bumagsak sa maputlang mga tuyong labi
Natikma'y kapaitan ng mga lumipas
Sa buong araw
   Tikatik
   Sa tag-araw ay may tikatik

Barangay Tinajeros
Lungsod ng Malabon