"مرات كتيرة نحنا بنختار الخيار الغلط وبعدين بننساهو،،ما بكون قدامنا حل غير انو ننساهو،،ونبدا من جديد عشان هو غلط عشان هو ما بشبهنا عشان نحنا ما بتعرف نختار ويمكن عشان قلوبنا ما بتشوف،، دي كلها أسباب بتخلينا ننسى🖤...
-يا أستاذ ممكن طلب
-اتفضلي
-ممكن تزيد لي المرتب لأنو المرتب دا ما بكفيني وانا محتاجه شوية قروش🥺💔
-والله مافي طريقة انتي شايفة وضعي الأيام دي
- طيب تسلم
جيت ماشة وانا زعلانة شديد ما عارفة حقول لأمي شنو ولا أجيب قروش من وين لعلاجاتها بالجد حسيت إني ما حاقدر أتصرف🥺رجعت البيت لقيت أمي راقدة في السرير وهي بتكح شديد لما شافتني رفعت راسها
-رفاء يا بنتي جيتي متين؟
-جيت أسي انتي بقيتي كيف؟
-بقيت أحسن يا بتي أمشي خشي المطبخ ختي ليك حاجه أكليها كويس؟
- طيب حاضر
مشيت وانا بفكر في قروش العلاج فكرت أمشي لناس همي بهناك أطلب منهم قروش مع اني عارفة انهم حايذلوني وحيعملو موضوع لكن مضطرة بس😪
جولة تعريفية..
أنا اسمي رفاء عمري ٢٢ سنة ما قدرت أقرا عشان وضعنا بس حصلت لحدي الأساس بعدين أبوي اتوفى وأمي ما قدرت تقريني نحنا ساكنين في بيت الورثة مع ناس عمي قاعدين لينا في غرفة واحده ومعاها حمام وحوش دي قاسمنها لينا من البيت مع انو هم لو عليهم نحنا نقعد في الشارع أمي بتشتغل في المدارس والبيوت بتنضف وبتطبخ للناس وبتفرش في المدرسة برضو اسكريم وحاجات المهم حاجه بس تصرفنا أمي عندها سكري انا شغالة في مكتب بتاع محامي كدا معانا في الحي بعمل ليهو القهوة والشاي بستقبل ليهو تلفوناتو بنضف ليهو مكتبو وبديني راتب كويس يعني قاعد معانا في البيت خالي هو شغال في دكان إجمالي في السوق مع واحد صحبو يعني بساعدنا في المصاريف وكدا وبجي ببيت معانا عشان ما نقعد برانا أنا وأمي خالي دا ما مقصر معانا نهائ بالنسبة لي زي أبوي أنا اسمي رفاء عثمان سيد أحمد اسمي مسجل على اسم خالي لكن ما عارفة ليه ما مسجل على اسم أبوي حتى أنا اسم أبوي ما عارفاهو أمي ما كانت بتحكي لي عنو أي حاجه ولو سألتها منو طوالي بتضايق ما عارفه حاجه غير انو مات لما أنا كنت صغيره وبس ونحنا ساكنين في دنقلا.
فلاش باك#
لبست لي توب ومشيت على ناس عمي بهناك لقيت مرة عمي قاعده في السرير وبطبق في الحنة بتاعتها من شافتني لوت لي خشمها
- ما عارفة ليه الناس دي بتحب تسد لي نفسي كدا ياخ
انا ما اشتغلت بيها طوالي خشيت تووش ومشيت على الصالون لقيت عمي قاعد ومعاهو ولدو الغليظ ياخ انا بكرهو بشكل غياااظ غياظ غياظ😤خشيت سلمت وما قعدت بقيت واقفه
- في شنو يا رفاء خير
-اي خير بس أمي عيانة
-ياخ أمك دي الليل والنهار عيانة هي وأسي المطلوب شنو يعني؟
-عايزة قروش أجيب بيها العلاج لأمي لأنها تعبانة شديد
-ياخ انتو الليل والنهار شحدة شحدة ما بتتعبو
والله بلعتها في حناني بس لأنو نحنا ما قاعدين تشيل منهم حاجه
-يا عمي عليك الله أمي تعبانة والله
-ياخ أمشي موتو انتي وأمك عشان تريحوني من طلباتكم دي غوري من هنا ما عندي ليك أي قروش أنا
شوف الراجل الما بخاف الله دا نحنا متين طلبنا منو حاجه.
طلعت منو وانا متضايقة ضيق دموعي بقت تجري لأنو هو طوالي بذلنا كدا لكن أمي اعمل ليها شنو انا بس قلت خلاص أنتظر خالي يجي بعدين يمكن يجيب الدواء وأنا طالعه ود عمي لحقني
-رفاء يا رفاء
وقفت ليهو وانا زهجانه
- في شنو؟
-شنو ماشة كدا لا سلام لا كلام
- نحنا مافي كلام بيناتنا أصلا عشان نتكلمو
-يا زوله مالك اسي انتي وبعدين انا سامعك قلتي عايزة قروش عشان خالتي عيانة قولي لي علاجاتها بكم وأسي بجيبهم ليها
- لا شكرا أنا بدبر نفسي
-يا بت كدة خليك عاقلة وواعية كدا انا ود عمك وما زول قريب وأمك خالتي
وهو بعاين لي جوة عيوني
- لا شكرا نحنا ما محتاجين ليك
أمو سمعتو بتكلم معي قامت نادتو وهو مشى ليها وانا انسحبت مشيت بيتنا
بقيت منتظره خالي عشان يجي.
في جهه تانية..
-يا حاج يا حاج أديني البشارة
- في شنو يا فرزدق؟
-ربحت القضية يا أبوي
-ألف ألف ألف مبروك دا المتوقعو منك يا ولدي
-تسلم يا حاج
-ان شاء الله دايما متوفق وناجح ورافع راسي
-ان شاء الله يا حاج
فرذدق محمد حمد ٢٩ سنه محامي ومن أكبر المحاميين في البلد عايش مع أبو في سلطنة عمان ووضعهم كويس شديد وفوق العادي ما عندي أخوان ولا أخوات هو الوحيد عن أبو وأمو متوفية عايش مع أبو من كان صغير وهو في عمان
أنا قاعده وما قادرة انوم منتظرة خالي في النهاية الباب دق جريت أفتحو لقيتو خالي وشايل في يدو كيس عرفت انو دا الدواء
-الحمدلله جبتو؟
-اي جبتو يلا يا رفاء سريع شيلي ودي لأمك
وأنا شلت الدواء ووديتو لأمي جيت ليها الموية وبلعت الحبة ونامت بعدين مشيت جهزت لخالي العشاء وجبتو ليهو وقعدت اتونست معاهو عن الشغل وكدا وهو سألني اذا شغللي ماشي كويس
سلطنة عمان.. في مكتب
- انت عارف يا فرزدق أنا مفكر أنزل السودان
- في شنو يا مان حنيت للأهل ولا شنو
-والله حنيت ليهم وغير الحنية حارجع أشتغل هناك
-تشتغل هناك عديل لا انت الليله ما طبيعي
-والله عايز اكون وسط أهلي الغربة حارة ياخ وغير كدا القضايا هناك متوفرة شديد يعني
