هو كان عارف انها أختو وحاجات كتيرة بتدل على دا وأكبر دليل انو عندهم شبه كبير من بعض بس كان عندو شوية أمل انو دا كلو يكون كذب أو يكون بحلم أو بتخيل أو يمكن هو ما قادر يتقبل الحقيقة😪💔بس لما جات من أبو شخصيا وقال ليه الكلام دا لما قال ليه انو رفاء أختك هنا كان الألم والوجع لأنو كان عايز زول واحد بس يقول ليه انها ما أختك زول واحد بس يديه أمل لكن للأسف اتقفلت من كل الطرق😪💔وقع التلفون من يدو فجأه بقى يحس انو دقات قلبو عالية شديد عالية لدرجة انو هو سامعها كان حاسي انو الدنيا كلها ضلمت في وشو وبقى لا شايف لا سامع لا قادر يتحرك قعد في الأرض هو ما كان ببكي ولا حتى دموعو جرت هو كان مصدوم لدرجة انو دموعو كانت ما قادرة تطلع كانت محبوسة جوة لأنو الصدمة كانت أكبر من الدموع😟ليه يا رفاء ما فارقتيني قبل ما تمشي ليه ما قلتي لي بحبك يا فرذدق عشان تكون اخر مرة ليه يا رفاء ليه فراقنا يكون كدا يكون مكانو هنا لو كان علاقتنا انتهت بطريقة تانية ياريت لو كان خانتني ياريت لو قالت لي انا ما عايزاك انت عايزة صهيب كان بس يحصل اي شي ولا هي تطلع أختي وتكون قدامي وانا شايفها وحتى تعاملي معاها حيتغير حعاملها كأختي حسلمها لراجلها بيدي ليه؟عشان هي أختي بس أختي ليه يحصل دا كلو وأنا بحبها اي بحبها ودا كلو يقعد في قلبي كدا ليه ياخ انا لو شلت قلبي دا وقطعتو بيدي مستحيل يبقى أكتر من الألم الأنا حاسي بيه دا مستحيل😪😪😪أنا بحبك يا رفاء بحبك🖤
احساس انو فجأه الدنيا تضلم في وشك تكون ما شايف ولا سامع ولا حاسي بحاجة تكون ماشي وما عارف ماشي كيف أو على شنو فجأه الاحساس بقيف عندك وكأنك بقيت زي المشلول ما قادر تحس برجلينك ولا بيدينك بس بتكون سامع نبضات قلبك وصوتها طالع برة بتكون سامعها في أذنك بس اللحظة دي أكتر لحظة بتوجع💔💔
Dammmn love
قام من الأرض وهو ماشي لحدي ما وصل الغرفة القاعدة فيها رفاء بقى يعاين ليها من بعيد وما قادر يخش ما كان عارف يعاين ليها بأي صفة تانية كيف يقدر يعاين ليها بصفة انها أختها بالجد صعبة😪💔هي كانت صاحية وعيونها فاتحة بس ما بتتكلم أمها ماسكاها وحاضناها وبتبكي بس رفاء كان الحزن الجواها أكبر من انها تتكلم أو تبكي اكتفت بالسكوت💔😪
فرذدق لقى نفسو طلع من المستشفى وهو ما عارف حيمشي وين بقى ماشي في الشارع بقى مهزوز شديد وبقول في نفسو حترجعي لي يا رفاء حترجعي أنا متأكد بيناتنا يوم أكيد حنرجع حنرجع اي حنرجع هو عارف انو دا كلو مستحيل يحصل بس هو بطمن في ألمو عشان ما يزيد عليه بقول ليه أهدا انا متأكد انها حترجع بس انت ما تزيدها علي ما تزيدها😪💔
وصل لأمين في البيت أمين فتح ليه شاف شكلو عرف انو ما كويس دخلو جوة وجاب ليه موية لكن هو ما شربها كان حاسي انو هو محتاج زول يتكلم معاه جاء قعد جنبو وبقى ساكت كان منتظرو يتكلم عشان يعرف الحاصل عليه فرذدق كان ساكت مسافة طويلة تاني اتكلم
- ليه يا أمين الدنيا دي بتعمل فيني كدا ليه ما حرام البحصل دا والله حرام ياخ انا حبيتها والله حبيتها أنا أول مرة أحب زول بالطريقة دي والله أول مرة ياخ انا شفت فيها كل شي حلو كنت عارف انها هي الوحيدة الممكن تكملني هي بس الممكن تعوضني عن حنان أمي الأنا فقدتو هي الوحيدة القدرت تغيرني وتبقيني زول كويس زول بحس زول عندو قلب هي الوحيدة البتخليني أضحك انا لما اشوف وشها الملائكي دا بنسى كل شي بحس اني عايز أشوفو الوقت كلو عايز أتأملو وأسرح فيه ياه نحنا ليه يكون عندنا قلب أصلا ليه ياريت لو ما كنا بنحب ولا بنحس ليه بحصل معي دا كلو ليه يا أمين ليه؟يعني خلاص هي. بقت محرمة علي؟يعني ما ينفع أحبها وأتزوجها؟ما ينفع؟يعني أنا دايما حاتعذب حاتألم كدا يعني الفرح ممنوع علي؟يعني هي طلعت أختي عارف يعني شنو أختي يعني خلااااااص دا كلو انتهى الحب دا كلو حيفضل في القلب بس أمين انا بحبها والله بحبها أمين انا أعمل شنو؟أنا عشقت البتموتني بالجد موتتني امين انا ما قادر والله بحبها أعمل شنو من غيرها أعمل شنو؟
فجأه بقى يبكي زي الشافع🥺🥺
- فرذدق استغفر ربك ما تعمل كدا انت عارف كل شي مكتوب كل شي مسطر والله دا كلو مكتوب عند ربنا انو حيحصل لو ما الليلة بكرة لو ما بكرة بعدو دي اسمها قسمة وانتو قسمتكم ما مع بعض فرذدق انت عارف قبل ٧ سنين من أسي كنت بحب وحدة لدرجة الموت كنت ما بعرف انوم الا أشوفها كنت متعلق بيها لدرجة بعيدة كانت مسيطرة علي بكلو كانت ساحراني كنت بحس انو حياتي كلها متعلقة بس بعيونها دي اي زول كان بقول لي ما تحب كتير كدا ما تتعلق كدا لأنك بعدين حتنجرح بس ما كنت بصدق كلام زول كنت بتعمق وبتعمق لأني ما وقعت وما قدرت أقوم انت عارف البنت دي لو كان ماتت الألم ما كان حايكون زي الألم الأنا ما قادر انساه من ٧ سنين انا كنت فترة مافي سافرت عشان أشتغل عشانها بتذكر كان أمي ضربت لي عشان اجي عرس أخوي قلت ليها اني ما بقدر ما كنت عارف اخوي حيتزوج منو بس قلت بعد أخلص وأرجع اشتغلت عشانها عملت كل شي عشانها بس عشان اقدم ليها الحياة الهي بتستاهلا انا لما رجعت كنت مبسوط كنت عايز أقول ليها اني حقق ليك احلامك كلها حاعمل ليك كل شي انتي بتتمنيه وأخيرا حلمنا حيتحقق وحانكون مع بعض بس لما رجعت لقيتها بقت مرة أخوي.
