انا استغربت في شنو حاصل لكن ما سألتو
حاحكي ليكم عن الأستاذ دا شوية.
(أمين 32 سنة أعزب أصلا هو عندو مشكلة مع الجنس التاني دا يعني نحنا😹😹ما أظن يكون بعرف ليهو بنت بالغلط ساي زول جادي بشرب قهوة الصباح ويمكن دي أهم من شغلو زاتو بالنسبة لشكلو فيهو هيبة كدا أخضراني كدا خضرة باردة عيونو صغار شوية يمكن هم المخلنو بركز في أي حاجه😹💔معضل حبتين طويل شوية وبحب يصرخ على طول يعني صوتو دا لو ما طلعو ما برتاح😹)
فلاش باك#
قعدت أنظف في المكتب شغالة بهمة هو كل شوية يجي يسألني لسه؟خلصي سريع ياخ ما ممكن
خلصت نظافة لكن بعد سلة روح بكلامو الكتير كل ما أخلص نظافة يخليني اعيدها بقول ما نظفتها كويس 😒
هو قال لي انو الليلة ما أستقبل ليهو تلفون ولو في أي زول عندو قضية أقول ليهو الأستاذ الليله ما فاضي مشى قعد في مكتبو وكل شوية كان بطلع بعاين للباب وبرجع تاني انا الحاجه الفهمتها انو منتظر زول.
تلفوني دق لقيتو رقم غريب فتحت الخط وأنا متوقعه يكون منو جاني صوت زول بعرفو
-الو رفاء
-الشامي؟
-عيون الشامي
-خير؟
-انتي يا بت ليه لئيمة كدا عايز اطمن عليك
-قبل شوية ما وصلتني واطمنت تاني في شنو وبعدين انا في المكتب ومشغولة
-طيب طيب أبردي بعد تخلصي كلميني أجيك
-برجع براي
-خلاص معناها حجيك الساعه 4 يلا باي
وقفل الخط بالجد الولد دا أذية لكن الحاجه العرفتها انو ما زي أمو وأبو يمكن يكون أحسن شوية
وأنا قاعده أستقبل في المكالمات دخل واحد هو أصلا ما عارفاهو إنسان ولا كائن تاني ياخ زول القمر قال ليهو انا بنزل وانت تعال أقعد مكاني(معليش بالغتت شوية)😹😹 طويل كدا شديد وكأنو أبهشبك باتشان🤭 لونو كدا على أسمر ملتحي لابس قميص كحلي مع كرفتة بيجية وبنطلون بيجي ياخ فيهو هيبة كدا كان مبتسم وشو كدا كأنو صباح العيد وابتسامتو.🤤
احم احم خلاص والله انا ما متعودة أنبرش في زول لكن بس قاعدة أوصف ليكم فيهو ما أكتر😹💔
جاء داخل المكتب وهو عينو على البنت القاعدة في كرسي وقدامها تربيزه وملخبطة ترفع تلفون تنزل تلفون وعبايتها السوداء بقت كلها غبار من النظافة🥺قال السلام عليكم يالله انا من الضخامة والصوت!🤤
-وعليكم السلام اتفضل
-دا مكتب أستاذ أمين؟
-ايوا أي خدمة؟
فجأه أستاذ أمين طلع من المكتب ولما شاف الكائن الحلو دا جاء عليهو سريع سلمو على بعض سلام كأنو ليهم سنين ما شافو بعض ياخ الاستاذ دا لمن دمع عرفت انو دا ياهو الزول الكان مستنيهو أستاذ أمين من قبيل أنا بقيت واقفة بعاين ليهم بس هم كل شوية يرجعو يتحاضنو ويسلمو على بعض تاني
انا لا تلقائيا لقيت نفسي قلت احم احم😹😹واي الليله بالجد ما قاصدة ياخ🤭
-رفاء جيبي2 قهوة على المكتب
-حاضر أستاذ
أنا مشيت عملت ليهم قهوة ظابطة أصلا قصدت أعملها حلوة عشان الكائن الحلو دا🤭وشلتها ليهم على المكتب لقيتهم بتونسو والحاجة الفهمتها انو هو برضو محامي وجاء من عمان والله انا زاتي لما شفتو شكيت انو من هنا😹😹وشكلو حيشتغل مع أستاذ أمين وهو صحبو من زمان وكدا.
جيت قدمت ليهم القهوة لما وديتها ليهو هو عايز يشيل الكباية لمس يدي بالغلط والله كأنو يدي انا يد الراجل وهو يدو يد البنت😹😹رفع راسو مع الهبشة دي وعاين لي انا ختيت الكباية في التربيزه وطلعت سريع سريع ما عارفة بس حسيت بخجل🤭
مطعم في سلطنة عمان.
-فرذدق حبيبي
-اي يا روحي
-نحنا علاقتنا دي ليها كم؟
-سنتين
-طيب مش مفروض نفكر في العرس بعد دا
-دندون حبيبي نحنا لسة الطريق قدامنا طويل
-انت كل مرة بتقول لي كدا ما ممكن بالجد ماما كل يوم بتسألني أها فرذدق حيجي متين فرذدق بجي متين لكن انت شكلو ميؤوس منك
-يالله يا دان انا ما قلت ليك أصبري شوية بعدين انا عندي قضية شغال فيها خليها تخلص وبعدين نفكر في موضوع العرس
-انت أصلا قضاياك دي ما حتخلص فرذدق انت لو ما عاجباك علاقتنا دي ولا عايز تنهيها قول لي عشان أي زول يمشي في طريق
وقامت من الكرسي عايزة تمشي فرذدق مسك يدها وقعدها في الكرسي
-عايزة تمشي وانتي زعلانة مني؟
-.....
-دان
-.....
-حبيبي
-.....
-دان ما تخليني أعصب منك
-عصب هو انت بتعرف لحاجه تانية غير العصبية؟ ما اعتقد
-هههه بعرف أحبك لكن
-اممم
-خلاص كفاية زعل عايز أشوف ابتسامتك الحلوة ما تحرميني منها
-....
-طيب أقول ليك حاجه انا بوعدك أخلص القضية دي ونعمل عرسنا طوالي ومن غير تأخير
-جد؟
-حصل وعدتك بشي وما عملتو؟
-لا
-طيب بس خليك واثقة مني وانا ما حاخذلك
خلصت شغل وعايزة أطلع من المكتب الأستاذ قال لي انو تاني حاتأخر شوية في الشغل عشان صحبو حيشترك معاهو ف المكتب من بكرة وحتى المرتب بتاعي حايزيد لأني حاشتفل ليهم ال2 يالله!دي أكتر حاجه فرحتني الحمدلله🙂
طلعت وأنا مبسوطة لقيت الشامي واقف لي برة بركشتو
الشامي دا ود عمي زي ما عارفين عمرو 26 سنة عندو ركشة شغال فيها واحد غليظ شديد يمكن أغلظ زول اشوفو في كل حياتي😣وما كدا وبس عندو جن اسمو بنات ما مخلي وحدة من بنات الحلة وهو ما مجكسها ركشتو دي ما أظن في بت ما ركبتها😹😹طبعا هو دلوع ماما وبابا هو ولدهم الوحيد عشان كدا بدلعو زي دا أما شكلو حدث ولا حرج الحمدلله بس😹😹والله هو ما شين زول وجيه مربوع كدا شعرو مفلفل سبيبي لونو قمحي لكن مشكلتو شنو انو ما بعرف يلبس يعني عادي يكون لابس قميص اكبر منو معاهو جيب شورت قصير ممكن يلبس فنيلة داخلية ويسوق ركشتو ويمشي بيها ابعد مكان عادي😹😹السفنجة أي فردة بتكون من بلد وعندو غرام مع الملابس الكبيرة والواسعة والعجب الجلاليب أنا بشك انو بشتري ملابس شكلهم حقين عمي😹😹
