فرذدق جاء خاشي مع صهيب بيتهم وصهيب شايل ليهو شنطتو خايف منو😹😹فرذدق كان بتفقد في البيت وكأنو شايف فيهو بيتهم الزمان بيتهم الاتولد فيهو بقى يتذكر في أمو قبل تموت لتذكر في في طفولتو لا اردايا دموعو جات نازلة مسحها سريع سريع لما شاف أهل صهيب طالعين وجايين عليهو كان شايف أمو وأبو وأختو سهاد وسامر استقبلو استقبال حلو سلمو عليهو بحرارة مع انهم أول مرة يشوفو بس كانو بسمعو عنو من صهيب هو كمان سلم عليهم وهو مبتسم وأصلا دي طبيعتو سهاد كانت مركزه معاهو شديد بتعاين ليهو وكأنها شايفه فيهو كل شي حلو كانت متابعاهو بنظراتها متابعة حركاتو سلامو ابتسامتو ضحكتو كلامو حست انها ما عايزة تزح عيونها منو نهائ فجأه أمها قطعت نظراتها ب(أمشي جيبي عصير لفرذدق)
هو مشى الصالون مع صهيب وأبو كانو ماسكنو بالونسة والضحك ونسى المقلب العملو فيهو صهيب البسببو ممكن يكون خسر دان حبيبتو.
طلع جزمتو واتمدد على السرير حس براحة كبيرة أخد نفس عميق بقى يفكر لو كانو لسه في السودان وما سافرو عمان كان حيحصل شنو حس بحنية كبيرة لما شاف بلدو الاتولد فيها مع انو جاء فجأه،سهاد جات خاشة عليهم وشايلة كباية العصير وهي مبتسمة قدمتها لفرذدق قال ليها(شكرا)شالها منها وهي لسه واقفة بتراقب فيهو بعد شوية لاحظت لنفسها من نظرات أبوها وأخوها ختت صينية العصير في التربيزه وطلعت وهي خجلانة شديد😹😹
بعد المغرب..
شلت تلفوني وضربت لسهاد كنت عايزاها تجيني عشان أحكي ليها بموضوع الشامي لأني محتاجة أتكلم معاها بالجد
-سهاد تعاليني عايزاك ضروري
- في شنو يا رفاء انتي كويسه؟خالتو مالها حاصلة ليها حاجه؟
- ما حاصلة لينا حاجه نحنا كويسين بس عايزاك في موضوع
-اااه قطعتي لي قلبي ياخ🥺
-😹😹مجنترة اها أفتح ليك الباب؟
- رفاء مافي طريقة أجيك والله
- ليه في شنو؟
- والله صهيب عندو صحبو جاء من عمان الليلة وأسي هو معانا وشفالة مع أمي في البيت عندها حاجات
-اممم طيب مافي مشكلة حبيبة
- طيب ما تجيني انتي على الأقل نساعد أمي نحنا ال٢ عشان نخلص سريع ونقعد نتكلم
- طيب بشوف خالي لو خلاني أطلع
- طيب
كلمت خالي ولبست لي عباية سوداء مع طرحة سوداء أصلا بحب السواد أنا😹😹💔ومشيت عليهم دقيت الباب فتحتو لي صهيب وبديت أتخجل🙈هو كان بعاين لي بتمعن شديد اتفحصني بعيونو من فوق لتحت كأنو عايز يطلع من جسمو عشان بعاين لي بس كان بعاين لي بالطريقة دي فجأه حس على نفسو وحاول يتجاهل اني واقفه قدامو وانا حاولت أفتح موضوع
-شكلك ما عايزني أدخل🥺
-😹😹آسف وقفتك بره
- لا عادي😇
-طيب اتفضلي
خشيت ليهم جوة وهو مشى على الصالون بالحوش البهناك لقيت خالتو نجلاء وسهاد في المطبخ مشيت سلمت عليهم وبقيت أساعدهم في الأكل سهاد كانت مبسوطة شديد وبتغني
-الليلة في ناس فرحانة😉
خالتو نجلاء ردت لي
-والله انا برضو حيرتني فاكراك عارفة هي مالها
-يعني يا جماعة الزول ما يفرح ولا شنو؟🙄
- ما كدا معقولة لكن عايزنك تفرحينا معاك
-مافي حاجه بس مبسوطة ساي الله!
صهيب جاء خاشي علينا في المطبخ وانا واقفة في البتوجاز بحمر في البطاطس
-يا أمي الأكل دا لسه عشان فرذدق ياداب جاء وبكون جوعان
أنا ركزت في الاسم فرذدق؟اتذكرت انو كان سمعتهم بتكلمو عنو هو وأستاذ أمين معناها دا صحبو الفي سلطنة عمان
-اي خلاص قربنا دقايق أنظم الصفرة
خالتي طلعت برة صهيب جاء قريب لي شال من صينية البطاطس وبقى ياكل
- يا رفاء سريع خلصي البطاطس دا نحنا جوعانين ياخ
سهاد ردت ليهو
-انت قبل شوية ما كنت بتاكل بس الليل والنهار تطق تطق🙄
-عينك الحارة دي أنا شكلي حموت بعد شوية بسببك🥺
أنا قعدت أضحك شديد قام اتلفت علي بقى يعاين لي ويبتسم واي من ابتسامتو🙈قال لي
- يا رفاء ما تخلصي البطاطس دا الله!
سهاد
- انت شنو من قبيل على رفاء أطلع برة ما تتغذ في نصنا
- انا البقعدني معاكم شنو وخصوصا انتي كأنو قاتل نفسي على شوفتك🤮
-صهيب أطلع go out
-قو شنو؟😹😹وااع قال بقت تعرف ليها انجليزي سبحان مغير الأحوال
- انت فهمك شنو أعرف اتكلم أول
والله وأنا بعاين ليهم اتمنيت لو كان عندي أخو اتشاكل معاهو كدا🥺
جات خالتو نجلاء قالت لصهيب خلاص خلي فرذدق يطلع برة عشان نحنا خلصنا وانتو ختو الأكل سريع
