نحنا كنا متفاجئين شديد من جيتو خالي كان متضايق منو شديد
-خير عايز شنو👿
-يعني من الباب؟ما عايزين تقولو لي اتفضل
-اتفضل
انا مشيت جوه لبست لي توب وطلعت هو قعد في السرير أمي كانت قاعده بتعاين ليهو ما فتحت خشمها هو بدا يتكلم مع خالي ويسأل فيهو عن الشغل وكدا وخالي بختصر فيهو
- والله يا خال انا جيتك عشان موضوع بتمنى تخدمني فيهو
-موضوع شنو؟
-بصراحه انا عايز رفاء على سنة الله ورسوله
فجأه كلنا سكتنا انا اتخلعت بالجد
- أنا ما عندي علاقة بالمواضيع البتحصل بين خالتي وبين أمي انا برة المواضيع دي كلها عشان كدا بتمنى توافقو على طلبي
أمي قامت فوق وردت ليهو
- انا مستحيل أخلي بنتي تتزوج واحد أمو بالوساخه دي وأبو زيها كمان
- أنا ما عايز ارد ليك بحاجه ما تعجبك يا خالة عشان كدا ما تدخلي أمي في الموضع دا
- ما ادخل أمك؟هي وقت كذبت على عمك ووقت أهانتي ونزلت من كرامتي ووقت اتهمتني في شرفي انت كنت وين؟ودا كلو خلي وقت جات هنا وكلمت رفاء انت كنت وين؟
-يا خالتي أنا ما عايز أدخل في الموضوع دا وما عارف أمي اتهمتك ليه في النهاية دا موضوع بيناتكم وأسي انا جيت لحاجة تانية
- أنا ما موافقة دا اخر كلام عندي وبتمنى تخلونا في حالنا انت وأمك
- رفاء دي بنت عمي وغيري انا ما حتتزوج خليكم عارفين
خالي قام على حيلو
-أطلع برة يا الشامي
-تمام يا خال
الشامي طلع ورزع الباب قوي كووو خلانا كلنا زهجانين وقالبين وش أمي بتهرج براها بتنبذ في ميمونة خالي بهرج براهو أنا ما كنت عارفة أعمل شنو مشيت خشيت جوة وخليتهم يهرجو
في مطار السودان.
-أمين أسمعني فرذدق لو حاول يتهجم علي أنت أقيف ليهو ما تخليهو يقرب مني
- والله ما عارف أشوف😌
-تشوف شنو؟لو ما متذكر انت الرديت ليهو انا ممكن عادي اقول ليهو ما عارف حاجه😌
-دقيقة دقيقة صهيب ما تخليني أقوم عليك وامشي وأخليك تستقبل فرذدق براك وبحصل ليك يحصل
-خلاص خلاص أصبر انا بهظر معاك ياخ معقوله☹
-هظارك المسيخ دا ما تهظرو معي🙄
- طيب حاضر حاضر😹
الساعة ٤ و٣٥ دقيقة وصلت طيارة فرذدق كان شايل شنطة يد سوداء في كتفو تبع الشغل وشنطة كبيرة في يدو التانية لابس بنطلون أسود مع قميص أبيض مع نظارة شمسية و مشيتو السريعة كان ظاهر فيهو هيبة المحاميين وأخد أنظار البنات الموجودين في المطار بعيونو الجذابة وأنفو الحاد حواجبو الغزيرة مع اللحية والشارب وابتسامتو الخفيفة البتظهر فيها المسافة البين أسنانو(الفلجة)مع قوامو المعدول المربوع ولون بشرتو السمراء المديهو جمال وجازبية🤤
صهيب وأمين كانو في الاستقبال أمين كان خايف شوية من ردة فعل فرذدق اما صهيب كان واقف وخاتي يدينو في جيوبي بتاعة البنطلون وبصفر بكل رواق وكأنو ما عمل حاجة
شوية وفرذدق ظهر على أمين وصهيب هو ما كان فاكر انو في زول منتظرو في المطار لأنو اتفق مع أمين انو حايجيهم في المستشفى من المطار طوالي فرذدق كان شايف صهيب وأمين من بعيد والغضب بدا يظهر في وشو قرب حواجبو من بعض وغير ابتسامتو لتكشيرة لكن كان ماشي وعايز يصلهم عشان يفهم كل الموضوع لحدي ما بقى واقف قدامهم وهو عايز تفسير لأي حاجه
-اووو فرذدق حقنا حمدلله على السلامة السودان نور
-دا شنو يا صهيب؟🙄
-الف الف مبروك القضية رفعت راسنا😻
-صهيب انا بسأل فيك دا شنو؟🙄
-كدا تعال سلم على أمين انت ليك سنين منو😁
-صهيب رد لي عشان ما أخلي الناس الفي المطار كلها تتفرج علينا
-خلاص خلاص براحة أنا بس كنت عايزك تجي هنا وما كان في حلل غير دا
زاد نبرة صوتو وبدا يصرخ
-تقوم تجيبني بالشكل دا؟
-فرذدق خلاص أهدا ما تصرخ
زاد نبرة صوتو
-ياخ بصرخ أنا سايب شغلي وسايب البنت البحبها المفروض اسي انا اكون في بيتهم عشان اتقدم ليها عشان شنو؟عشان اجي هنا لمقالبك السخيفة دي؟ياخ انت متين حتبقى زول جادي في حياتك؟
صهيب حس انو فرذدق حايصرخ أكتر والناس بدت تعاين ليهم
-طيب خلينا نمشي نتفاهم برا
-نتفاهم برا وين انا ما عايز معاك اي تفاهم انا من محلي دا وحارجع عمان
-ترجع عمان كيف يعني؟كدا قول بسم الله خلينا نمشي بره عشان نتفاهم
أمين لما شاف الجو اتكهرب كدا اتدخل
-فرذق خلاص حقك علينا عشان عملنا فيك المقلب البايخ دا لكن كان نفسنا تجي هنا ونحنا عارفين لو قلنا ليك تعال انت ما حترضى تجي عشان كدا جبناك بالطريقة دي☹
-حتى انت يا أمين الأنا فاكر انك عاقل وفاهم في داعي تجيبوني بالطريقة دي بس في داعي؟
-نحنا آسفين والله آسفين امسحها لينا في وشك
-اي عليك الله يا فرذدق روق شوية أمشي أقعد شوية كدا بس ارتاح من تعب السفر شوف السودان دي زاتها بقت عاملة كيف من آخر مرة شفتها فيها وأنا بحجز ليك تذكرة لعمان عشان ترجع😇
بدا يهدأ شوية وقال خير بنبرة باردة بتدل على موافقتو
صهيب شال ليهو شنطتو من يدو وأمين طلع حرك العربية ومشو على بيت صهيب
-دنقلا زي ما هي م اتغير فيها شي
- والله الاتغير فيها كتير بس انت ما ملاحظ
- والله ياها زاتها بلدي الاتولدت فيها واتربيت فيها ولعبت في شوارعها
شال نفس عميق
-كان فيها ذكريات كتيرة
-طيب انت مفروض تشكرني عشان انا جيتك هنا😌
عاين لصهيب نظرة استفزاز ورجع عيونو منو صهيب سكت عشان ما يقبل عليه😹😹لحدي ما وصلو بيت صهيب فرذدق كان بتأمل دنقلا من شباك العربية وهو مرتاح نفسيا وفي سرو
-الحمدلله اني جيت وشفتك يا دنقلا
أمين نزلهم عند بيت ناس صهيب وحرك عربيتو ومشى على المكتب
