رفاء وفرذدق كانو بعاينو لبعض بنفس النظرة دي اي ياها نظرة الندم نظرة الحسرة الاحساس بالذنب كأنهم عملو شي غلط نظرة تأنيب الضمير نظرة كأنو فقدو زول عزيز وانو خربو حاجات كتيرة بسبب الحب دا حاجات ما حترجع تاني حتى لو مرت عليها سنين ولا حتى هم حايكونو مبسوطين بالعلاقة دي💔
كانت الساعة ٤ و٣٥ دقيقة.
فرذدق فكر يمشي لأمين ويفضفض شوية لأنو كان حاسي بغمة في قلبو ما طبيعية نهائ لكن ما قادر يطلع نفسو غلطان يمكن بسبب الكبرياء الفيه.
في بيت أمين،،
-أمين تفتكر اني بعمل الشي الصاح
- فرذدق انا ما بقدر أقول ليك اذا انت غلطان او لا بس بقدر أقول ليك حاجة وحدة الحصل حصل وصهيب سافر يمكن كان لخير انو يسافر ويخليكم وهو عمل كدا عشانكم ما تتراجع خليك معاها لأنها حاتكون حاسة بنفس الإنت حاسي بيه حاول انك تتكلم معاها عشان ما تحس بالذنب
-رفاء ما عندها ذنب رفاء دي بريئه شديد وطيبة وأنا متأكد اني لو ما كان صارحتها بحبي كان وافقت على صهيب من غير تردد عارف ليه؟لأنها ما بتحب تزعل زول منها
- طيب عشان السبب دا انت خليك جنبها وما تسيبها على الأقل التضحية بتاعة صهيب ما تضيع ساي
- أمين انت رفاء دي كانت شغالة معاك من زمان ودايما بتكونو مع بعض في المكتب ما حصل يوم فكرت تحبها ما لاحظت لجمالها دا كلو ما أثر فيك ما خلاك تضعف
-هههه القصة ما جمال وبس القصة حاجة بتطلع من جوة
-أنا عايز أفهم انت ليه للآن ما فكرت تتزوج أو تحب
- فرذدق قوم امشي بيتكم انا ما فاضي ليك
-يا زول حيلك حيلك طاردني عديل كدا😹😹
-بكرة عندي شغل بدري عايز أريح شوية
-عليك الله خلي الاهتمام الكتير بتاعك دا روق شوية
-ياخ عليك الله قوم اتخارج
-هههه والله انت ما نصيح
-بكرة الشغل بدري عشان راتبك ما ينقص
-والله صهيب كلامو كلو طلع في محلو انت ما نصيح😹😹
-أقفل الباب وراك
-تجاني الماحي نفر😹😹😹
مرات كتيرة بتحصل معانا حاجات بتخلينا نكره الحب💘 الحاجات دي مهما تمر عليها سنين وسنين حتفضل في ذاكرتنا💘 ما حننساها مستحيل يوم ننسى انو انجرحنا بسببها💘بكينا اتألمنا حرمنا نفسنا من الأكل من النوم من الضحك💘 يمكن الحاجات دي مهما الزمن يطول عليها حتفضل محفورة جوانا💘 حاتغير فينا كتير حاتخلينا ننسى نحنا منو حاتخلينا نكون ناس تانيين لكن ما حنقدر ننساها هي ...💘
فرذدق طلع من أمين وماشي في الشارع رسل لرفاء رسالة(عايز أشوفك تعاليني في المكان القعدنا فيه المرة الفاتت)
هي كانت محتاجة تتكلم معاه ومنتظرة منو مبادرة وما صدقت انو قال ليها عايز يشوفها لبست عبايتها وطلعت ليه مشت برجلينا مع انو المكان بعيد شوية لحدي ما شافتو من بعيد وهو جاي عليها
- فرذدق أنا
- رفاء أنا
فجأه سكتو لما قالو نفس الجملة مع بعض
-اتكلمي
-اتكلم
تاني سكتو لما رجعو قالو نفس الكلمة مع بعض
-عايزة أقول ليك
-عايز أقول ليك
بقو يضحكو لما لقو نفسهم بكررو نفس الكلام مع بعض وفي نفس اللحظة تاني سكتو مسافة
-اها
-اها
تاني بقو يضحكو لأنو قالوها مع بعض تاني سكتو مسافة بعدين فرذدق اتكلم
-شكلنا حانقضيها كدا😹
-هههه طيب اتكلم انت
-خليتيني أنسى اي شي عايز أقولو
-😹😹طيب ما حاتكلم لحدي ما انت تخلص كلامك
-بحبك
بقت تتمتم في الكلام اتلبشت لأنها جات فجأه(بالجد الكلمة دي بتكون حلوة لما تجي فجأه يالله!😹😹)
-رفاء أنا حاسي نفسي ملخبط شديد وما فاهم حاجة حاسي انو الأمور كانت جايطة شديد بسبب الحصل صهيب انتي علاقتي معاكم حاسي انو راسي كان حينفجر لأني فكرت كتير في الحيحصل لكن في النهاية اتوصلت لنتيحة وحده بس هي اني بحبك يا رفاء وما عايز أبعد منك ما عايز حاجة تخلينا نكون بعيدين عايز انو نبدا صفحة جديده ما يكون فيها شي غير أنا وانتي💜عايز انو ننسى الفات كلو ونفكر في حياتنا مع بعض موافقة؟
هزت ليه براسها اي
هم كانو بفكرو في حاجات كتيرة كانو بفكر في صهيب وانو قلبو حايكون كيف انو حايكون حاسي كيف وبشنو حايعيش كيف كانو بفكرو في انو كيف حبهم دا كان فجأه كان من أول نظرة كان سريع ما كانو حاسين بيه بس فجأه حصل كانو بفكرو في حاجات كتيرة ما لاقين ليها حل كانو بفكرو في انهم ظالمين في انو الحب دا خلاهم يظلمو الناس بس لما شافو بعض دا كلو انتهى واتبخر مع الريح التفكير بالذنب بإحساس تأنيب الضمير احساس الظلم دا كلو انتهى بس لما شافو بعض يمكن عشان كدا بقولو الحب أناني🖤
Daaaaamn love
فرذدق كان خجلان انو يقعد مع أهل صهيب وصهيب مافي لكن هم ما حسسو كدا خالص بالعكس بقو يعاملو وكأنو هو واحد منهم وبالأخص سهاد كانت بتقرب منو وبتحاول تتكلم معاه وتفتح معاه مواضيع وهو كان بتضايق منها وحس انها مايلة ليه شديد وخاف انو تحصل مشكلة بسبب انجذابها ليه بالأخص انها أخت صهيب وهي ما كانت عارفة البينو وبين رفاء وهي ما فكرت تحكي لرفاء عن مشاعرها اتجاهو ولا حتى رفاء حكت ليها عن علاقتها مع فرذدق ،،في الفترة دي فرذدق ورفاء بقو قريبين شديد من بعض بمشو المكتب مع بعض وبرجعو مع بعض وهو صاحب خالها وبقى يجيبهو في البيت ويتونس معاه وحتى أمها بقت تحبو شديد .
في يوم فرذدق ورفاء رجعو من المكتب زي الساعة ٤ و٣٥ دقيقة هي خشت بيتهم وهو خش البيت لكن لما جاء خاشي شافهم قاعدين كلهم وشكلو في ضيف قال السلام عليكم وخش عشان بشوف الضيف دا منو واتفاجأ لما لقاها دان
