انت عارف كمية الألم الأنا حسيت بيه في اللحظة دي أنا بقيت زول تاني بسببها بس عبارة عن واحد حزين وكئيب وممل السنين المرت دي كلها وانا شايفها مرة أخوي أولادها المفروض يقولو لي بابا بقولو لي عمو أمين أنا شايفها قدامي لكن ما على أساس انها البنت الحبيتها على أساس أنها مرة أخوي بقيت أعاملها على الأساس دا وأنا بجوة بنذف حاولت أكون قوي قدر ما أقدر حاولت أكاوي الحزن بضحكة لكن برضو ما قدرت لقيت انو الحزن سيطر علي من كل الاتجاهات وغير في حياتي كتير بس في النهاية كلو قسمة ونصيب وكلو لخير انت بس أصبر خلي إيمانك بالله كبير🖤
-ونعم بالله
فرذدق طلع من أمين وطلع تلفونو من جيبو واتصل على رقم كان منتظرو يرد عليه ورد بعد مسافة طويلة
-صهيب انا اسف بعتذر منك آسف يا أخوي آسف عشان كنت أناني عشان دايما كنت بظلمك وبشيل حقك وانت ما قصرت مني في حاجة بس انا الكعب والله انا الكعب وما بستاهل انك تخت لي القيمة دي كلها
-فرذدق في شنو ليه بتقول كدا؟حاصل عليك شنو؟وصوتك مالو؟
-طلعت أختي يا صهيب ومحرمة علي عشان انا حرمتك منها الله حرمني منها😪😪
- فرذدق استهدى بالله أحكي لي براحة براحة
وفرذدق قعد يحكي لصهيب عن الحصل عن كمية الحزن الحس بيه صهيب لما سمع الكلام دا سبحان الله هو كان متعلق بيها شديد وسافر عشان هي اختارت فرذدق وما كان قادر يقعد ويشوفها مع غيرو بس لما سمع الحصل معاهم اتضايق شديد ما كان عارف يقيف مع فرذدق كيف أو يعمل شنو عشان يواسيهو🥺
-صهيب انا عارف انو دا كلو حصل معي عشان ظلمتك عشان أخدت منك البنت الانت حبيتها صهيب أنا آسف
- يا مان نحنا البيناتنا أكبر من كدا وانا ما زعلان منك والله وأصلا انا نسيتها(دموعو جات جارية)
بعد مرور ٦ سنين،،
-فرذدق حبيبي تعال خلينا نمشي تعال يلا ماما
-ماما نحنا حنمشي مع منو وبابا ما جاء
- ما عارفة يالله أبوك دا مشى وين ياخ بضرب ليه تلفونو قافل جيب يدك خلينا نمشي
- لا خلينا ننتظر بابا
-يالله يا فرذدق ابوك ما حيجي انا عارفة أصلا هو بتاع مواسير
-يعني شنو بتاع مواسير؟
-يعني واحد كذاب
-بابا جاء هداك بابا
وجرى ليه
-بابا بابا
-تعال حبيبي أنا(وباسو)
-بابا انت عارف ماما قالت انك بتاع مواسير
-هههه دي ماما قالت كدا؟
-(هز ليه راسو)
- طيب خلينا نرضي ماما لأنها زعلانه مننا
- رفوو
- ما اسمي
-يالله يا رفو انا اسف خلاص
-انت أصلا دايما بتعمل كدا نفسي مرة وحدة أقول ليك تعال في الزمن الكدا وتجي
-حبيبي انتي عارفة اني مشغول شديد وما لقيت طريقة أجيكم
-انت أصلا ما فاضي لينا
-أنا شغال عشانكم انتي عارفة اني ما عندي غيركم يلا بطلي دلع صالحيني عشان مشتاق ليك
-اهممم طيب بشرط
-اها
-خلينا الليلة نمشي لأمي وأبوي بالجد اشتقت ليهم شديد
-حاضر من عيوني
- يا سلام حنمشي لحبوبة وجدو
- اي حنمشي ليهم
- يا هووو
