-ظبطت مواعيدك صاح؟🤭
- انا ما كنت منتظراك أصلا
-عليك الله بطلي اللماضة دي
-هه🙄
-أركبي
الحاجه المحيراني انو في الشارع ما اتونس معي نهائي ما عارفة عملها كيف😹😹كان سايق بس لكن ما كنا ماشين بشارع البيت
-هيي هيي موديني وين
- ما تخافي ما بخطفك
-هه أصلا ما حتقدر
-ياخي واثقة شديد😹
-أها ماشين وين؟
-نمشي ناكل اسكريم نبرد شوية
-ياخي؟جاتك من وين تطلع قروش؟انت محموم؟
-هههه يا بت انتي شكلك فاهماني غلط والله انا انسان كريم
-اي صاح صاح
مشينا أكلنا اسكريم واتونسنا انا اول مرة أقعد مع الشامي برانا كدا لكن طلع زول ظريف ما بطال بس قلة أدبو دي لو خلاها ببقى تمام المشكلة نحنا ماشين في الشارع بس ما تجي بنت مارة يطلع راسو من الركشة ويصرخ ليها😹😹
وصلنا البيت أنا قلت ليهو أمشي ببابكم بهناك عشان أمك أسي لو شافتنا سوا تعمل ليك قومة وقعدة قال لي طيب أنا عايزة أخش البيت اتفاجأت بالزول القبيل جاء المكتب صاحب أستاذ أمين كان واقف في البيت القصادنا وشايل سيجارة في يدو أنا وقفت بعاين ليهو هو كيف جاء هنا؟وعندو شنو هنا؟هو برضو بقى يعاين لي بنفس الطريقة بعدين خشيت البيت عشان أكسر نظراتنا دي لقيت أمي بتطلع في حلل وأكل حيرتني
-ديل كلهم مودياهم وين يا حجه
-نجلاء ولدها جاء من عمان الليلة حنمشي نتغدا معاهم
ولدها جاء من عمان؟دا صاحب أستاذ أمين يعني؟هو ولد خالتو نجلاء؟
-خالتو نجلاء عندها ولد في عمان؟
-اي يا بت صهيب
واسمو صهيب
-ما تقيفي لي كدا تعالي ساعديني عشان نمشي لما تكون الساعة ٤و٣٥ دقيقة نكون معاهم فهمتي يلا سريع
مكتب في سلطنة عمان..
الباب كان بدق
-اتفضل
-أستاذ فرذدق الموكلين في قضية المخدرات عايزينك
-خليهم يخشو
اتكلمو معاهو كتير في القضية
-يوم السبت الساعة ٤ و٣٥ دقيقة حنبدا نترافع عن القضية وان شاء الله أجيب ليكم حقكم انتو بس قولو يارب🙌🏻
- طيب يا أستاذ نتلاقى في المحكمة
-ان شاء الله
مكالمة من دان📞
-الو حبيبي كيفك
-كويس كيف انتي
-تمام وين انت من الصباح انا بضرب ليك وما بترد لي ولا حتى بتكلف نفسك ترجع لي وأنا قاعدة هنا زي الهبلة مستنياك تعبرني
-يالله يا دان بالجد انا مشغول وما فاضي كنت حخلص وأتصل عليك لكن انتي ما بتصبري
-يعني في النهاية عملتها فيني طيب يا فرذدق انا آسفه على الازعاج وتاني ما بزعجك تمام خليك مع شغلك
- أنا ما قلت انك أزعجتيني قولي بسم الله ما تزهجي
-فرذدق أنا زهجت منك بالجد زهجت انت دايما كدا دايما بتهملني وما بتخت لي قيمة ولا بتديني شوية من وقتك حتى وبيجاي ماما كل شوية تسألني فرذدق دا ما حيجي لمتين انتو حاتكونو في علاقة بس متين حايقرر يجي أنا هنا متحملة كلام ماما الكتير وانت ولا همك أصلا
-دان أنا قلت ليك بس أخلص القضية دي وانتي وافقتي طيب تاني في شنو
- لا أديني زمن عديل قول لي في اليوم الكدا الزمن الكدا أنا بدق باب بيتكم عشان أنا فاض بي بالجد😤
-يوم الأحد الساعة ٤ و٣٥ دقيقة بكون في بابكم.
شلت مع أمي الحلل بتاعة الأكل وطلعنا ماشين على ناس خالتو نجلاء بالجد ما عارفة ليه أمي شايلة ليهم أكل كتير زي دا أسي دا مصروفنا بتاع الأسبوع كلو لكن ما مشكلة خالتو نجلاء ما مقصرة معانا نهائ في حاجه.
وصلنا بيتهم لقيتهم قاعدين منتظرننا خالتو نجلاء وسهاد(بنت خالتو نجلاء)هي قدري كدا خريجة السنة دي هي قريبة مني شديد زولة طيوبة وكدا ما زي باقي بنات الحلة وبتشبهني في أي حاجة بس الحاجه المختلفة انو هي قدرت تقرأ وانا لا🥺هم ما مقصرين مننا نهائ خاصة إذا احتجنا حاجه دايما بقيفو معانا يلا هم يثرب وسامر دا أصغر مننا بقرا في الثانوي عسل كيوت شديد وصهيب دا مع اني ما كنت عارفة بيهو أو كنت عارفة انهم عندهم أخو ثالث لكن ما عارفة عنة حاجه وكدا.
قعدنا نجهز في الغداء سهاد قالت لي انو صهيب حيشتغل في نفس المكتب الأنا شغالة فيهو وأنا عارفة أصلا شفتو الصباح لكت عملت رايحه😹أنا قعدت أرص في الصحانة صهيب كان قاعد في كنبة وشغال بتلفونو لابس جلابية كدا كبدية خلوها ليهو بس🤤كل ما أجيب صحن برفع عينو بعاين لي تاني لما أمشي بنزل راسو أنا كنت ملاحظة ليهو جينا قعدنا في الصفرة أنا كنت في المطبخ بجهز في حاجات الشاي معي سهاد لما طلعنا كانو كلهم قعدو كان في كرسي جنب صهيب فاضي والتاني جنب أمي انا مشيت أقعد جنب أمي سهاد جرت جري وقعدت فيهو وغمزت لي ما كان فصل الا الكرسي الجنب صهيب انا خجلت شديد أقعد جنبو🥺في النهاية مشيت قعدت رفع عينو عاين لي بنظرة كدا ما عارفة أفسرها كيف بس حلوة وخلاص🤤بدينا ناكل الولد بقى ياكل بكل شراهة وكأنو أول مرة ياكل حيرني طبعا 😹😹
-يا ولد براحة الأكل دا ما هارب منك😹😹
-والله يا أمي ما قادر مشتاق للأكل دا لي زمن منو
-هههه خلاص براحة بتتخنق
قام رفع عينو عاين لأمي
- والله يا خالتي بتعملي أكل ماشاء الله أنا ما مذكر آخر مرة أكلت أكل حلو زي دا متين
-احم احم قصدك شنو يعني أنا ما بعرف أطبخ خالتك بس؟
-معقولة يا أمي انتي الأولى😹😹
- ما بتجي الا كدا بس😹
خلانا كلنا نضحك قعدنا اتونسنا هو ظريف شديد ومسك الونسة كلها وبشيل وبضحك في أمي عجبها شديد😹قعدنا معاهم لحدي المغرب بعدين رجعنا بيتنا.
الصباح..
قمت لبست وطلعت برضو اتأخرت شديد في النوم بقيت شايلة هم لأستاذ أمين يشاكلني طلعت بره الشارع لقيت صهيب واقف جنب العربية بتاعتو وبولع في سجارة معقولة من الصباح هو فجأه انتبه لي قام شغل العربية وركب وحركها وجاء ماشي بجنبي قام وقف لي وضرب بوري يعني تعالي أركبي أنا كنت متردده ما عارفة أركب ولا لا المهم بقيت ماشة وما وقفت نهائ هو دور عربيتو ولحقني ووقف فتح شباك العربية
-مادام نحنا حنشتغل في نفس المكتب أركبي أوصلك معي
- لا شكرا بحب أتمشى
- طيب
وبعدين مشى من غير ما يقول لي حاجه تانية اااوف انا ليه غبية كدا بس🥺ليه ما ركبت معاهو😤بقيت ماشة لقيت الشامي قاعد في ركشتو بالباب البهناك لما شافني جاء لاحقني بالركشة ووقف لي انا ركبت من غير ما هو يتكلم معي
- لا بقيت مشرك لي عديل
-هههه والله الليله صحيت بدري عشانك بس
-اممم طيب مادام صحيت عشاني أمشي سريع عشان انا متأخره
-حاضر هو أنا عندي كم رفاء
-بكاااش😹😹
وصلت المكتب نزلت سريع سريع مشيت للأستاذ جوة لقيتو قاعد مع صهيب
-رفاء ليه اتأخرتي كدا مشى من زمان ٣٠ دقيقة
- انا آسفة يا أستاذ
-أمشي جيبي ٢ قهوة سريع
-حاضر
صهيب بقى يعاين لي بنظرة قلت ليك تعالي اركبي معي وانتي أبيتي طلعت عملت ليهم القهوة وجبتها ليهم سامعاهم بتكلمو عن واحد اسمو فرذدق
- انت عارف فرذدق دا أنا الا اشوف لي طريقة أخلي يجي بيها دنقلا هنا لأنو عنيد شديد
-هههه انت مصايبك ديك اوعى تعملها بس
-والله المره دي أخلي يجي برجلينو مش بالطيارة
