-دان أسكتي خالص كلمة تانية وبديك كف فاهمة؟
-تديني كف عشان منو عشان دي؟يعني انت قاعد الفترة دي كلها في السودان عشانها هي وانا هناك منتظراك عشان نعمل عرسنا👰🏻
رفاء دموعها بقت عشرة عشرة😭 للحظة حست انها غلطت وانو أول مرة قلبها يختار ليها غلط ما كانت قادرة تنطق ولا بكلمة😪💔بس انصرفت من قدامهم براحة براحة وخلتهم بتناقشو وأصواتهم عالية وفرذدق ما كان منتبه انها مشت😟
-ياخ انتي يا دان حتفهمي متين اني ما عايزك بطلت أحبك اقولها ليك بالفرنسي عشان تفهمي؟وبعدين اي انا بحب البنت دي وقاعد هنا عشانها هي فاهمه انا بحب رفاء💗👈🏻
اتلفت على رفاء لقاها مافي وما ظاهرة لحدي نهاية الشارع وهي اتسرعت ومشت من غير ما تسمع باقي كلامو😪💔هو بقى جاري رفاء رفاااااء كان عارف انها حاتكون ماشة على المكتب بقى جاري عشان يلحقها لحدي ما وصل المكتب وفتحو بالمفتاح لأنو كان مقفول بجوة عرف انو رفاء هي القاعدة جوة لأنو أمين ما بجي أسي.
أول ما فتح المكتب لقاها قاعدة في كرسي ومتكومة على نفسها وبتبكي شديد كان شكلها بحنن وعيونها مورمة(شكلها اتعلقت بيه شديد😟) فرذدق جاء جاري ليها قعد في الأرض
- رفاء😟
-عايز شنو تاني؟
-البنت دي
قاطعتو
-خطيبتك وكنتو حتتزوجو لكن انت نزلت السودان عشان فكرت انو صهيب عمل حادث بعدين شفتني وقلت أحسن اكذب على البنت دي وأقضي معاها وقت لحدي ما أرجع عمان واتزوج صاح؟
- لا انتي فاهمه غلط دي ما
قاطعتو تاني
-أسكت خالص ما عايزة اسمع صوتك ولا حتى أسمع منك ولا كلمة انا غبية عشان ما صدقت صهيب هو الوحيد الحباني بالجد بس انا جرحتو بسببك وخليتو يمشي بس عشانك وانت ما بتستاهل ما بتستاهل😟💔
هي كانت متضايقة شديد وهو كان متأكد انها ما حتسمعو ولا حتى حاتصدق كلامو قام على حيلو وبقى واقف جنبها وهي في الكرسي حضن راسها وبقى ماسكو بيدينو الاثنين وبحاول يهدي فيها
- رفاء خلاص ما تبكي حبيبي طيب خليني اتكلم بس أسمعيني وبعدين أحكمي ممكن؟
وهي اكتفت بالسكوت
- طيب انا حقول ليك دي ما خطيبتي دي كانت حبيبتي بس ما بكذب ليك ولا بقول ليك انو انا وهي ما كنا في علاقة انا كنت عايش معاها في علاقة سنتين بس ما كنت بحبها كنت دايما بحس انو في حاجة ناقصة بس ما عارف هي شنو كنت بحس انها ما مناسبة لي ولا حتى هي البنت الأنا بحلم بيها وهي دايما كانت بتستغلتي دايما بتنكد علي وكانت مصرة شديد اني أجي اتقدم ليها وانا كنت بتهرب منها لحدي ما أمين قال لي انو صهيب عمل حادث وجيت السودان ولقيتها فرصة وهربت منها لحدي ما شفتك انتي ولقيت البنت الأنا بحلم بيها عمري كلو ووقعت في حبك وجنيت بيك بعدين هي حاولت تصل لي عشان كدا لحقتني لحدي هنا وبعدين قالت لأم صهيب انها خطيبتي عشان تاخد الفرصة وتقدر تقعد بس والله يا رفاء انا ما حبيتها ولا فكرت أحب غيرك كفاية انك موجودة في حياتي وانا ما مصدق اني لقيتك ما عايز أفرط فيك وانا بوعدك اني أشيل ليها حاجاتها وأرميهم ليها برة البيت مستحيل أسمح لحاجة تزعل حبيبة قلبو🥺💗
رفعت عيونها بقت تعاين ليه
-يعني انت ما كنت بتحبها في يوم؟🥺
-بحبك انتي وبس
-ولا حصل قلت ليها بحبك🥺
-بحبك انتي وبس
-ولا حصل فكرت انك تخليها مرتك وأم أولادك؟🥺
-بحبك انتي وبس
حضنتو عليها شدييد
- فرذدق انا عايزاك توعدني انو ما حاتسيبني في يوم انا ما بقدر بلاك فاهم؟اوعى تسيبني🥺
-بوعدك يا روحي حافضل معاك العمر كلو💗لحدي ما تكرهيني براك😹
وهم كدا جاء أمين داخل (الله يستر)😹😹
-احم احم
اي واحد فيهم بقى يصلح قعدتو
-انتو جيتو تشتغلو ولا جيتو تقضوها لي حبكانيات
-يا مان فضل للدوام ١٠ دقايق يعني لسه انت ما بقيت مدير علينا اسكتين😹😹
- رفاء أعملي لي القهوة فرذدق ألحقني في المكتب
طبعا هو صارم شديد ١ يعني ١😹😹
رفاء قامت عملت ليه القهوة وفرذدق مشى معاه المكتب وهو كل شوية يعاين لفرذدق بطرف عينو
- لا تعال أكلني بعد دا
-ما تبقى لي زي صهيب
-في شنو يا مان مالك أسي؟
-خلاص خليك في شغلك
-تجاني الماحي نفر😹
- فرذدق
-خلاص خلاص😹😹
المساء..
الساعة كانت ٤ و٣٥ دقيقة المواعيد البرجعو فيها فرذدق ورفاء من المكتب كانو ماشين وبتكلمو في الطريق
- انا بكرة حجيكم في البيت عشان اشرب معاكم الجبنة بتاعتك الظابطة دي
- طيب ما أنا قاعدة أعملها ليك في المكتب
-😹😹جاي أشربها مع خالك
-اشمعنى يعني؟
-يا غبية جاي اتقدم ليك
-شنو؟تتقدم لي؟واي فرذدق انت جادي
- لا بهظر😹😹
- فرذدق
-اي يا بت جادي حنعمل خطوبة بعدين أنا حسافر عمان وحارجع تاني نعمل العرس اتفقنا؟
-واي ما مصدقة انت جادي؟
- لا حوللا للدرجة دي كنتي بايرة😹😹
ضربتو في كتفو
- فرذدق
-خلاص خلاص😹😹
لما وصلو البيت.
-البنت ديك حاتكون لسه قاعدة
-ما تشيلي هم حاتكون مشت
بعدين ودعتو ودخلت البيت وهي مبسوطة انو فرذدق بكرة حيجي يتكلم مع خالها🙇🏼♀💗
فرذدق دخل البيت وكان فاكر انو حيلقى دان لسه قاعدة بس لقاها مشت ولقى أم صهيب جات سلمت عليه
- فرذدق يا ولدي خطيبتك دي رجعت وكانت زعلانة شديد وبتبكي وخلت ليك الرسالة دي
-شكرا يا خالتي
شال منها الورقة وفتحها
-أنا حبيتك بالجد وحبيتك كتير بس ما عارفة انت ليه عملت فيني كدا😪💔أنا حتى كنت مستعدة اعمل اي شي عشانك بس انت ما بتستاهلني يا فرذدق😪💔 ولا بتستاهل اني أنزل دموعي بسببك وألف واحد بتمناني
طبعا بعد قرا الرسالة دي فرح فرح ياخ هم وانزاح أخيييرا المعاطة دي طلعت من حياتي وبلا عودة هههه يا سلااااام.💜😻
الصباح،،
رفاء صحت بدري من النوم أو بالأصح ما نامت اصلا لأنها منتظرة يوم الليلة دا بفارق الصبر لقت رسالة من فرذدق(صباح الخير يا حلو يلا الليلة مافي شغل من اسي امشي ظبطي القهوة لبعدين عشان راجلك حيجي يشربها)
